23-Feb-2023

ବଲାଙ୍ଗୀର- ପଣ୍ଡରା ସମାଜର ରାଜ୍ୟସ୍ତରୀୟ ସମ୍ମିଳନୀ ସ୍ଥାନୀୟ ଅଗ୍ରସେନ ଭବନ ଠାରେ ଅନୁଷ୍ଠିତ ହୋଇଯାଇଛି । ଆବାହକ ରସରାଜ ସା ଙ୍କ ସଭାପତିତ୍ୱରେ ଅନୁଷ୍ଠିତ ଏହି ସମ୍ମିଳନୀରେ ଶିବ ଥନାପତି, ରଂଜନ ମହଲା, ମୋହନ ଦ୍ୱାରୀ, ପଂଚାନନ ଦଳପତି, ପରମାନନ୍ଦ ସାହ, ଦୟାସାଗର ସାହ, ଗୋବଦ୍ଧନ ସାହୁ, ରଘୁରାଜ ସିଂହ ସେନାପତି ପ୍ରମୁଖ ମଂଚାସୀନ ଥିଲେ । ସମାଜର ହିତ ପାଇଁ ଏକ ରାଜ୍ୟସ୍ତରୀୟ କମିଟି ଗଠନର ଆବଶ୍ୟକତା ରହିଛି ବୋଲି ଅତିଥି ମାନେ କହିଥିଲେ । ଶେଷରେ ଏକ କମିଟି ଗଠନ କରାଯାଇ ଏଥିରେ ସଭାପତି ଭାବରେ ଶ୍ରୀ ସାହା, ଉପସଭାପତି ଭାବେ ସୁରେନ୍ଦ୍ର ଖମାରୀ, ଉପେନ୍ଦ୍ର ଭୋଇ, ସଂପାଦକ ଭାବେ ବୁଦ୍ଧଦେବ ବିଶି, ସହସଂପାଦକ ଭାବେ ଗୋବଦ୍ଧନ ସାହୁ, କୁମାରୀ ଏସ୍ ଦିଶ୍ରୀ, କୋଷାଧ୍ୟକ୍ଷ ଭାବେ ଶ୍ରୀ ଦଳପତି, ସଂଗଠନ ସଂପାଦକ ଭାବେ ବୀରେନ୍ଦ୍ର ଦେହେରୀ, ମୋହନ ବିଶି ପ୍ରମୁଖଙ୍କୁ ଚୟନ କରାଯାଇଥିଲା । କ୍ଷମାନିଧି ଝାଙ୍କର କାର୍ଯ୍ୟକ୍ରମ ସଂଯୋଜନା କରିଥିଲେ । ଅପରାହ୍ନରେ ଆୟୋଜିତ ଦ୍ୱିତୀୟ ଅଧିବେଶନରେ ନବଗଠିତ ଓଡ଼ିଶା ପଣ୍ଡରା ସମାଜର କର୍ମକର୍ତ୍ତା ମାନେ ଉପସ୍ଥିତ ଥିଲେ । ଶେଷରେ କମିଟିର ବରିଷ୍ଠ ସଦସ୍ୟ ଦୁତୀୟା ଦେହେରୀ ଧନ୍ୟବାଦ ଅର୍ପଣ କରିଥିଲେ । ଏହି ସମ୍ମିଳନୀରେ ସମାଜର ୭ଟି ମହାକେନ୍ଦ୍ର ବକ୍‌ଟି, ସୋନପୁର, ବଉଦ, ସହେଲା, ସମ୍ବଲପୁର, ବୋଡାସମ୍ବର, କଳାହାଣ୍ଡି ତଥା ପଣ୍ଡରା ସମାଜର ପ୍ରଗତିଶୀଳ ଯୁବା ମଂଚ ଓ ବଲାଙ୍ଗୀର ସହରାଂଚଳ ପଣ୍ଡରା ସମାଜର ସଦସ୍ୟ ମାନେ ଯୋଗ ଦେଇଥିଲେ ।