04-Feb-2023

କର୍ଲାମୁଣ୍ଡା (ପ୍ରଦିପ କୁମାର ସାହୁ)
କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକର ରିଷିଡା ସ୍ଥିତ ଜଗନ୍ନାଥ କୌଶଲ୍ୟା ଉଚ୍ଚ ମାଧ୍ୟମିକ ବିଦ୍ୟାଳୟ ଠାରେ ଚାଲୁଥିବା ତିନି ଦିନିଆ  ଜିଲ୍ଲାସ୍ତରୀୟ ଯୁବ ରେଡକ୍ରସ ଶିବିର ଶନିବାର ଉଦଯାପିତ ହୋଇଯାଇଛି l ଆଜି ସନ୍ଧ୍ୟା ରେ ଆୟୋଜିତ ଉଦଯାପନୀ ଉତ୍ସବରେ ବିଦ୍ୟାଳୟର ପ୍ରାକ୍ତନ ଅଧ୍ୟକ୍ଷ ପ୍ରଫେସର ପ୍ରଣୟ ଆନନ୍ଦ କୁମାର ତ୍ରିପାଠୀ ସଭାପତିତ୍ୱ କରିଥିବା ବେଳେ  ମୁଖ୍ୟଅତିଥି ଭାବେ କଳାହାଣ୍ଡି ବିଶ୍ୱବିଦ୍ୟାଳୟ ର କୁଳପତି ପ୍ରଫେସର ସଞ୍ଜୟ କୁମାର ବେହେରା, ମୁଖ୍ୟବକ୍ତା ଭାବେ ୟୁଥ ରେଡ଼କ୍ରସ ଓଡିଶାର ରାଜ୍ୟ ସଂଯୋଜକ ଡ଼ ରମେଶ ଚନ୍ଦ୍ର ବେହେରା, ସମ୍ମାନିତ ଅତିଥି ଭାବେ ରିଷିଡା ଜେ କେ କଲେଜ ଅଧ୍ୟକ୍ଷ ପ୍ରଫେସର ଦିଲୀପ କୁମାର ଦାସ, ୟୁଥ ରେଡ଼କ୍ରସ ର କଳାହାଣ୍ଡି ଜିଲ୍ଲା ସଂଯୋଜକ ଶାନ୍ତନୁ କୁମାର ପରିଡା, ଜିଲ୍ଲା କନଭେନର ସମ୍ପାଦକ ସଂଜୀବ କୁମାର ସାହୁ ଯୋଗଦେଇ ସେବା, ସହଯୋଗ ଓ. ମାନବିକତା ବିନା ସୁସ୍ଥ ସମାଜ ଗଢି ହେବନାହିଁ ବୋଲି ମତପ୍ରକାଶ କରିଥିଲେ l କ୍ୟାମ୍ପ ନିଁର୍ଧେଶକ ଅଧ୍ୟାପକ ଗିରିରାଜ ଗହୀର ସ୍ୱାଗତ ଓ ବିବରଣୀ ଉପସ୍ଥାପନ କରିଥିଲେ l ବରିଷ୍ଠ ଅଧ୍ୟାପକ ହେମନ୍ତ ଚୌଧୁରୀ ସଭା ସଂଯୋଜନା କରିଥିଲେ l ତେବେ ଦ୍ୱିତୀୟ ଦିବସ ସନ୍ଧ୍ୟା ଅଧିବେଶନ ରେ ମୁଖ୍ୟଅତିଥି ଭାବେ ଜିଲ୍ଲାପରିଷଦ ସଭ୍ୟ ମହେନ୍ଦ୍ର ରଣା, ମୁଖ୍ୟବକ୍ତା ଭାବେ ବଲାଙ୍ଗୀର ଜିଲ୍ଲା ଅତିରିକ୍ତ ପ୍ରକଳ୍ପ ପ୍ରଶାସକ ଡ଼ ଗୁଣନିଧି ନାଏକ, ସମ୍ମାନିତ ଅତିଥି ଭାବେ ବରିଷ୍ଠ ସାହିତ୍ୟିକ ଓ ସାମ୍ବାଦିକ ନରୋତ୍ତମ ସେଲମା, ରିଷିଡା ସରପଞ୍ଚ ସେବତୀ ରଣା ଯୋଗଦେଇଥିବା ବେଳେ ସଂଜୀବ ସାହୁ ସଭାପତିତ୍ୱ କରିଥିଲେ l

ଅଧ୍ୟାପକ ମୋହନ ଚରଣ ବିଶି ସଭା ସଂଯୋଜନା କରିଥିଲେ l ଏହି ଅବସରରେ ରକ୍ତଦାନ ଶିବିର ଓ ସ୍ୱଚ୍ଛ ପରିବେଶ ସଚେତନତା ରାଲି  ଅନୁଷ୍ଠିତ ହୋଇଥିଲା l ତିନିଦିନ ଧରି ସଫଳତା ର ସହ ଆୟୋଜିତ ଏହି ଶିବିରରେ ଜିଲ୍ଲାର ୩୫ ଟି କଲେଜ ର ସ୍ବେଛାସେବୀ ଓ ଶିକ୍ଷକ ଯୋଗଦେଇଥିଲେ l ଏଥିରେ ଆୟୋଜକ ରିଷିଡା କଲେଜ ର ଅଧ୍ୟାପକ ନୀଳାମ୍ବର ପାତ୍ର, ଚନ୍ଦନ ରଣା, ଚିନ୍ମୟ ରଣା, ସୌମ୍ୟରଞ୍ଜନ ତ୍ରିପାଠୀ, ଲଳିତ ଦାସ, ଜଗଦୀଶ ଭୋଇ, ଯୋଗେନ୍ଦ୍ର ବେହେରା, ନାରାୟଣ ଗହୀର, ପାଣ୍ଡଵ ହରିଜନ ସହଯୋଗ କରିଥିଲେ l ଶିବିରାର୍ଥି ମାନଙ୍କ ମଧ୍ୟରେ ବିଭିନ୍ନ ସାଂସ୍କୃତିକ ପ୍ରତିଯୋଗିତା ମାନ ହେବା ସହ ପ୍ରତେହ ସନ୍ଧ୍ୟାରେ ଶିବିରାର୍ଥି ମାନେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ ।