22-Feb-2023

ଲୋଇସିଂହା(ବିନୋଦ କୁମାର ଦୀପ) ଆଜି ଲୋଇସିଂହା ଆଦିବାସୀ ଭବନ ଠାରେ ଏକ ମାଗଣା ଚକ୍ଷୁ ଚିକିତ୍ସା ଶିବିର ଅନୁଷ୍ଠିତ ହୋଇଥିଲା l ଏହି ଶିବିରକୁ ଆଦିବାସୀ କଲ୍ୟାଣ ମହାସଂଘ ଲୋଇସିଂହା, କୋଶଳ ପରିବାର ଲୋଇସିଂହା ଓ ଅସୀମା ମହାନନ୍ଦ ଚେରିଟେବୁଲ ଟ୍ରଷ୍ଟ ର ମିଳିତ ଆନୁକୁଲ୍ୟରେ  ଅନୁଷ୍ଠିତ ହୋଇଥିଲା l  ସମ୍ବଲପୁର ତ୍ରିଲୋଚନ ନେତ୍ରାଳୟର  ସହଯୋଗରେ ଆୟୋଜିତ ଏହି କାର୍ଯ୍ୟକ୍ରମରେ ଲୋଇସିଂହା ନିର୍ବାଚନୀ ମଣ୍ଡଳୀରେ ସମାଜସେବୀ ବିଜୟ ମହାନନ୍ଦ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ l ଶିବିରରେ ଜିଲ୍ଲା ଆଦିବାସୀ ସଂଘ ସଭାପତି ଶ୍ୟାମସୁନ୍ଦର ଭୋଇ, ବ୍ଲକ୍ ଆଦିବାସୀ ସଂଘ ସଭାପତି ଦଶରଥ ଛତ୍ରିଆ ଉପସ୍ଥିତ ଥିଲେ l ଏହାସହ ଲୋଇସିଂହା ବ୍ଲକ୍ ତହସିଲ ଭୁକ୍ତ ଜାତି ସଭାପତି ଲାଲମନ ନାଗ ଉପସ୍ଥିତ ଥିଲେ।ଲୋଇସିଂହା ବିଶ୍ଵ କଲ୍ୟାଣ ନାଗରିକ କମିଟି ର  ସଭ୍ୟ କବିରାଜ ଭୋଇ, ମାଧବ ଭୋଇ, ସୂର୍ଯ୍ୟକାନ୍ତ ବେହେରା, ରୁକ୍ମନ ଧରୁଆ,ଲଳିତ ମୋହନ ପୁଟା ପ୍ରଭୃତି ଉପସ୍ଥିତି ରହି କାର୍ଯକ୍ରମକୁ ଆଗକୁ ନେବାରେ ସହଯୋଗ କରିଥିଲେ l ଚକ୍ଷୁ ଚିକିତ୍ସା ଶିବିର ରେ ସର୍ବମୋଟ ୧୧୭ ଜଣ ପଞ୍ଜୀକୃତ ହୋଇ ଆଖି ପରୀକ୍ଷା କରିଥିଲେ l ସେଥିରୁ ୩୬ ଜଣଙ୍କୁ ଆଖି ଅପରେସନ ପାଇଁ ଚିହ୍ନଟ କରି ସମ୍ବଲପୁର କୁ ପଠାଗଲା l ଚିକିତ୍ସା ଶିବିରକୁ ତ୍ରିଲୋଚନ ନେତ୍ରାଳୟ ର ଡାକ୍ତର ସନ୍ଧ୍ୟାରାଣୀ ଶେଉଳ, ଅରୂପା ପ୍ରଧାନ ଓ ଅନ୍ୟ  କର୍ମଚାରୀ ମାନେ ସହଯୋଗ କରିଥିଲେ l