28-Feb-2023

ବଲାଙ୍ଗୀର(ପ୍ରେରଣା ଖବର ): ଆନ୍ତର୍ଜାତିକ ଖ୍ୟାତିସମ୍ପନ୍ନ ତଥା ମସ୍କୋ ଅଲମ୍ପିକ୍ ରେ ଭାଗ ନେଇଥିବା ବରିଷ୍ଠ କ୍ରୀଡାବିତ୍‌ ସୁଶ୍ରୀ ଆନନ୍ଦିନୀ ଦର୍ଜୀଙ୍କ ସ୍ବାସ୍ଥ୍ୟାବସ୍ଥା ବିଗିଡିଯାଇଛି।  ଉଚ୍ଚ ରକ୍ତ ଚାପ ଯୋଗୁଁ ତାଙ୍କୁ ବଲାଙ୍ଗୀର ଭୀମଭୋଇ ମେଡିକାଲ କଲେଜ ହସ୍ପିଟାଲରେ ଭର୍ତ୍ତି କରାଯାଇଛି। ତେବେ ଦୁଃଖ ର ବିଷୟ ଆନନ୍ଦିନୀ ଦର୍ଜା ଙ୍କ ପରି ଜଣେ ଦ୍ରୁତ ଧାବିକା ହସ୍ପିଟାଲରେ ବେଡ ଅଭାବରୁ ତାଙ୍କୁ ହସ୍ପିଟାଲ ବାରଣ୍ଡା ଚଟାଣରେ ରଖି ଚିକିତ୍ସା କରାଯାଉଥିବା ଜଣାପଡିଛି। ଆନ୍ତର୍ଜାତିକ ସ୍ତରରେ ପ୍ରତିନିଧିତ୍ କରି ଦେଶ ଓ ରାଜ୍ୟ ପାଇଁ ଅନେକ ଗୌରବ ଆଣିଥିବା ଦର୍ଜୀଙ୍କୁ ହସ୍ପିଟାଲରେ ଶଯ୍ୟାଟିଏ ମିଳିବାରୁ କ୍ରୀଡାପ୍ରେମୀ ମହଲରେ ଅସନ୍ତୋଷ ପ୍ରକାଶ ପାଇଛି।ସୁଶ୍ରୀ ଦର୍ଜି ଙ୍କୁ ବର୍ତ୍ତମାନ ବଲାଙ୍ଗିର ଭୀମ ଭୋଇ ମେଡ଼ିକାଲ କଲେଜ ଓ ହସ୍ପିଟାଲର ଆଇ ସି ୟୁ ରେ ଭର୍ତି କରାଯାଇଛି l ବଲାଙ୍ଗିର ସି ଡି ଏମ୍ ଓ ପ୍ରଦୀପ ଗୁରୁ ଙ୍କ ସମେତ ଅନ୍ୟ ସ୍ୱାସ୍ଥ୍ୟ କର୍ମଚାରୀ ମାନେ ଡାକ୍ତରଖାନା ଯାଇ ସୁଶ୍ରୀ ଦର୍ଜି ଙ୍କ ପାଖକୁ ଯାଇ ତାଙ୍କ ସ୍ୱାସ୍ଥ୍ୟ ଅବସ୍ଥା ପଚାରି ବୁଝିଛନ୍ତି l