27-Feb-2023

ବୌଦ୍ଧ (ଦୁର୍ଯ୍ଯୋଧନ ବିଶି ): ଆନ୍ତର୍ଜାତୀୟ ମହିଳା ଦିବସ ଉପଲକ୍ଷେ ଏକ ପ୍ରସ୍ତୁତି ବୈଠକ ଜ଼ିଲ୍ଲାପାଳ  ସତ୍ୟରଞ୍ଜନ ସାହୁ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି l ଏହି ଅବସରରେ ବାଲ୍ୟ ବିବାହ ନିଷେଧ ପରାମର୍ଶ ଦାତ୍ରୀ ପ୍ରବୀଜ୍ଞl ଦାଶ ବୈଠକ ରେ ଉପସ୍ଥିତ ସମସ୍ତ ଅଧିକାରୀଙ୍କୁ ସ୍ୱାଗତ କରିବା ସହ  ଆନ୍ତର୍ଜାତୀୟ ମହିଳା ଦିବସ ଅବସରରେ ହେବାକୁ ଥିବା ବିଭିନ୍ନ କାର୍ଯ୍ୟକ୍ରମ ସମ୍ପର୍କରେ ବୈଠକ ରେ ଉପସ୍ଥାପନା କରିଥିଲେ l ଫେବୃ୍ୟାରୀ  ୨ତାରିଖ ଠାରୁ  ଫେବୃ୍ୟାରୀ ୯ ତାରିଖ  ପର୍ଯ୍ୟନ୍ତ ସପ୍ତାହ ବ୍ୟାପି ଏହି କାର୍ଯ୍ୟକ୍ରମ ପାଳନ ଅବସରରେ ଜ଼ିଲ୍ଲାପାଳଙ୍କ ଅନୁମୋଦନ କ୍ରମେ ଫେବୃୟାରୀ ୫ ତାରିଖ ଦିନ ଜ଼ିଲ୍ଲା ସ୍ତରୀୟ ମହିଳା ଦିବସ  ପାଳନ  କରାଯିବା ପାଇଁ ଧାର୍ଯ୍ୟ କରାଗଲା l ଆସନ୍ତା ଫେବୃଆରୀ ୪ତାରିଖରେ କଣ୍ଟାମାଲ, ବୌଦ୍ଧ, ହରଭଙ୍ଗା  ବ୍ଲକ ର ସମସ୍ତ  ଶିଶୁ ବିକାଶ  ପ୍ରକଳ୍ପ ଅଧିକାରୀଙ୍କ ଅଧୀନ ରେ ଥିବା  ସମସ୍ତ ଅଙ୍ଗନୱାଡି କେନ୍ଦ୍ର ର କିଶୋର ବାଳକ, ବାଳିକା ମାନଙ୍କ  ମଧ୍ୟରେ ବିଭିନ୍ନ କ୍ରୀଡା ପ୍ରତିଯୋଗିତା ର ଆୟୋଜନ କରାଯିବ ଏବଂ ପ୍ରତ୍ୟେକ ପ୍ରକଳ୍ପ ରୁ ଜଣେ ଜଣେ ଦକ୍ଷ  ଅଙ୍ଗନୱାଡି କର୍ମୀ ଓ ଜଣେ ଜଣେ  ସୁପରଭାଇଜରଙ୍କୁ ପୁରସ୍କୃତ କରାଯିବ ବୋଲି ବୈଠକ ରେ ସ୍ଥିର କରାଗଲା l ଜ଼ିଲ୍ଲାପାଳଙ୍କ ନିର୍ଦେଶ କ୍ରମେ ଜ଼ିଲ୍ଲାରେ ସାମାଜିକ, ସ୍ୱାସ୍ଥ୍ୟ ଏବଂ ଅନ୍ୟାନ୍ୟ କ୍ଷେତ୍ରରେ କାର୍ଯ୍ୟରତ, ପାରଦର୍ଶିତା ହାସଲ କରିଥିବା  ଏବଂ ଅନ୍ୟାନ୍ୟ ମହିଳାଙ୍କ ଉତ୍ସର୍ଗୀକୃତ  ସେବା ପାଇଁ ମଧ୍ୟ ନାମ ଅନୁମୋଦନ କରିବାକୁ ବୈଠକରେ ସ୍ଥିର କରାଗଲା l ବୈଠକ ଶେଷରେ ଜ଼ିଲ୍ଲାପାଳ ଶ୍ରୀଯୁକ୍ତ ସାହୁ  ଏହି କାର୍ଯ୍ୟକ୍ରମକୁ ସଫଳତାର ସହ ପାଳନ କରିବା ପାଇଁ ସମସ୍ତଙ୍କ ସହଯୋଗ କାମନା କରିଥିଲେ l ଏହି ବୈଠକରେ ସମସ୍ତ ଜ଼ିଲ୍ଲାସ୍ତରୀୟ ଅଧିକାରୀ ଉପସ୍ଥିତ ଥିଲେ