12-Feb-2023

ବଲାଙ୍ଗୀର- ବଲାଙ୍ଗିର ସଦର ବ୍ଲକ କୁଡାସିଂହା ଗ୍ରାମରେ ଆଦିତ୍ୟ ବାହିନୀ ଓ ଆନନ୍ଦ ବାହିନୀ ଆନୁକୁଲ୍ୟରେ ତୁଳସୀ ରାମାୟଣ ର ସୁନ୍ଦରାକାଣ୍ଡ ପାରାୟଣ ହୋଇଯାଇଛି । ଶ୍ରୀ ବିଭୁଷିତ ପୂଜ୍ୟପାଦ ଶଙ୍କରାଚାର୍ଯ୍ୟ ପୁରୀ ଗୋବର୍ଦ୍ଧନ ପୀଠାଧିଶ୍ୱର ଶ୍ରୀ ଶ୍ରୀ ନିଶ୍ଚଳାନନ୍ଦ ସରସ୍ୱତୀ ମହାରାଜଙ୍କ ତତ୍ତ୍ୱାବଧାନରେ ଅନୁଷ୍ଠିତ କାର୍ଯ୍ୟକ୍ରମରେ ବ୍ୟାସାସନରେ ଉପବିଷ୍ଟ ହୋଇ ଅସୀତ କୁମାର ଷଡଙ୍ଗୀ ଯୋଗ ଦେଇ ଶ୍ରୋତା ମଣ୍ଡଳିଙ୍କୁ ମନ୍ତ୍ରମୁଗଧ କରି ପକାଇଥିଲେ । ପାରାୟଣ କାର୍ଯ୍ୟକ୍ରମରେ କୁଡାସିହା ଓ ନୁଆପଡା ଗ୍ରମର ଅନେକ ସଂଖ୍ୟକ ଶ୍ରଦ୍ଧାଳୁ ଯୋଗ ଦେଇ ଭଗବାନଙ୍କର ଆଶିର୍ବାଦ ନେଇଥିଲେ । ପାରାୟଣର ତାଳେତାଳେ ନାଟ୍ୟଭିନୟରେ ସୀତା, ହନୁମାନ ଓ ଲଙ୍କେଶ୍ୱରୀଙ୍କ ଅଭିନୟ ଉଚ୍ଚ କୋଟୀର ହୋଇଥିଲା । ଶେଷରେ ସହସ୍ରାଧିକ ଭକ୍ତବୃନ୍ଦ ଅନ୍ନ ପ୍ରସାଦ ଗ୍ରହଣରେ କାର୍ଯ୍ୟକ୍ରମରୁ ବିଦାୟ ନେଇଥିଲୋ ଏହି ଉପଲକ୍ଷେ ପୂଜାକର୍ତ୍ତା ଭାବେ କୁବେର ସାହୁ ଓ କୌଶଲ୍ୟା ସାହୁ ଭାଗ ନେଇଥିଲେ । କୁଡାସିଂହା ସମସ୍ତ ଗ୍ରାମବାସୀ ଙ୍କ ସହଯୋଗରେ ଏହି କାର୍ଯ୍ୟକ୍ରଟି ସଫଳ ରୂପାୟନ ହୋଇଥିଲା । ସନ୍ଧ୍ୟାରେ ଦିବ୍ୟାଙ୍ଗମାନଙ୍କ ଦ୍ୱାରା ଭଜନ ସନ୍ଧ୍ୟା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।