20-Feb-2023

ପାଟଣାଗଡ଼(ପୂର୍ଣ ଶଶୀ ଶେଖର ରାଓ)/ ପାଟଣାଗଡ଼ ଉପଖଣ୍ଡ ବେଲପଡା ବ୍ଳକ ମଣ୍ଡଳ ଜୋନ୍ ର ପୂର୍ବତନ ଜିଲ୍ଲାପରିଷଦ ଦାମୋଦର ଯୋଶୀ ଙ୍କ ଏକାଦଶ କାର୍ଯ୍ୟ ରେ ଯୋଗଦେଲେ ପାଟଣାଗଡ଼ ବିଧାୟକ ସରୋଜ କୁମାର ମେହେର। ସୂଚନା ଅନୁସାରେ ଗତ ୧୦/୦୨/୨୩ ଦିନ ୨୬ ନମ୍ବର ଜୋନ୍ ପୂର୍ବତନ ଜିଲ୍ଲାପରିଷଦ ଦାମୋଦର ଯୋଶୀ ଙ୍କ ପରଲୋକ

ହୋଇଥିବା ବେଳେ ଆଜି ତାଙ୍କ ବାସଭବନରେ ଏକାଦଶ କାର୍ଯ୍ୟ ଅନୁଷ୍ଠିତ ହୋଇଯାଇଛି। ସର୍ବପ୍ରଥମେ ପାଟଣାଗଡ଼ ବିଧାୟକ ସରୋଜ କୁମାର ମେହେର ବେଲପଡା ବ୍ଳକ ବିଜେଡି କାର୍ଯ୍ୟାଳୟକୁ ଆସି ଶ୍ରୀ ଯୋଶୀଙ୍କ ଫଟୋ ରେ ପୁଷ୍ପମାଲ୍ୟ ଅର୍ପଣ କରି ଦୁଇ ମିନିଟ୍ ନିରବ ପ୍ରାର୍ଥନା କରିଥିଲେ। ବିଧାୟକ

ନିଜ ଅଭିଭାଷଣରେ କହିଥିଲେ ଯେ ଆଜି ପାଟଣାଗଡ଼ ନିର୍ବାଚନ ମଣ୍ଡଳୀର ବରିଷ୍ଠ ବିଜେଡି ନେତା ଦାମୋଦର ଯୋଶୀ ଆଉ ଆମ ଗହଣରେ ନାହାଁନ୍ତି ଓ ସେ ସବୁବେଳେ ପାର୍ଟି ପାଇଁ ଅକ୍ଳାନ୍ତ ପରିଶ୍ରମ କରି ପାଟିକୁ ମଜଭୁତ କରିଛନ୍ତି।ସେ ସବୁ ସମୟରେ ନିଜ ଅଞ୍ଚଳର ଜନତା ଙ୍କ ପ୍ରତି ଦୟା ଭାବ ଦେଖାଇ କାମ କରୁଥିଲେ ଓ ଅଞ୍ଚଳ କିପରି ବିକାଶ ହେବ ତାହା ପ୍ରୟାସ କରୁଥିଲେ।ପରେ ରାଡବାହାଲ ଗାଁ କୁ ଯାଇ ଯୋଶୀଙ୍କ ବାସଭବନରେ ପରିବାର ବର୍ଗଙ୍କୁ ସାନ୍ତ୍ବନା ଦେବା ସହ ସହଯୋଗ କାମନା କରିଛନ୍ତି। ଏହି ଅବସରରେ ବିଧାୟକ ଙ୍କ  ସହ ବେଲପଡା ବ୍ଳକ ନମୋନୀ କୁମୁଦ ମହାଖୁଡ (ବାପି), ରାଜକୁମାର ପାଣିଗ୍ରାହୀ, ଜିଲ୍ଲା ଉପସଭାପତି ମହେଶ୍ୱର ସାହୁ, ବିଜେଡି ବ୍ଳକ ସଭାପତି ଲକ୍ଷ୍ମଣ ମେହେର, ଅରୁଣ ପାଣିଗ୍ରାହୀ,କୁନା ମହାଖୁଡ, ମୁନା ମେହେର, ଗଣେଶ ମେହେର, ରବିନ୍ଦ୍ର ମେହେର,ବାଗଦୋର ସରପଞ୍ଚ ପ୍ରଦୀପ କୁମାର ବେହେରା,କାନୁଟ ସରପଞ୍ଚ ଅଶୋକ ମହାପାତ୍ର ଓ ଅନ୍ୟାନ୍ୟ ବେଲପଡା ବ୍ଳକ ର ବିଜୁ ଜନତା ଦଳର ସଦସ୍ୟମାନେ ଉପସ୍ଥିତ ଥିଲେ।