28-Feb-2023

ବଲାଙ୍ଗିର : ଚମ୍ପଟ ମାରିଲା ମଙ୍ଗୁଳା  କନ୍ୟା | ପୁଣି ଥରେ ଏପରି ଏକ ଘଟଣା ଘଟିଛି ବଲାଙ୍ଗୀର ଜିଲ୍ଲାର ପୁଇଁତଲା ଥାନାଅନ୍ତର୍ଗତ ବୁଡିସିଣ୍ଡୋଲ  ଗାଁ ରେ ।

 ଆଗରୁ ବଲାଙ୍ଗୀର ସହର ଭିତରେ ବାହାଘର ପରେ ଫେରାର ମାରିଥିଲା କନ୍ୟା | ଏବେ ବାହାଘର ଆଗରୁ ଫେରାର ମାରିଛି ମଙ୍ଗୁଳା କନ୍ୟା | ଘଟଣା ଘଟିଛି ବଲାଙ୍ଗୀର ଜିଲ୍ଲା ପୁଇଁତଲା ଥାନା ବୁଢ଼ିସିଣ୍ଡୋଲ ଗାଁ ରେ | ଆଜି ବିହାରୀ ଗାଇଗରିଆ ଙ୍କ ଝିଅ ମାଧବୀଙ୍କ ବାହାଘର ଥିଲା | ସକାଳେ ହଳଦୀ କାର୍ଯ୍ୟକ୍ରମ ସରି ଯାଇଥିଲା | ଗତ ରାତିରେ ଧୁମ ଧାମରେ ବାଜା ବାଣ ସହିତ ବରଯାତ୍ରୀ ରେ ଅସିଥାନ୍ତେ ପାଟୁଆପାଲି ଗାଁ ର ବର ଧୀରଜ ଡାଙ୍ଗ | ବରଯାତ୍ରୀ ଙ୍କୁ ସ୍ୱାଗତ କରିବା ସହିତ କନ୍ୟାଦାନ କରିବା ପାଇଁ ବେଶ ସବୁ ପ୍ରକାର ପ୍ରସ୍ତୁତି ସାରି ଯାଇଥିଲା | ଘରେ ପହଂଚି ସାରିଥିଲେ ବନ୍ଧୁ ବାନ୍ଧବ | କିନ୍ତୁ ଆଜି ଭୋରରୁ ଫେରାର ମାରିଲା ଝିଅ | ଗାଁର ହେମନ୍ତ ମହାକୁଡ଼ ନାମକ ଜଣେ ପୁଅ ସହିତ ମାଧବୀଙ୍କ ପ୍ରେମ ସମ୍ପର୍କ ଥିଲା | ତେଣୁ ସେହି ଯୁବକ ସହିତ ଝିଅ ଫେରାର ମାରିଥିବା ସନ୍ଦେହ କରୁଛନ୍ତି ପରିବାର ଲୋକେ | ଖୋଜା ଖୋଜି ପରେ ଝିଅକୁ ନପାଇ ପୁଇଁତଲା ଥାନା ରେ ଲିଖିତ ଅଭିଯୋଗ କରିଛନ୍ତି ଝିଅ ଙ୍କ ବାପା | ସେପଟେ ବର ଘର ଲୋକେ ଏପରି ଖବର ଶୁଣି ମ୍ରିୟମାଣ | ବର ଘରେ ବି ଜମା ହୋଇ ସାରିଥିଲେ ବନ୍ଧୁ ବାନ୍ଧବ | ଆଜି ବରଯାତ୍ରୀ ରେ ଆସି ନବବଧୂ କୁ ଘରକୁ ନେଇ ଥାନ୍ତେ | କିନ୍ତୁ ଚୁରମାର ହୋଇଗଲା ସବୁ ସ୍ବପ୍ନ |