07-Mar-2023

ବଲାଙ୍ଗିର : ପ୍ରତିବର୍ଷ ପରି ଦୋଳ ପୂର୍ଣ୍ଣିମାରେ ସନ୍ଧ୍ୟା ୭ଟା ସମୟରେ ସ୍ଥାନୀୟ ଟିକ୍ରାପଡ଼ା ଜଗନ୍ନାଥ ମନ୍ଦିର ପ୍ରାଙ୍ଗଣରେ ଅଙ୍କୁର ସାହିତ୍ୟ ସଂସଦ, ବଲାଙ୍ଗିରର କବିତା ଆସର ଓ ତା ସହିତ ଶ୍ରୀ ମଦନ ମୋହନ ରଥଙ୍କ ଚତୁର୍ଥ ଶିଶୁ କବିତା ଗୁଚ୍ଛ "କଳିକା" ର ଉନ୍ମୋଚନ ସମାରହ ସଂସଦର ସଭାପତି ଶ୍ରୀମତୀ କସ୍ତୁରୀ ରଥଙ୍କ ସଭାପତିତ୍ବରେ ଅନୁଷ୍ଠିତ ହୋଇ ଯାଇଛି । ଏଥିରେ ମୁଖ୍ୟ ଅତିଥି ଭାବେ ନାଟ୍ୟ ଭୂଷଣ ଜଗଦାନନ୍ଦ ଛୁରିଆ, ସମ୍ମାନୀୟ ଅତିଥି ଭାବେ ଶିକ୍ଷାବିତ୍ ସତ୍ୟବନ୍ତ ବେଦବାଗ ଏବଂ ସଂସଦର ସମ୍ପାଦକ ଡ: ଅଶୋକ କୁମାର ସେଠୀ ମଞ୍ଚାସିନ ଥିଲେ । ସମସ୍ତେ ଶିଶୁ କବିତା ଗୁଚ୍ଛ "କଳିକା" କୁ ଭୂୟସୀ ପ୍ରଶଂସା କରିଥିଲେ ।
        କବିତା ଆସର ଶ୍ରୀମତୀ ଅନୁପ୍ରୀୟା ମିଶ୍ରଙ୍କ ସଂଯୋଜନାରେ କବି ରାଜକିଶୋର ପଣ୍ଡା, ରତ୍ନମୟ ତ୍ରିପାଠୀ, ବ୍ରହ୍ମାନନ୍ଦ ବଞ୍ଛୋର, କବୟତ୍ରି ରଶ୍ମି ପାତ୍ର, ତପସ୍ୱିନୀ ପଶାୟତ, ନଳିନୀପ୍ରଭା ଶତପଥୀ,ନନ୍ଦିନୀ ସାହୁ, ଜ୍ୟୋତିରାଣୀ ମିଶ୍ର, ଜ୍ୟୋତିମୟୀ ତ୍ରିପାଠୀ, କବିତା ମିଶ୍ର, ଶୁଭ୍ରକାନ୍ତି ଖମାରୀ, କସ୍ତୁରୀ ରଥ, ଅନୁପ୍ରିୟା ମିଶ୍ର, କବି ଡ: ପ୍ରେମଚାନ୍ଦ୍ ମହାନ୍ତି, ଡ: ନାମଯଜ୍ଞ ମିଶ୍ର, ପଦ୍ମନାଭ ବାରିକ, ସୁରଥ ସାହୁ, ହୃଷିକେଶ

ପୁରୋହିତ, ବଳିଷ୍ଠ ପ୍ରଧାନ, ଧର୍ମବ୍ରତ ରଥ, କୃଷ୍ଣ ବିହାରୀ ସାହୁ, ଗୁରୁ ଜଗଦାନନ୍ଦ ଛୁରିଆ, ଡ: ଅଶୋକ କୁମାର ସେଠୀ ସ୍ଵରଚିତ କବିତା ମାନ ପାଠ କରିଥିଲେ । ଶିଶୁ କବିତା ଗୁଚ୍ଛ "କଳିକା" ର ଏକ କବିତା "ଜହ୍ନମାମୁଁ" କୁ କବି ଧିରେନ୍ଦ୍ର ନାରାୟଣ ସିଂହଦେଓ ଆବୃତ୍ତି କରିଥିଲେ ଓ ଶେଷରେ ଶ୍ରୀମତୀ ଜ୍ୟୋତିରାଣୀ ମିଶ୍ର ଧନ୍ୟବାଦ ଅର୍ପଣ କରିଥିଲେ । 
   କବିତା ଆସର ପରେ ମନ୍ଦିରରୁ ଶ୍ରୀ ରାଧାକୃଷ୍ଣଙ୍କ ଯୁଗଳ ବିଗ୍ରହଙ୍କୁ ଆଣି,ପୂଜା ଅର୍ଚ୍ଚନା ପରେ ପାଲିଙ୍କିରେ ବିରାଜମାନ କରେଇ ଘଣ୍ଟ, ଶଙ୍ଖ ଧ୍ୱନି ସହ ଭକ୍ତଙ୍କ ଗହଣରେ ନଗର ଭ୍ରମଣରେ ବାହାରି ଥିଲେ l

)ରିପୋର୍ଟ :ଧୀରେନ୍ଦ୍ର ନାରାୟଣ ସିଂହଦେଓ )