22-Feb-2023

ବଲାଙ୍ଗିର / ନିଶାସକ୍ତ ଯୁବତୀକୁ ଉଦ୍ଧାର କଲା ପୋଲିସ ଘଟଣା ଘଟିଛି ବଲାଙ୍ଗୀର ସହର ଭିତରେ | ବଲାଙ୍ଗୀର ପାଟଣାଗଡ ରାସ୍ତାର  ଭୀମ ଭୋଇ ମେଡିକାଲ କଲେଜ ଛକ ନିକଟରେ ଜଣେ ଯୁବତୀ ବେହୋସ ଅବସ୍ଥାରେ ପଡ଼ିଥିବା ଲୋକେ ଦେଖିବାକୁ ପାଇଥିଲେ | ସ୍ଥାନୀୟ ଲୋକେ ସଦର ପୋଲିସ କୁ ଖବର ଦେଇଥିଲେ | ସଦର ପୋଲିସ ର ପି.ସି. ଆର ପହଂଚି ଯୁବତୀକୁ ଉଦ୍ଧର କରିଥିଲା | ଯୁବତୀ ଜଣକ ନିଶାସକ୍ତ ଅବସ୍ଥାରେ ଥିବା ଜଣା ପଡିଥିଲା | ଅତ୍ୟଧିକ ନିଶା ଯୋଗୁଁ ଯୁବତୀ ଜଣକ କଥାବାର୍ତା ମଧ୍ୟ କରୁ ପାରୁନାହିଁ | ତେଣୁ ତାକୁ ପୋଲିସ ବଲାଙ୍ଗୀର ଭୀମ ଭୋଇ ମେଡିକାଲ କଲେଜ ହସ୍ପିଟାଲ ରେ ଭର୍ତି କରିଥିଲା | ହସ୍ପିଟାଲ ରେ ଯୁବତୀ ଙ୍କ ଚିକିତ୍ସା ଜାରି ରହିଛି | ଯୁବତୀ ଜଣକ ସମ୍ବଲପୁର ଅଂଚଳର ବୋଲି ଜଣା ପଡିଛି | ଯୁବତୀ ଜଣକ ସମ୍ବଲପୁର ରୁ କେମିତି ଆସିଲେ | ତାଙ୍କୁ ନିଶା ଦେଲା କିଏ | ନିଶାସକ୍ତ ଅବସ୍ଥାରେ ପକାଇ କେହି ଫେରାର ମାରିଛି କି ?  ଏନେଇ ଅଧିକ ତଦନ୍ତ ଜାରି ରଖିଛି ପୋଲିସ |