04-Feb-2023

ପାଟଣାଗଡ  (ପୁର୍ଣ୍ଣ ଶଶୀ ଶେଖର ରାଓ) ପାଟଣାଗଡ଼  ବ୍ଲକ ଅନ୍ତର୍ଗତ ମୁଣ୍ଡୋମହୁଲ ଠାରେ ମାଘ ମେଳା  ଉପଲକ୍ଷେ ଶ୍ରୀମଦ୍ ଭାଗବତ ପରାୟଣ ଷଷ୍ଠ ଦିନ ରେ ଅନୁଷ୍ଠିତ ହୋଇଯାଇଛି ।ଏହି ମେଳା ଟି ପ୍ରଦୀପ ସାହୁ ଙ୍କ ଅଧ୍ୟକ୍ଷତାରେ  ଅନୁଷ୍ଠିତ ହୋଇଯାଇଛି । ଏହି ମେଳାରେ ହଜାର ହଜାର ସଂଖ୍ଯାରେ ଶ୍ରଦ୍ଧାଲୁ ମାନଙ୍କର ସମାଗମ ହୋଇଥିବା ଜଣାପଡିଛି । ପ୍ରତ୍ୟେକ ରାତ୍ରି ରେ ମନୋରଞ୍ଜନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ମନୋରଞ୍ଜନ କାର୍ଯ୍ୟକ୍ରମ ପ୍ରତ୍ୟେକ ରାତ୍ରି ବିଭିନ୍ନ ଜନପ୍ରତିନିଧି ଙ୍କ ସହ  ରାଜ ନେତା ପ୍ରଶାସନିକ ଅଧିକାରୀ ମାନଙ୍କୁ ଅତିଥି ଭାବେ ନିମନ୍ତ୍ରଣ କରାଯାଇ ଗାଁ ତଥା ଅଞ୍ଚଳ ର ବିଭିନ୍ନ ସମସ୍ୟା ର  ସମାଧାନ ଉପରେ ଆଲୋକପାତ କରିବା ସହ  ଏହି ମେଳା କୁ  ଆହୁରି କେମିତି ଆଗକୁ ସରସ ସୁନ୍ଦର କରା ଯିବ ତାହା ମଧ୍ୟ ଅତିଥି ମାନେ ପ୍ରତିଶୃତି ଦେଇଥିଲେ । ଆୟୋଜିତ ମେଳା ରେ ରବି ଚନ୍ଦ୍ର ଧରୁଆ ସମ୍ପାଦକ ଥିବାବେଳେ ପୂଜା କର୍ତା କୀର୍ତ୍ତି ଚନ୍ଦ୍ର ସାହୁ ଏବଂ ଧର୍ମ ପତ୍ନୀ କୁନି ସାହୁ ପୂଜା କର୍ତ୍ତା ଭାବେ କାର୍ଯ୍ୟ ନିର୍ବାହ କରିଥିଲେ ।  ପୂଜକ ନୁରୋତ୍ତମ୍ ତ୍ରିପାଠୀ ଏବଂ ବ୍ୟାସ ଭାବେ -ବନମାଳୀ ମିଶ୍ର ଯୋଗଦେଇ ସୁମଧୁର କଣ୍ଠସ୍ଵରେ  ଭାଗବତ ପରାୟଣ  କରି ସମସ୍ତ ଶ୍ରଦ୍ଧାଳୁମାନଙ୍କ ମନକୁ ମନ୍ତ୍ରମୁଗ୍ଧ କରିଥିଲେ । ମୁଣ୍ଡୋମହୁଲ ଗ୍ରାମର ସମସ୍ତେ ସହ ଯୋଗ କରିଥିଲେ । ଆଜି  ରୀତି ନୀତି ଭାବରେ ରୁକ୍ମୁଣୀ ବିବାହ ଅନୁଷ୍ଠିତ ହୋଇଥିଲା  । ଅନୁଷ୍ଠିତ  ବିବାହ ର କନ୍ୟା ର ପିତା ଘନ ଭୁଏ ଓ ମାତା ମାଧୁରୀ ଭୁଏ କନ୍ୟା ସମର୍ପଣ କରି ପାରମ୍ପରିକ ଭାବେ କାର୍ଯ୍ୟ ସମ୍ପନ୍ନ କରିଥିଲେ । ସମସ୍ତ ଶ୍ରଦ୍ଧାଳୁମାନଙ୍କ ପାଇଁ ଅନ୍ନପ୍ରସାଦ ଭୋଗ ବ୍ୟବସ୍ଥା କରାଯାଇଥିଲା ।