04-Feb-2023

ଲୋଇସିଂହା, (ବିନୋଦ କୁମାର ଦୀପ) ପ୍ରଧାନମନ୍ତ୍ରୀ ଆବାସ ଯୋଜନା ତାଲିକାରେ ବ୍ୟାପକ ଅନିୟମିତତା ପ୍ରତିବାଦରେ ଲୋଇସିଂହା ନିର୍ବାଚନ ମଣ୍ଡଳୀ ର ଲୋଇସିଂହା ବ୍ଲକରେ ଭାରତୀୟ ଜନତା ପାର୍ଟି ପକ୍ଷରୁ ବ୍ଲକ୍ କାର୍ଯ୍ୟାଳୟ ଘେରାଓ କରା ଯାଇଥିଲା l ପରେ ପରେ ମହାମହିମ ରାଜ୍ୟପାଳଙ୍କ ଉଦ୍ଦେଶ୍ୟରେ ଗୋଷ୍ଠି ଉନ୍ନୟନ ଅଧିକାରୀଙ୍କୁ ଦାବୀପତ୍ର ପ୍ରଦାନ କରାଯାଇଥିଲା l ପ୍ରକୃତ ହିତାଧିକାରୀ ଆବାସ ଯୋଜନାରେ ବାଦ୍ ପଡିବା ନେଇ ସରକାରଙ୍କୁ ସୂଚାଇ ଦିଆଗଲା, ଆଗାମୀ ଦିନରେ ଆବାସ ଯୋଜନାରେ ହୋଇଥିବା ହିତାଧିକାରୀ ଚିହ୍ନଟ ପ୍ରକ୍ରିୟାକୁ ଠିକ୍ ଭାବରେ କାର୍ଯକାରୀ କରା ନଗଲେ ଆନ୍ଦୋଳନ ଆହୁରି ତୀବ୍ରତର କରାଯିବ ବୋଲି ଚେତାବନୀ ଦେଇଛନ୍ତି l

ବ୍ଲକ୍ ପ୍ରଶାସନ ସରପଞ୍ଚ ମାନଙ୍କୁ ସହଯୋଗ କରିବା ତ ଦୂରର କଥା ତାଙ୍କ କଥାକୁ କର୍ଣ୍ଣପାତ କରୁନଥିବା ଅଭିଯୋଗ ମଧ୍ୟ ହୋଇଛି l ଏହି ବ୍ଲକ୍ ଅଫିସ୍ ଘେରାଓ କାର୍ଯକ୍ରମଟି ଲୋଇସିଂହା ବିଧାୟକ ଡ. ମୁକେଶ ମହାଲିଙ୍ଗଙ୍କ ନେତୃତ୍ୱରେ ଅନୁଷ୍ଠିତ ହୋଇଥିଲା l ଏହି କାର୍ଯ୍ୟକ୍ରମରେ ଲୋଇସିଂହା  ବ୍ଲକର ଅନେକ ମହିଳା ଓ ପୁରୁଷ ଯୋଗ ଦେଇଥିଲେ l ଏହାସହ ଏମ. ପି. ନୋମିନି ବାଳକୃଷ୍ଣ ଧରୁଆ, ଲୋଇସିଂହା ବ୍ଲକ ଦୁଇ ବିଜେପି ମଣ୍ଡଳ ସଭାପତି ସରୋଜ ସାହୁ ଓ କିଶୋର ପଟେଲ, ବୁର୍ଡl ସରପଞ୍ଚ ସୁଦିପ ସା, ଗୌରାଙ୍ଗ ନାଏକ, ରାଜୁ ସାହୁ, ବାଦିବାହାଲ ସରପଞ୍ଚ ପ୍ରଶାନ୍ତ ତ୍ରିପାଠୀ, ଭୂତନାଥ ନାଏକ, ବାହାଦୁର ନନ୍ଦ, ସୁନିଲ ଦାସ, ଲଳିତ ପଧାନ, ସୋମନାଥ ପଧାନ, ଅନ୍ତର୍ଯ୍ୟାମୀ ବିଶ୍ୱାଳ, ପ୍ରଦୀପ ଦୀପ ପ୍ରମୁଖ ଉପସ୍ଥିତ ଥିଲେ l