04-Mar-2023

ସମ୍ବଲପୁର : (ସଂଜୀବ ପାଣିଗ୍ରାହୀ)
 ସାନସିଂହାରୀ ଆଶ୍ରମ ବିଦ୍ୟାଳୟରେ ସ୍ବାଗତ ଓ ବିଦାୟ କାଳୀନ ସମ୍ବର୍ଦ୍ଧନା ଉତ୍ସବ ପାଳନ କରାଯାଇଛି । ବିଦ୍ୟାଳୟରେ ନୂତନ ପ୍ରଧାନ ଶିକ୍ଷକ ଭାବେ ଅଦୀପ କୁମାର ପଟେଲ ଯୋଗଦାନ କରିଥିବା ବେଳେ ଉକ୍ତ ବିଦ୍ୟାଳୟର ବରିଷ୍ଠ ଶିକ୍ଷକ ଜଗଦୀଶ ପାଣିଗ୍ରାହୀଙ୍କ ବଡରମା ଆଶ୍ରମ ବିଦ୍ୟାଳୟକୁ ବଦଳି ହୋଇଥିବାରୁ ଉଭୟଙ୍କୁ ଏକ ସଙ୍ଗେ ସ୍ବାଗତ ଓ ବିଦାୟ ଜଣାଇଥିଲେ। ବିଦ୍ୟାଳୟର ଛାତ୍ରଛାତ୍ରୀଙ୍କ ସହିତ ସମସ୍ତ ଶିକ୍ଷକ ଓ କର୍ମଚାରୀ ତଥା ଗ୍ରାମର ସମାଜସେବୀ କାମଦେବ ପଣ୍ଡା ଉପସ୍ଥିତ ରହି ନୂତନ ପ୍ରଧାନ ଶିକ୍ଷକ ଶ୍ରୀ ପଟେଲଙ୍କୁ ସ୍ବାଗତ ଜଣାଇବା ସହ ଶ୍ରୀ ପାଣିଗ୍ରାହୀଙ୍କୁ ବିଦାୟକାଳୀନ ସମ୍ବର୍ଦ୍ଧନା ଞାପନ କରିଥିଲେ। ସର୍ବ ପ୍ରଥମେ ଛାତ୍ରଛାତ୍ରୀ ସ୍ବାଗତ ସଙ୍ଗୀତ ଗାନ କରିଥିଲେ। ବିଦ୍ୟାଳୟର ବରିଷ୍ଠ ଶିକ୍ଷୟିତ୍ରୀ ପ୍ରମିଳା ମିଶ୍ର ସଭା ପରିଚାଳନା କରିଥିଲେ। ବିଦ୍ୟାଳୟର ଅନ୍ୟତମ ଶିକ୍ଷକ ଅଶୋକ କୁମାର ଦାସ, ଯୋଗେଶ୍ଵର ପ୍ରଧାନ, ଅନୀତା ପ୍ରଧାନ, ଅଞ୍ଜଳି ଖଡିଆ, ସୁଚିସ୍ମିତା ବେହେରା, ଘନଶ୍ୟାମ ସୁନା ପ୍ରମୁଖ ଶିକ୍ଷକ ଶିକ୍ଷୟିତ୍ରୀଙ୍କ ସମେତ ସମସ୍ତ କର୍ମଚାରୀ ଗଣ ଉପସ୍ଥିତ ଥିଲେ। ଛାତ୍ରଛାତ୍ରୀ ପୁଷ୍ପଗୁଚ୍ଛ ଦେଇ ପ୍ରଧାନ ଶିକ୍ଷକଙ୍କୁ ସ୍ବାଗତ ଓ ବିଦାୟୀ ଶିକ୍ଷକଙ୍କୁ ବିଦାୟକାଳୀନ ସମ୍ବର୍ଦ୍ଧନା ଦେଇଥିଲେ। ବିଦ୍ୟାଳୟର ଶିକ୍ଷୟତ୍ରୀ ସବିତାରାଣୀ ରାୟଗୁରୁ ଧନ୍ୟବାଦ ଅର୍ପଣ କରିଥିଲେ।