06-Mar-2023

ଧର୍ମଗଡ଼  ( ଜ୍ୟୋତିରଞ୍ଜନ ବେମାଲ )
 ରବିବାର କଳାହାଣ୍ଡି  ଗସ୍ତରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆସି  ଅନେକ ଉନ୍ନୟନମୂଳକ କାର୍ଯ୍ୟର ଲୋକାର୍ପଣ ଓ ଶିଳାନ୍ୟାସ  ର ଶୁଭାରମ୍ଭ ଉଦଘାଟନ କରିଛନ୍ତି । କଳାହାଣ୍ଡି ଗୋଳାମୁଣ୍ଡା ବ୍ଳକ ବୃନ୍ଦାବାହାଲ ଠାରେ ଅବତରଣ କରି ଏକ ସାଧାରଣ ସଭାରେ ଉଦବୋଧନ ଦେବା ସହ ବିଭିନ୍ନ ପ୍ରକଳ୍ପ ର ଶୁଭ ଉଦଘାଟନ କରିଥିଲେ। ବିଜୁ ଏକ୍ସପ୍ରେସ  ୱେ କେବଳ ରାସ୍ତା ନୁହେଁ ଏହା  ଏହି ଅଞ୍ଚଳ ବାସୀଙ୍କ ଜୀବନ ରେଖା ,ଏହି ରାସ୍ତା ବିକାଶ ର ନୂଆ ଇତିହାସ ଲେଖିବ ବୋଲି ତାଙ୍କ ଅଭିଭାଷଣରେ କହିଥିଲେ ।  ସେଠାରୁ ଦୀର୍ଘ ୧୮କିମି ପଯ୍ୟନ୍ତ ବିଜୁ ଏକ୍ସପ୍ରେସ ୱେ ରେ ବସ ଯୋଗେ ଧର୍ମଗଡ ଗୋଡଭଞ୍ଜା ଛକ ପର୍ଯ୍ୟନ୍ତ  ପହଞ୍ଚି ଜନସାଧାରଣ ଙ୍କ ଭବ୍ୟ ସ୍ବାଗତ ସମ୍ବର୍ଦ୍ଧନା ଗ୍ରହଣ କରିଥିଲେ  । ପରେ  କୋକସରା ବ୍ଲକ୍ ଅମପାନି ରେ ଅବତରଣ କରି ବହୁ ପ୍ରତିକ୍ଷୀତ ବିଜୁ ଏକ୍ସପ୍ରେସ ୱେ କୁ ଲୋକାର୍ପଣ କରିଥିଲେ ।  ରାଉରକେଲାରୁ ଆମପାଣିକୁ ସଂଯୋଗ କରୁଥିବା ୫୪୬ କିମି ଦୀର୍ଘ୍ୟ ବିଶିଷ୍ଟ ୪ ଲେନ ବିଜୁ ଏକ୍ସପ୍ରେସ ୱେ ଲୋକକ  ଜୀବନ ଜୀବିକା ପରିବହନ କରିବା ସହ ଅର୍ଥନୈତିକ କ୍ଷେତ୍ରରେ ଅଭିବୃଦ୍ଧି ହେବାରେ ସହାୟତା ହୋଇପାରିବ ।ଏଥିରେ  ୫୯୦.୮୪   କୋଟି ଟଙ୍କା ବ୍ୟୟରେ ନୂଆପଡା ଘାଟିପଡ଼ାଠାରୁ ଆମପାଣି ପର୍ଯ୍ୟନ୍ତ ୧୭୪କିମି ରାସ୍ତାର ନିର୍ମାଣ  ହୋଇଛି ।ତେବେ ଟାଣ ଖରାକୁ ଖାତିର ନ କରି ଜନସାଧାରଣ ମୁଖ୍ୟମନ୍ତ୍ରୀ ଙ୍କୁ ଭବ୍ୟସମର୍ଦ୍ଧନା ଜଣାଇବା କୁ ହଜାର ହଜାର ସଂଖ୍ୟାରେ ଜନଗହଳି ଲାଗି ରହିଥିଲା।ଠିକ ଅପରାହ୍ନ ୩ଘଣ୍ଟା ସମୟରେ  ବୃନ୍ଦବାହାଲ ଠାରେ ମୁଖ୍ୟମନ୍ତ୍ରୀ ଙ୍କ ହେଲିକ୍ୟାପ୍ଟର ଅବତରଣ କରିଥିଲେ । ଭବ୍ୟ ସମର୍ଦ୍ଧାନ ସହ ସ୍ୱାଗତ ଜଣାଇ ସଭା ସ୍ଥଳକୁ ପାଛୋଟି ଅଣାଯାଇଥିଲା ।ବୃନ୍ଦାବାହାଲ ଠାରେ ୫୨୭କୋଟି ର ବିଭିନ୍ନ ପ୍ରକଳ୍ପର ଉଦଘାଟନ କରିଥିବା ବେଳେ ୧୫୭୩କୋଟିର ପ୍ରକଳ୍ପ ର ଶୁଭାରମ୍ଭ କରିଥିଲେ ।ତେବେ ପୂର୍ଵସୂଚୀ ଅନୁଯାୟୀ  ବୃନ୍ଦାବାହାଲ ଠାରୁ ଆମ୍ବପାଣି ପଯ୍ୟନ୍ତ ମୁଖ୍ୟମନ୍ତ୍ରୀ ଙ୍କ ବସ ଗସ୍ତ ଶେଷ ମୁହୁତରେ ନାକଚ ହୋଇଥିବା ନେଇ ଜନସାଧାରଣଙ୍କ ଭିତରେ କ୍ଷୁବ୍ଧ ପ୍ରକାଶ ପାଇଛି ।ନିଜ ପ୍ରିୟ ମୁଖ୍ୟମନ୍ତ୍ରୀ ଙ୍କୁ ନିକଟରେ ପାଇବା ଆଶା ଶେଷରେ ଲୋକ ଙ୍କୁ ଏକ ପ୍ରକାର ନିରାଶ କରିଥିଲା।ବିଶେଷ ଭାବେ ଧର୍ମଗଡ ଠାରୁ ପର୍ଲା,ବେହେରା, ଗୋତୋମୁଣ୍ଡା ଆଦି ସ୍ଥାନରେ  ପ୍ରିୟ ମୁଖ୍ୟମନ୍ତ୍ରୀ ଙ୍କୁ ସମର୍ଦ୍ଧାନ ଜଣାଇବାପାଇ ସାଧାରଣଲୋକ ଓ କର୍ମୀ ଙ୍କ ମଧ୍ୟରେ ବେଶ ଉତ୍ସହ ଥିବା ବେଳେ ଜୋର ସୋର ରେ ପ୍ରସ୍ତୁତି ମଧ୍ୟ ହୋଇଥିଲା।