02-Mar-2023

ବଲାଙ୍ଗୀର: ପୁଇଁତଲା ବ୍ଳକ ବୁବେଲ ଠାରେ ଆସନ୍ତା କାଲି ଠାରୁ ୭୬ତମ ଦୋଳ ମହୋତ୍ସବ ଆରମ୍ଭ ହେବ। ଏ ଅବସରରେ ୩ତାରିଖରୁ ୭ତାରିଖ ଯାଏ ପ୍ରତିଦିନ ସଂନ୍ଧ୍ଯାରେ କଂସ ରାଜ ଦରବାର ବସିବ । କଂସରାଜଙ୍କ ଦରବାର'ରେ ପ୍ରଥମ ଦିନରେ ମୁଖ୍ଯ ଅତିଥି ଭାବରେ କଂଗ୍ରେସ ବିଧାୟକ ଦଳ ନେତା ତଥା ବଲାଙ୍ଗୀର ବିଧାୟକ ନରସିଂହ ମିଶ୍ର ଓ ସମ୍ମାନିତ ଅତିଥି ସ୍ମାରକ ମିଶ୍ର, ସଭାପତି ଜିଲ୍ଲା କେନ୍ଦ୍ରୀୟ ସମବାୟ ବ୍ୟାଙ୍କ ବଲାଙ୍ଗୀର , ଜିଲ୍ଲା କଂଗ୍ରେସ କୃଷକ ମୋର୍ଚ୍ଚା ସଭାପତି ସାନନ୍ଦ କୁମାର ମିଶ୍ର ଓ ବୁବେଲ ପଞ୍ଚାୟତ ସରପଞ୍ଚ ସବିତା ମିଶ୍ର ଉପସ୍ଥିତ ରହିବେ। ଦ୍ବିତୀୟ ସଂନ୍ଧ୍ଯା (ତା ୪.୩.୨୩)ରେ ମୁଖ୍ଯ ଅତିଥି ରାଜ୍ଯ ସଭା ସାଂସଦ ନିରଞ୍ଜନ ବିଶି ସମ୍ମାନିତ ଅତିଥି ପୁଇଁତଲା ପଞ୍ଚାୟତ ସମିତି ଅଧ୍ୟକ୍ଷ ସରୋଜ ପଧାନ ଓ ୧୯ ନମ୍ବର ଜୋନ ଜିଲ୍ଲାପରିଷଦ ଅଧ୍ୟକ୍ଷ କୁମରମଣି ସେଠ, ପ୍ରଫୁଲ୍ଲ ତୁମନିଆ ମେନେଜର ନ୍ୟୁ ଇଣ୍ଡିଆ ଏସୁରେନ୍ସ ତଥା ସଂପାଦକ ବଲାଙ୍ଗୀର ଆଦିବାସୀ ସଂଘ ଉପସ୍ଥିତ ରହିବେ। ୩ୟ ସଂନ୍ଧ୍ଯାରେ ମୁଖ୍ଯ ଅତିଥି ବଲାଙ୍ଗୀର ପୌରାଧକ୍ଷା ଲିକା ସାହୁ ଓ ନିହାର ରଞ୍ଜନ ବେହେରା, ବିଜେଡି ରାଜ୍ଯ ପରିଷଦ ସଦସ୍ଯ ଓ ଯୁବ ସମାଜସେବୀ ସିଦ୍ଧାର୍ଥ ମିଶ୍ର କଂସଙ୍କ ଦରବାରରେ ହାଜିର ହେବେ।

୪ର୍ଥ ଦିନ ଦରବାରେ ଲୋଇସିଂହା ବିଧାୟକ ମୁକେଶ ମହାଲିଙ୍ଗ ମୁଖ୍ଯ ଅତିଥି ଓ ସମ୍ମାନିତ ଅତିଥି ଜିଲ୍ଲା ପରିଷଦ ଜୋନ ୧୭ ସଦସ୍ଯ ଶିବଦତ୍ତ ମିଶ୍ର, ଲୋକସଭା ସାଂସଦ ସଙ୍ଗୀତା କୁମାରୀ ସିଂହଦେଓଙ୍କ ନୋମିନି ବିଜେପି ନେତା ରାଜ କିଶୋର ନାଏକ ହାଜର ହେବେ। ଦରବାର କାର୍ଯ୍ୟକ୍ରମର ଶେଷ ସଂନ୍ଧ୍ଯାରେ ପରିବହନ, ଜଳ ସେଚନ ମନ୍ତୀ ଟୁକୁନୀ ସାହୁ ଓ ଯୁବ ବିଜେଡି ନେତା ସଞିବ ସେଠ୍ ମୁଖ୍ଯ  ଅତିଥି ଓ ସମ୍ମାନିତ ଅତିଥି ଭାବରେ ଯୋଗଦାନ କରିବା ସ୍ବୀକୃତି ଦେଇଥିବା ଆୟୋଜକ କମିଟି ତରଫରୁ ଟିକେଶ୍ବର ସାଏ ସୂଚନା ଦେଇଛନ୍ତି। କଂସ ରାଜ ଦରବାରରେ ପ୍ରସିଦ୍ଧ କଳାକାର  ଅନିଲ କୁମାର ସାଏ ଓ ତାଙ୍କ ଦଳ ୧ମ ସଂନ୍ଧ୍ଯାରେ ଉଗ୍ରସେନ ରାଜ ଦରବାର, ଦେବକୀ ବସୁଦେବ ବିବାହ ଏବଂ କଂସ ସିଂହାସନ ଆରୋହଣ, ୨ୟ ସଂନ୍ଧ୍ଯାରେ କଂସ ରାଜ ଦରବାର ଓ ଶ୍ରୀକୃଷ୍ଣ ଜନ୍ମ ପରିବେଷଣ କରିବେ।  ସେହିପରି ପ୍ରତିଦିନ ସଂନ୍ଧ୍ଯାରେ ଦରବାର ଓ ସୂଚନା ପ୍ରେରଣ, ରଙ୍ଗସଭା, ଅକୃର ଗମନ, କୃଷ୍ଣ ବଳରାମଙ୍କ ମଥୁରା ଆଗମନ ଓ କଂସବଦ୍ଧ ପର୍ଯ୍ୟାୟ କ୍ରମେ ପରିବେଷିତ ହେବ । ୮ତାରିଖରେ ହରିହର ଭେଟ, ରଙ୍ଗଖେଳ ସହ ଉଜ୍ଜାବନୀ ଉତ୍ସବ ଅନୁଷ୍ଠିତ ହେବ ବୋଲି ତୀର୍ଥ ନାଗ, ରଙ୍ଗାଧର ନାଏକ ଓ ଅନ୍ଯମାନେ ପ୍ରକାଶ କରି ଉତ୍ସବରେ ସାମିଲ ହେବାକୁ ଜନସାଧାରଣଙ୍କୁ ନିବେଦନ କରିଛନ୍ତି।