04-Feb-2023

ବେଲପଡା (ପୁର୍ଣ୍ଣ ଶଶୀ ଶେଖର ରାଓ)ଆଜି ବଲାଙ୍ଗୀର ଜିଲ୍ଲା ବେଳପଡା ବ୍ଲକ ବାଗଦୋର ଗ୍ରାମ ପଞ୍ଚାୟତ ର ପଞ୍ଚାୟତ ହାଇସ୍କୁଲ ବନମାଲ ଗାଁ ଠାରେ ବାର୍ଷିକ କ୍ରୀଡା ଉତ୍ସବ ଅନୁଷ୍ଠିତ ହୋଇଯାଇଛି।ଏହି ବାର୍ଷିକ କ୍ରୀଡ଼ା ଉତ୍ସବରେ  ମୁଖ୍ୟ ଅତିଥି ଭାବରେ ସରପଞ୍ଚ ଶ୍ରୀ ଯୁକ୍ତ ପ୍ରଦୀପ କୁମାର ବେହେରା ଯୋଗଦାନ କରିଥିବା ବେଳେ ସମ୍ମାନିତ ଅତିଥି ଭାବେ ପ୍ରଧାନ ଶିକ୍ଷକ ଶ୍ରୀ ଯୁକ୍ତ ଧନେଶ୍ୱର ବିଶ୍ୱାଳ ଯୋଗଦାନ କରିଥିଲେ।ଛାତ୍ର ଛାତ୍ରୀ ଅତିଥି ମାନଙ୍କୁ ଚିତାକର୍ଷକ ନୃତ୍ୟ ପରିବେଷଣ କରି ସ୍ୱାଗତ ସମ୍ବର୍ଦ୍ଧନା ଜଣାଇଥିଲେ ।ସରପଞ୍ଚ ଛାତ୍ରଛାତ୍ରୀ ମାନଙ୍କୁ ଉତ୍ସାହିତ କରିବା ସହ ବହୁମୂଲ୍ୟ ବକ୍ତବ୍ୟ ପ୍ରଦାନ କରିଥିଲେ। ପରେ କ୍ରୀଡ଼ା ପତାକା କୁ ଉତ୍ତୋଳନ କରି ଖେଳ କୁ ଆରମ୍ଭ କରିଥିଲେ।ଏଥିରେ ଦୌଡ଼ ୧୦୦,ମିଟର ୨୦୦,୪୦୦,୮୦୦ମିଟର ଦୌଡ଼ି ଥିବାବେଳେ ଉଚ୍ଚ ଡିଆଁ,ଲମ୍ବ ଡିଆଁ,ସଟଫୁଟ,ଡିସ୍କଶ,ଗୀତ ନାଚ,ପ୍ରଭୁତି ରେ ଛାତ୍ର ଛାତ୍ରୀ ମାନେ ଅଂଶଗ୍ରହଣ କରି ନିଜ ନିଜ ଖେଳ ପ୍ରଦର୍ଶନ କରିଥିଲେ।ଖେଳ କୁ ସୁଚାରୁରୂପେ ପରିଚାଳନା କରିଥିଲେ ଖେଳ ଶିକ୍ଷକ ସରୋଜ କୁମାର ବିଶ୍ବାଳ,ସହଯୋଗ କରିଥିଲେ ଉକ୍ତ ହାଇସ୍କୁଲ ର  ସମସ୍ତ ଶିକ୍ଷକ ଓ କର୍ମଚାରୀ ବୃନ୍ଦ। ଏହି କାର୍ଯ୍ୟକ୍ରମ ଧୁମ୍ ଧାମରେ ପାଳନ କରାଯାଇଛି ବୋଲି ଅଞ୍ଚଳବାସୀ ଙ୍କ ଠାରୁ ଶୁଣିବାକୁ ମିଳିଛି।