06-Mar-2023

ବୀରମହାରାଜପୁର(ବିନୋଦ ପାଣ୍ଡେ): ସୁବର୍ଣ୍ଣପୁର ଜିଲ୍ଲାବୀରମହାରାଜପୁର ଉପଖଣ୍ଡର କଦଳୀପାଲି ଛକରେ ଚାଲିଥିବା ଏକତା ମହୋତ୍ସବର ତୃତୀୟ ସନ୍ଧ୍ୟାରେ ବର୍ଣ୍ଣିଳ ଲୋକନୃତ୍ୟ ଓ ଗୀତରେ ଭର୍ଣ୍ଣି ମଞ୍ଚ ଦୁଲୁକି ଉଠିଛି । ମୁଖ୍ୟ ଆୟୋଜକ ପାଣିନୀ ପ୍ରାଜ୍ଞଙ୍କ ପରିଚାଳନାରେ ଆୟୋଜିତ ମହୋତ୍ସବର ସାନ୍ଧ୍ୟ ସଭାରେ ବିଶିଷ୍ଟ ସମାଜସେବୀ ତଥା ଉଦ୍ୟୋଗୀ ନାରାୟଣ ଅଗ୍ରୱାଲା, କଣ୍ଠଶିଳ୍ପୀ ଶତ୍ରୁଘନ ଲୁହା, ଅଭିନେତା ପ୍ରମୋଦ ମହାପାତ୍ର, ଭାରତ ଗୌରବ ଓ ରିକୁ ସୁନା ଅତିଥି ଭାବେ ଯୋଗଦେଇ ଗ୍ରାମ୍ୟ ଜନ ଜୀବନରେ ଲୁଚି ରହିଥିବା କଳାର  ଉତଥାନ ପାଇଁ ଏକତା ମହୋତ୍ସବ ଏକ ପ୍ରକୃଷ୍ଠ ମଞ୍ଚ ବୋଲି ବକ୍ତବ୍ୟ ଦେଇଥିଲେ । ସାଂସ୍କୃତିକ କାର୍ଯ୍ୟକ୍ରମରେ ଜଳନ୍ଧର ରାଜ ଦରବାର ସହ ସମ୍ବଲପୁରର ଫୋକାଲ ଓ ସ୍ୱୟଂ ଏକାଡେ଼ମୀର କଳାକାରଙ୍କ ଦ୍ୱାରା ସମ୍ବଲପୁରୀ ପଞ୍ଚରସି, ପୁଷ୍ପପୁନି ତିହାର ପରି ଲୋକନୃତ୍ୟ ପରିବେଷିତ ହୋଇଥିଲା ବେଳେ ଟିଙ୍କୁ ଟିଙ୍ଗାଲୁଙ୍କ କମେଡି ଲୋକଙ୍କୁ ବାନ୍ଧି ରଖିଥିଲା । ସେହିପରି,ପ୍ରଖ୍ୟାତ କଣ୍ଠଶିଳ୍ପୀ ଶତ୍ରୁଘନ ଲୁହା ଏବଂ ରିକୁ ସୁନାଙ୍କ ପରିବେଷିତ ଲୋକଗୀତକୁ ହଜାର ହଜାର ଦର୍ଶକ ବିଳମ୍ବିତ ରାତି ଯାଏଁ ମନଭରି ଉପଭୋଗ କରିଥଲେ । ଏକତା ଗୃପର ସଂଯୋଜକ ଲାଲାଜୀ  ବେହେରା, କୋଷାଧ୍ୟକ୍ଷ କୁନାଳ ମିଶ୍ର, ଅଶୋକ ସାହୁ, ଶୁଭ ପ୍ରସାଦ ବିଶ୍ୱାଳ, ଚୈତନ୍ୟ ପ୍ରଧାନ, ପବିତ୍ର ସାହୁ, କ୍ଷୀରସିନ୍ଧୁ ପଧାନ, ଲଲିତ ବିଶ୍ବାଳ, ଗୌତମ ପ୍ରଧାନ, ପୌଲସ୍ତି ଖୁଣ୍ଟିଆ ଓ ଉପଦେଷ୍ଟା ଶ୍ୟାମ ସୁନ୍ଦର ମିଶ୍ର ପ୍ରମୁଖ ମହୋତ୍ସବର ପରିଚାଳନାରେ ସହଯୋଗ କରିଥିଲେ ।