22-Feb-2023

ବଲାଙ୍ଗୀର(ମଳୟ ମିଶ୍ରଙ୍କ ରିପୋର୍ଟ): ଦୀର୍ଘ ୧୫ ବର୍ଷ ଧରି ଚାଲିଆସିଥିବା ଜିଲ୍ଲା ଲେଖକ ପରିଷଦର ରାଜ୍ୟ ସ୍ତରୀୟ ପୁସ୍ତକମେଳା ବନାମ ୧୬ ତମ ବଲାଙ୍ଗୀର ବହିହାଟ - ୨୦୨୩ ଏଥର କରାଇ ଦେଉ ନାହାଁନ୍ତି ବୋଲି ପରିଷଦ ପକ୍ଷରୁ କ୍ଷୋଭପ୍ରକାଶ ପାଇଛି ।  ବାରମ୍ବାର ଆବେଦନ ସତ୍ତ୍ୱେ ଆରମ୍ଭରୁ ଅନୁଷ୍ଠିତ ହୋଇଆସୁଥିବା ସ୍ଥାନୀୟ କୋଶଳ କଳାମଣ୍ଡଳ ପଡିଆରେ (ମଠଖାଇ ମହୋତ୍ସବ , ଲୋକ ଉତ୍ସବ, ଜାତୀୟ କୃଷିମେଳା, ସ୍ବଦେଶୀ ଖଦୀ ବଜାର , ଅନ୍ୟାନ୍ୟ ସଂସ୍ଥାକୁ ଦିଆଯାଇଥିବା ସତ୍ତ୍ୱେ ; ଦିନକୁ ଦେଢହଜାର ଭଡା ପ୍ରଥମଥର ଧାର୍ଯ୍ୟ କରାଯାଇ ମଧ୍ୟ ) ଜାଗା ଦିଆ ନଯିବା , ବିକଳ୍ପ ସ୍ବରୂପ ପି ଆର୍ ହାଇସ୍କୁଲ ପଡିଆରେ କରାଯିବାକୁ ଆବେଦନ ସତ୍ତ୍ୱେ  ଦିନକୁ ଦୁଇ ହଜାର × ୧୦ ଦିନ ନିମନ୍ତେ ଉକ୍ତ ପଡିଆଟିର ଖାଲଖମା ବଣବୁଦାମୟ କଦର୍ଯ୍ୟ ପରିବେଶ ଯୋଗୁଁ ଆଦୌ କରାଯାଇ ନ ପାରିବା (ଅବଶ୍ୟ ଏବେ ଏ ପଡିଆଟିର ମରାମତି ଚାଲିଛି !)  ରାଜନୈତିକ ହସ୍ତକ୍ଷେପରେ ଆରମ୍ଭରୁ ପ୍ରତିଥରର  ଜାନୁୟାରୀ ୮ ରୁ ନିର୍ଦ୍ଧାରିତ  ତାରିଖରେ ଅନ୍ୟ ଉତ୍ସବକୁ ପଡିଆ ଦେଇଦିଆଯିବା, ପେଟ୍ରନ୍ ହୋଇଥାଇ ଜିଲ୍ଲାପାଳ ଉଦାସୀନ ରହିଆସିବା,  ଅନୁରୋଧ କରିବାରୁ ଆରମ୍ଭରୁ ସବୁଥର ଉଦଯାପନୀ ଉତ୍ସବରେ ମୁଖ୍ୟଅତିଥି ଭାବେ ଯୋଗଦେଉଥିବା ମାନ୍ୟବର ବଲାଙ୍ଗୀର ବିଧାୟକ ନରସିଂହ ମିଶ୍ର ବହିହାଟ ବନ୍ଦ କରିଦେବାକୁ ଋକ୍ଷ ପରାମର୍ଶ ଦେବା, ଜିଲ୍ଲାପାଳ, ଜିଲ୍ଲାସଂସ୍କୃତି ଅଧିକାରୀ ଓ ସଂସ୍କୃତି ମନ୍ତ୍ରୀ , ସଚିବ ତଥା ନିର୍ଦ୍ଦେଶକଙ୍କୁ ଆବେଦନ ପରେ ବଲାଙ୍ଗୀର ବହିହାଟକୁ ବନ୍ଦ କରି ସମ୍ପୂର୍ଣ୍ଣ ସରକାରୀ ବନାମ ପ୍ରାଶାସନିକ  ନିୟନ୍ତ୍ରଣରେ ଜିଲ୍ଲାସ୍ତରୀୟ ପୁସ୍ତକମେଳାରେ କମ୍ ଦିନ ଅଧା ବୁକ୍ ଷ୍ଟଲ୍ ରେ ସହଭାଗୀତାରେ କରିବାକୁ ନିର୍ଦ୍ଦେଶ ଦେବା ଏବଂ ଏତେ କାଇଦା କଟକଣାରେ ପ୍ରତିବର୍ଷ ଆସୁଥିବା ପୁସ୍ତକବିକ୍ରେତା ଓ ପ୍ରକାଶକମାନେ ବରଗଡ , ରାଉରକେଲା ସମ୍ବଲପୁର, ସୁବର୍ଣ୍ଣପୁର, ବୌଦ୍ଧ, ଫୁଲବାଣୀ ପୁସ୍ତକମେଳା ସାରି ଇତିମଧ୍ୟରେ ଫେରିଯାଉଥିବା ଇତ୍ୟାଦି ଘଟଣା ଚଳିତବର୍ଷ ବଲାଙ୍ଗୀର ବହିହାଟ ବନ୍ଦହେବାର କାରଣ ବୋଲି ପରିଷଦ ପକ୍ଷରୁ ପ୍ରକାଶ ।

ତେଣୁ ଚଳିତବର୍ଷ ବଲାଙ୍ଗୀର ବହିହାଟ ହେବା ସମ୍ପର୍କରେ ଏକପ୍ରକାର ଅଚଳାବସ୍ଥା ସୃଷ୍ଟି ହୋଇଛି ।