02-Mar-2023

ବଲାଙ୍ଗୀର(ପ୍ରେରଣା ଖବର), ଆଜି ରାଜେନ୍ଦ୍ର ବିଶ୍ୱବିଦ୍ୟାଳୟର ବିଇଡି ଓ ଏମ୍‌ଇଡିର ଶିକ୍ଷକ ତାଲିମ ନେଉଥିବା ଛାତ୍ରଛାତ୍ରୀ ଓ ଇକୋକ୍ଲବର ମିଳିତ ଆନୁକୂଲ୍ୟରେ ସ୍ଥାନୀୟ ମନୋହରପୁର ୟୁପି ସ୍କୁଲ ଠାରେ ଏହି ସ୍କୁଲର ଛାତ୍ରଛାତ୍ରୀ ମାନଙ୍କୁ ନେଇ ବକ୍ତୃତା, ଚିତ୍ରାଙ୍କନ ଆଦି ବିଭିନ୍ନ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ସ୍କୁଲର ପ୍ରଧାନ ଶିକ୍ଷୟିତ୍ରୀ ବିଜୟଲକ୍ଷ୍ମୀ ମିଶ୍ରଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ମୁଖ୍ୟ ଅତିଥି ଭାବରେ ସାମ୍ବାଦିକ ରଘୁ ନନ୍ଦନ ସିଂହ ଓ ଅନ୍ୟତମ ଅତିଥି ଭାବରେ ଫାଇନ୍ ଆର୍ଟର ପ୍ରଫେସର ଶାନ୍ତନୁ ମେହେର ଓ

ଇକୋ କ୍ଲବ ଇନ୍‌ଚାର୍ଜ ରୀନା ଜାଲ୍ ପ୍ରମୁଖ ମଂଚାସୀନ ରହି କୃତୀ ପ୍ରତିଯୋଗୀ ମାନଙ୍କୁ ପୁରସ୍କୃତ କରିଥିଲେ । କାର୍ଯ୍ୟକ୍ରମକୁ ସଫଳ କରିବାରେ ବିଇଡି ଓ ଏମ୍‌ଇଡିରେ ତାଲିମ ନେଉଥିବା ନିହାରୀକା ସେଠ, ବଏଲୋଚନ ନାଏକ, ସୁଭଶ୍ମିତା ଗୁରୁ, ଅଜୟ ହୋତା, ଆଶା ଲୁଗୁନ, ନିହାରୀକା ମଣ୍ଡଳ, ଶୁଭେନ୍ଦୁ ସାହୁ, ନମିତା ସେଠ୍‌, ଜ୍ୟୋସ୍ନାମୟୀ ଧରୁଆ, ନିମାଇଁ ସେଠ ପ୍ରମୁଖ ସହଯୋଗ କରିଥିଲେ । ପୁରସ୍କାର ବିତରଣୀ ଉତ୍ସବକୁ ସ୍ୱାଭିମାନ ମହାନ୍ତି ସଂଯୋଜନା କରିଥିଲେ ।