09-Mar-2023

 ବଲାଙ୍ଗିର(ପ୍ରେରଣା ଖବର ): ବଲାଙ୍ଗିର ଜିଲ୍ଲା ସ୍ତରୀୟ ତ୍ରିବସୀୟ ଜୁନିୟର ରେଡକ୍ରସ ପ୍ରଶିକ୍ଷଣ ଓ ତାଲିମ ଶିବିର ସଇଁନ୍ତଲା ବ୍ଲକ ଅନ୍ତର୍ଗତ ବେଲଗାଁ ସ୍ଥିତ ସରକାରୀ ବିଜୟାନନ୍ଦ ହାଇସ୍କୁଲ ଠାରେ ଉଦ୍‌ଯାପିତ ହୋଇଯାଇଛି । ଜିଲ୍ଲା ଶିକ୍ଷା ଅଧିକାରୀ ଧୃବଚରଣ ବେହେରାଙ୍କ ଅଧ୍ୟକ୍ଷତା କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ରାଜ୍ୟ ଜଳ ସମ୍ପଦ, ବାଣିଜ୍ୟ ଓ ପରିବହନ ମନ୍ତ୍ରୀ ଟୁକୁନୀ ସାହୁ ଯୋଗ ଦେଇଥିଲେ ।  ଛାତ୍ରଛାତ୍ରୀମାନେ ଅନ୍ତର୍ଜାତୀୟ ରେଡକ୍ରସ ସଂସ୍ଥାରେ

ଯୋଗଦେଇ ନିଜର ପରିବାର ତଥା ବିଦ୍ୟାଳୟ ତଥା ଜିଲ୍ଲାକୁ ଗୌରବାନ୍ୱିତ କରିବା ଉଚିତ୍ । ସ୍ୱାସ୍ଥ୍ୟ, ସେବା, ବିଶ୍ୱବନ୍ଧୁତା ଦ୍ୱାରା ଏକ ସ୍ୱତନ୍ତ୍ର ପରିଚୟ ସୃଷ୍ଟି ହୋଇପାରିବ ।  ପଢିବା, ବଢିବା, ଗଢିବା ଏହାକୁ ଆଖି ଆଗରେ ରଖି ପ୍ରତ୍ୟେକ ଛାତ୍ରଛାତ୍ରୀ କାର୍ଯ୍ୟ କରିବାକୁ ହେବ ବୋଲି ମାନ୍ୟବାର ମନ୍ତ୍ରୀ ଟୁକୁନୀ ସାହୁ ମତବ୍ୟକ୍ତ ରଖିଥିଲେ । କାର୍ଯ୍ୟକ୍ରମରେ ଜିଲ୍ଲା ପରିଷଦ ସଭ୍ୟା ରିତା ରାଣୀ ହାତୀ, ବିଜୟାନନ୍ଦ ହାଇସ୍କୁଲର ମୋ ସ୍କୁଲ କମିଟୀର ସଭାପତି ନିହାର ରଞ୍ଜନ ବେହେରା , ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ କେଶବ ମେହେର, ପାଟଣାଗଡ ବିଇଓ ଶଙ୍କର ମାଝି, ପୁଇଁନ୍ତଲା ବିଇଓ ଲୋକନାଥ ସୁନା, ଟିଟିଲାଗଡ ବିଇଓ ଆର୍ତ୍ତତ୍ରାଣ ରଥ, ଜୁନିୟର ରେଡକ୍ରସ ସମ୍ପାଦକ ଅନ୍ତର୍ଯ୍ୟାମୀ ବିଶ୍ୱାଳ ପ୍ରମୁଖ ଯୋଗ ଦେଇଥିଲେ ।  ଅତିଥି ପରିଚୟ ଛତାମଖନା ହାଇସ୍କୁଲର ପ୍ରଧାନଶିକ୍ଷକ ନିଳମଣୀ ପଟେଲ କରିଥିବା ବେଳେ ବିବରଣୀ ପାଠ ଜିଲ୍ଲା ଜୁନିୟର ରେଡକ୍ରସ ଅଫିସର ସୁବାଷ ଚନ୍ଦ୍ର ପଟେଲ କରିଥିଲେ । ତିନି ଧରି ହୋଇଥିବା କାର୍ଯ୍ୟକ୍ରମରେ ରେଡକ୍ରସର ଇତିହାସ, ପ୍ରାଥମିକ ଚିକିତ୍ସା, ରକ୍ତଦାନର ମହତ୍ତ୍ୱ, ଦୈବୀ ଦୁର୍ବିପାକ, ବାଲ୍ୟ ବିବାହ, ଶିଶୁ ସୁରକ୍ଷା, ଅଗ୍ନିପ୍ରଶମନ ତଥା ଓଡ୍ରାଫ ଟିମ୍ ଦ୍ୱାରା ବିଭିନ୍ନ ପ୍ରଶିକ୍ଷଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଜୁନିୟର ଓ କାଉନସିଲରମାନଙ୍କ ସହାୟତାରେ ସଡକ ସୁରକ୍ଷା ବିଷୟରେ ଏକ ଶାନ୍ତି ଶୋଭାଯାତ୍ରା ବେଲଗାଁ ଗ୍ରାମରେ ଅନୁଷ୍ଠିତ ହୋଇ ଗ୍ରାମବାସୀଙ୍କୁ ସଚେତନ କରାଯାଇ ଥିଲା । ଏହି ଅସବରରେ ବ୍ୟକ୍ତିଗତ ତଥା ଦଳଗତ ଜୁନିୟରମାନଙ୍କୁ ନେଇ ବିଭିନ୍ନ ପ୍ରତିଯୋଗୀତା ଅନୁଷ୍ଠିତ ହୋଇ କୃତି ପ୍ରତିଯୋଗିମାନଙ୍କୁ ଅତିଥିମାନଙ୍କ ଦ୍ୱାରା ପୁରସ୍କୃତ କରାଯାଇଥିଲା ।  ଶିବିରର ଅନୁଭୂତି ବିଷୟରେ କାଉନ୍ସେଲର ଅରବିନ୍ଦ କୁମ୍ଭାର ଓ  ପଦ୍ମଜା ନନ୍ଦିନୀ ବହିଦାର କହିଥିଲେ । ଚଳିତ ବର୍ଷ ଉତ୍ତମ ପୁରୁଷ କାଉନ୍ସେଲର ଭାବରେ ଶେଷଦେବ ବାରିକ ଓ ମହିଳା କାଉନ୍ସେଲର ପଦ୍ମଜା ନନ୍ଦିନୀ ବହିଦାରକୁ ପୁରସ୍କୃତ କରାଯାଇଥିଲା । କାର୍ଯ୍ୟକ୍ରମରେ ପର୍ଯ୍ୟବେକ୍ଷକ ଦିଗାମ୍ବର ନାଏକ, ଦିଲିପ ଯୋଶୀ, ସରୋଜ କୁମାର ନାଏକ, ସାଧନକର୍ମୀ ରାମ ନାରାୟଣ ଦାଶ, ପ୍ରଭାକର ଛନ୍ଦ, ଘନଶ୍ୟାମ ମେହେର,ରବୀନ୍ଦ୍ର ଠେଟୁଆଲ, ଅରବିନ୍ଦ କୁମ୍ଭାର, ଏସଏସଡିିର ପ୍ରଧାନଶିକ୍ଷୟତ୍ରୀ  ନିବେଦିତା ହୋତା, ଡେଙ୍ଗ ବିଦ୍ୟାଳୟର ପ୍ରଧାନଶିକ୍ଷକ ଚାଣ୍ଡାଳ ମିଶ୍ର, କେରମେଲି ବିଦ୍ୟାଳୟର ପ୍ରଧାନଶିକ୍ଷକ ସରୋଜ ମିଶ୍ର, ଶିଶକେଲା ବିଦ୍ୟାଳୟର ପ୍ରଧାନଶିକ୍ଷକ ମନୋଜ ବେହେରା,  କଅଁସର ହାଇସ୍କୁଲର

ପ୍ରଧାନଶିକ୍ଷକ ଘନଶ୍ୟାମ ଦଣ୍ଡସେନା, ବୁଢାବାହାଲ ହାଇସ୍କୁଲର ପ୍ରଧାନଶିକ୍ଷକ ବରୁଣ ସାହୁ, ସଇଁନ୍ତଲା ହାଇସ୍କୁଲର ପ୍ରଧାନଶିକ୍ଷକ  ଜ୍ୟୋତିର୍ମୟୀ ମହାପାତ୍ର , କାଉନ୍ସେଲର ଦୀପକ ସେନ ଧରୁଆ,  ହେମନ୍ତ ବେମାଲ ତଥା ଅନ୍ୟମାନେ ଉପସ୍ଥିତ ରହି ସହଯୋଗ କରିଥିଲେ । ଜୁନିୟର ରେଡ଼କ୍ରସ କାଉନ୍ସେଲର ହେମନ୍ତ ପଧାନ କାର୍ଯ୍ୟକ୍ରମକୁ ପରିଚାଳନା କରିଥିବା ବେଳେ ବେଲଗାଁ ବିଜୟାନନ୍ଦ ହାଇସ୍କୁଲର  ପ୍ରଧାନ ଶିକ୍ଷକ ନାରାୟଣ ମିଶ୍ର ଧନ୍ୟବାଦ ଅର୍ପଣ କରିଥିଲେ ।