27-Feb-2023

 ସୁବର୍ଣ୍ଣପୁର -  ସୋନପୁର ବଡ଼ ଗୋପାଳଜୀ ମନ୍ଦିର ରେ ଅନୁଷ୍ଠିତ ହୋଇଥିବା ଶ୍ରୀମଦ ଭାଗବତ ସପ୍ତାହ ପାରାୟଣ ଓ ଘୃତ ଯଜ୍ଞ କାର୍ଯ୍ୟକ୍ରମ ଆଜି ଉଦଯାପିତ ହୋଇ ଯାଇଛି l ପୁରୀ ରାମଜୀ ମଠ ର ମହନ୍ତ ଶ୍ରୀ ବଂଶୀଧର ଦାସ ମହାରାଜ  ଙ୍କ ପ୍ରତ୍ୟକ୍ଷ ତତ୍ୱାବଧାନ ରେ ସପ୍ତାହ ବ୍ୟାପୀ ସଂସ୍କୃତ ପୁରାଣ ପାଠ, ଓଡ଼ିଆ ଭାଗବତ ପାଠ, ଭାଗବତ ପାରାୟଣ ଅନୁଷ୍ଠିତ ହୋଇ

ଯାଇଛି l  ତିକୁଡା ର  ଗାୟକ ରାଧେଶ୍ୟାମ ମିଶ୍ର ଙ୍କ ଦ୍ୱାରା ପୁରାଣ ପଠନ କରାଯାଇଥିଲା l ସାତ ଜଣ ବ୍ରାହ୍ମଣ ପିଲାଙ୍କୁ  ଏଠାରେ ବ୍ରତପୋନୟନ  ଭଳି ଏକ ମହତ କାର୍ଯ୍ୟ ମହନ୍ତ ଶ୍ରୀ ଦାସ ଙ୍କ ଦ୍ୱାରା ଆୟୋଜନ କରାଯାଇଥିଲା l ପ୍ରତି ଦିନ ବିଭିନ୍ନ ଅଞ୍ଚଳ ର ସାଧୁ ସନ୍ଥ ଓ ଶହ ଶହ  ମହିଳା ଭକ୍ତ ଶ୍ରଦ୍ଧାଳୁ ଙ୍କ ସମାଗମ ହୋଇ ଥିବା ବେଳେ ସାମୁହିକ ପ୍ରସାଦ ସେବନର ବ୍ୟବସ୍ଥା ମଧ୍ୟ କରାଯାଇ ଥିଲl l ଭଣ୍ଡାର ଘର ରକ୍ଷକ ଭାବେ ସାଧୁ ପିତାମ୍ବର ଦାସ ଦାୟିତ୍ୱ ତୁଲାଇଥିବା ବେଳେ ସମାଜସେବୀ ଶ୍ରୀବତ୍ସ ମଲ୍ଲିକ, ଶିବ ପୂଜାରୀ, ଆନନ୍ଦ ପୂଜାରୀ,

ବାଳ ଗୋପାଳ ପୂଜାରୀ, ନୀଳାମ୍ବର ପଣ୍ଡା, ଦାମଦର ନାଏକ, ଚିତ୍ତ ପୂଜାରୀ, ବଡ଼ ମାଳିଆ ବାବା, ବ୍ରଜ ଓ ପଞ୍ଚୁ ବାବା ଙ୍କ ସମେତ ଗଡ଼ ଭିତର ର  ସମସ୍ତ ଯୁବକ ଓ ମନ୍ଦିର କମିଟିର ସମସ୍ତ ସଦସ୍ୟ ଏଥିରେ ସହଯୋଗ କରିଥିଲେ l ପ୍ରତି ବର୍ଷ ଏଠାରେ ମହନ୍ତ ବଂଶୀଧର ଦାସଙ୍କ ତତ୍ୱାବଧାନ ରେ ବିଭିନ୍ନ ଆଧ୍ୟାତ୍ମିକ କାର୍ଯ୍ୟକ୍ରମ ର ଆୟୋଜନ ହେଉଥିବା ବିଷୟ ଶ୍ରୀ ମଲ୍ଲିକ ପ୍ରକାଶ କରିଛନ୍ତି l