22-Feb-2023

ବିନିକା(ହିମାଂଶୁ ଶେଖର ପୁଟେଲ)ଦିନେ ନୁହେଁ କି ଦୁଇଦିନ ନୁହେଁ ଦୀର୍ଘ ଦେଡ ବର୍ଷ ଧରି ମୋବାଇଲରେ ମିଠା ମିଠା କଥା ପରେ ଉଭୟେ ଉଭୟଙ୍କ ଭିତରେ ସ୍ନେହ ମମତା ବଡ଼ିବା ସାଂଗକୁ ଶେଷରେ ଜନ୍ମ ଜନ୍ମର ଜୀବନ ସାଥୀ ପାଇଁ ବିବାହ ବନ୍ଧନରେ ବାନ୍ଧି ହେବା ଭଳି ଘଟଣା ଘଟିଛି ବିନିକା ଅଞ୍ଚଳରେ ।ଉଭୟେ ଯୁବକ ଯୁବତୀ ସୋନପୁର କୋଟରେ ରେଜିଷ୍ଟ୍ରି ମ୍ୟାରେଜ ହେବା ପରେ ଆଜି ବିନିକା ଥାନାକୁ ଆସି ଉଭୟେ ଉଭୟଙ୍କୁ ଫୁଲମାଳ ପିନ୍ଧାଇବା ଏବଂ ପରେ ପ୍ରେମିକ ପ୍ରେମିକା କପାଳରେ ସିନ୍ଦୂର ଟୋପା ଲଗାଇ ନିଜର ସାଥି ଭାବେ ଆପଣେଇଛି ।ଖବରରୁ ପ୍ରକାଶ ଯେ ବିନିକା ସହର ପାତିକାର ପଡ଼ା ନିବାସୀ ସତ୍ୟନାରାୟଣ ନାଏକଙ୍କ ଝିଅ ଶିଳ୍ପା ନାଏକ(୨୦)ଉପାସ ମନରେ ନିକଟସ୍ଥ ଯୋଗେଶ୍ୱର ମନ୍ଦିର ମହାଶିବରାତ୍ରୀ ଜାଗର ମେଳାକୁ ଯାଇ ପ୍ରଭୁ ଶିବଶମ୍ଭୁ ଓ ମାତା ପାର୍ବତୀଙ୍କ ଆଶୀର୍ବାଦ ପାଇଁ ଧ୍ୟାନରେ ଥିଲେ ।ଠିକ ସେତିକି ବେଳେ ସମ୍ବଲପୁର ଜିଲ୍ଲା ସିନ୍ଦୂରପଙ୍କ ଥାନା ଅଧୀନସ୍ଥ ରାସନପୁର- ତାଳପାଲି ନିବାସୀ ସୁରେଶ ନାଏକଙ୍କ ପୁଅ ଆକାଶ ନାଏକ (୨୧) ଅଚାନକ ସନ୍ଧ୍ୟାରେ ମନ୍ଦିରକୁ ଆସି ଯୁବତୀଙ୍କ ଧ୍ୟାନ ମଗ୍ନକୁ ନିରିଖି ଦେଖିବା ସହିତ ତା ପାଖେ ପାଖେ ରହିଥିଲା ।ବେଶ କିଛି ସମୟ ଅତିବାହିତ ହେଲା ପ୍ରଭୁଙ୍କ ମହାଦୀପ ଉଠିଲା । ଉଭୟଙ୍କ ଲକ୍ଷ ପଥ ସଫଳରେ ପ୍ରଭୁଙ୍କ କୃପା ବୋଧେ ରହିବାରୁ ପ୍ରେମିକ ବାହା ହେବାର ନର୍ଭର ପ୍ରତିଶ୍ରୁତି ଦେଇ ପ୍ରେମିକା ଶିଳ୍ପାକୁ ଏକ ମଟର ସାଇକେଲ ଯୋଗେ ନେଇ ଘରକୁ ଚଂପଟ ମାରିଥିଲା ।ଝିଅ ଘରକୁ ନ ଫେରିବା ବିଳମ୍ବ ହେବାରୁ ପରିବାର ଲୋକେ ଖୋଜାଖୋଜି କରିଥିଲେ ।ହେଲେ ପାଇ ନଥିଲେ ।ତ୍ୱତ ଆରଦିନ ପ୍ରେମିକ ଆକାଶର ଦୁଇ ଜଣ କାକା ଝିଅ ଶିଳ୍ପାକୁ ଏକ ଟେମ୍ପୋ ଯୋଗେ ଆଣି ବିନିକା ମହାନଦୀ ପୋଲ ବିନିକା ପଟେ ଛାଡ଼ି ପକାଇବାକୁ ଉଦ୍ୟମ କରୁଥିଲେ ।ଏହି ସମୟରେ ଝିଅର ଅଜା ଓ କେତେକ ବ୍ୟକ୍ତି ଦେଖିବାରୁ ଅଟୋ ଗାଡ଼ି ସହ ସମସ୍ତଙ୍କୁ କାବୁ କରି ବିନିକା ଥାନାରେ ହାଜର ହୋଇଥିଲେ । ପୁଅର ପରିବାର ଝିଅକୁ ଗ୍ରହଣ ନକରିବା ଏବଂ ଗାଳିଗୁଲଜ କରିଥିବା ସେମାନେ ଥାନାରେ ଲିଖିତ ଅଭିଯୋଗ କରିଛନ୍ତି ।ପରେ ଉଭୟେ ଜୀବନ ସାଥି ହେବା ପାଇଁ ସ୍ଥିର କରିବା ପରେ ୨୧ତାରିଖ ସୋନପୁର କୋଟରେ ଯାଇ ରେଜିଷ୍ଟ୍ରି ବିବାହ ବନ୍ଧନରେ ବାନ୍ଧି ହେଲେ ।ଆଜି ଉଭୟେ ବିନିକା ଥାନାକୁ ଆସି ଦୁହେଁ ଦୁହିଙ୍କ ଠାରେ ଫୁଲମାଲ ପିନ୍ଧାଇ ଥିଲେ ।ପୁଅ ଆକାଶ ଝିଅର କପାଳରେ ସିନ୍ଦୂର ଲେପନ କରିଥିଲା ।ପରେ ଉଭୟେ ନବବଧୂ ଉପସ୍ଥିତ ପରିବାର ସଦସ୍ୟ ଙ୍କୁ ମୁଣ୍ଡିଆ ମାରିଥିଲେ ।ତେବେ ଆକାଶର କାକା ଧିରେଶ କୁମାର ନାଏକ ଉଭୟଙ୍କ ଦେଖାରେଖା ଓ ଦାୟିତ୍ଵ ନିର୍ବାହ ପାଇଁ ବିନିକା ଥାନାରେ ଲେଖି ଦେବାପରେ ଉଭୟ ନବବଧୁ ମୁହଁରେ ହସ ଫୁଟାଇ ଘରକୁ ଯାଉଥିବା ଦେଖିବାକୁ ମିଳିଥିଲା ।