04-Feb-2023

ବଲାଙ୍ଗିର - ମହିମା ଧର୍ମ ର ଅନ୍ଯତମ ପ୍ରମୁଖ ପୀଠ ସନ୍ଥ କବି ଭୀମଭୋଇଙ୍କ ସାଧନା ସିଦ୍ଧିସମାଧି ପୀଠ ସୁବର୍ଣ୍ଣପୁର ଜିଲ୍ଲାର ଖଲିଆପାଲି ଠାରେ ସବୁ ବର୍ଷ ପରି ଚଳିତ ବର୍ଷ ମଧ୍ୟ ମାଘମେଳା ଓ ସାର ସ୍ଵତ ସମାରୋହ  ହୋଇଅଛି। ଦୁର ଦୁରାନ୍ତରୂ  ମହିମା ଧର୍ମ। ବଲମ୍ବୀ ତଥା ସାଧୁସନ୍ଥ ମାନଙ୍କ ସମାଗମ ବଢ଼ିବାରେ ଲାଗିଛି।ସମାଧି ମନ୍ଦିର  ଓ ପୀଠର ମୁଖ୍ୟ ସନ୍ଯାସୀ ବାବା ଓ ଅନ୍ୟ ମାନେ ପାଦୁକା ମନ୍ଦିର ରେ ପୂଜାର୍ଚ୍ଚନା ଓ ୧୦୮ ପୂର୍ଣ୍ଣ କଳସ ରଖି ସମାଧି ମନ୍ଦିର ଖୋଲା ଯିବା ସହ ନିତିକାନ୍ତି ସମ୍ପୂର୍ଣ୍ଣ କରିଥିଲେ।

ସମାଧି ମନ୍ଦିର ଦୁଇ ଦିନ ପାଇଁ ଖୋଲା ରହିବ।  ଏହି ଅବସରରେ ଅନ୍ଯ ବର୍ଷ ମାନଙ୍କ ପରି ଚଳିତ ବର୍ଷ ମଧ୍ୟ ଭୀମଭୋଇ ସମାଧି ପୀଠ ଟ୍ରଷ୍ଟ ଖଲିଆପାଲି ଓ ଜିଲ୍ଲା ସଂସ୍କୃତି ପରିଷଦ ସୁବର୍ଣ୍ଣପୁର ଆନୁକୂଲ୍ୟରେ ସାରସ୍ଵତ ସମାରୋହ ଟ୍ରଷ୍ଟ ର ମ୍ଯାନେଜିଙ୍ଗ ଟ୍ରଷ୍ଟି ଛତ୍ରଧାରୀ ଅଗ୍ରୱାଲ ଙ୍କ ସଭାପତିତ୍ୱ ରେ ଅନୁଷ୍ଠିତ ହୋଇ ମୁଖ୍ୟ ଅତିଥି ଭାବରେ ଅର୍ଥ ମନ୍ତ୍ରୀ ନିରଞ୍ଜନ ପୂଜାରୀ, ସମ୍ମାନିତ ଅତିଥି ଭାବରେ ସୁବର୍ଣ୍ଣପୁର ଆରକ୍ଷୀ ଅଧିକ୍ଷକ ଅମ୍ବରେଶ ପଣ୍ଡା ,ଭୁବନେଶ୍ୱର କାଳରାହାଙ୍ଗ ଭୀମଭୋଇ ପୀଠର ରମେଶ ବାବା, ଅବସରପ୍ରାପ୍ତ ପ୍ରଶାସନିକ ଅଧିକାରୀ ପ୍ରେମାନିଧି ସେଠ, ଗଙ୍ଗାଧର ମେହେର ବିଶ୍ବବିଦ୍ୟାଳୟ ର ଭୀମଭୋଇ ଚେୟାର ର ପ୍ରଦୀପ କୁମାର ପଣ୍ଡା ସୁବର୍ଣ୍ଣପୁର ବି ଡି ଓ ସୋମ୍ଯ ରଞ୍ଜନ ସ୍ବାଇଁ ଯୋଗଦାନ କରିଥିଲେ। ପ୍ରଥମେ ଛତ୍ରଧାରୀ ଅଗ୍ରୱାଲ ଙ୍କ ଦ୍ଵାରା ସ୍ବାଗତ ଭାଷଣ ଓ ପରେ ସମ୍ମାନିତ ଅତିଥି ଓ ମୁଖ୍ଯ ଅତିଥି ନିରଞ୍ଜନ ପୂଜାରୀ ଅଭିଭାଷଣ ପ୍ରଦାନ କରିଥିଲେ।

ଏହି ଅବସରରେ ଭୀମଭୋଇ ସ୍ମୃତି ସମ୍ମାନ ରେ ପ୍ରେମାନିଧି ସେଠ, ଭୀମଭୋଇ ମହିମା ସମ୍ମାନରେ ବାବା ରମେଶ ଦାସ, ଭୀମଭୋଇ ସାହିତ୍ୟ ସମ୍ମାନ ରେ ପ୍ରଦୀପ କୁମାର ପଣ୍ଡା, ଭୀମଭୋଇ କଳା ସମ୍ମାନ ରେ ଚନ୍ଦ୍ରାବତୀ ପଣ୍ଡା, ଭୀମ ଭୋଇ ଯୁବ ପ୍ରତିଭା ସମ୍ମାନ ପଞ୍ଚାନନ ଜଗଦଲା , ଭୀମଭୋଇ କ୍ରିଡା ସମ୍ମାନ ରେ  ଜିତା ପାତ୍ର ଙ୍କୁ ସମ୍ବର୍ଦ୍ଧିତ କରାଯାଇଥିଲା। ସଭା କାର୍ଯ୍ୟ କୁ ସାମ୍ବାଦିକ ପୁର୍ଣ୍ଣଚନ୍ଦ୍ର ପଣ୍ଡା ଓ କାର୍ଯ୍ଯାଳୟ ସଂପାଦକ ଜନ୍ମଜୟ ସ୍ବାଇଁ ସଂଯୋଜନା କରିଥିବା ବେଳେ ବିଡ଼ିଓ ସୋମ୍ଯ ରଂଜନ ସ୍ବାଇଁ ଧନ୍ୟବାଦ ଅର୍ପଣ କରିଥିଲେ। ଏହି ଅବସରରେ ଟ୍ରଷ୍ଟ ର ମୁଖପତ୍ର ମହିମା ଅତିଥି ମାନଙ୍କ ଦ୍ବାରା ଉନ୍ମୋଚିତ ହୋଇଥିଲା। ଓ ସଂଧ୍ୟାରେ ମହିମା ସାଧୁ ମାନଙ୍କ ଦ୍ଵାରା ଜଗତ କଲ୍ୟାଣ ପାଇଁ ୧୦୮ ଝାଡ ବତୀ ପ୍ରଜ୍ବଜନ କରାଯାଇଥିଲା।ପରେ ମନ୍ଦିର ପରିସର ମହିମା  ସାଧୁ ଓ ଭକ୍ତ ମାନଙ୍କ ଦ୍ବାରା ମହିମା ଭଜନ ଓ ଜଗତ ଉଦ୍ଧାର ଡାକରେ ମନ୍ଦିର ପରିସର ପ୍ରକମ୍ପିତ ହୋଇ ଉଠିଥିଲା।