30-Jan-2023

ଇଲାଙ୍ଗୀର- ଏକ ଯୁଦ୍ଧ ମୁକ୍ତ ପୃଥିବୀ ଏବଂ ଏକ ଶାନ୍ତ ଓ ସ୍ୱଚ୍ଛ ପୃଥିବୀ ପାଇଁ ଗାନ୍ଧୀଙ୍କ ଦର୍ଶନ ହିଁ ଏକମାତ୍ର ପଥ ବୋଲି ଗାନ୍ଧୀଙ୍କ ତିରୋଧାନ ଦିବସରେ ସ୍ଥାନୀୟ ଗାନ୍ଧୀ ଭବନ ସ୍ଥିତ ଗାନ୍ଧୀ ପ୍ରତିମୂର୍ତ୍ତି ଠାରେ ଗାନ୍ଧୀ ସ୍ମୃତି କମିଟୀ ପକ୍ଷରୁ ଅନୁଷ୍ଠିତ ଶ୍ରଦ୍ଧାଞଳୀ ସଭାରେ  ଗାନ୍ଧୀଜୀଙ୍କୁ ଗଭୀର ଶ୍ରଦ୍ଧାଞଳୀ ଅର୍ପଣ କରି ବକ୍ତାମାନେ ମତପ୍ରକାଶ କରିଥିଲେ । ଏହି ଅବସରରେ ସାମ୍ବାଦିକ ଯୁଧିଷ୍ଠିର ମେହେରଙ୍କ ସଂଯୋଜନାରେ ଅନୁଷ୍ଠିତ ଶ୍ରଦ୍ଧାଞଳି ସଭାରେ ଗାନ୍ଧୀଙ୍କ ପ୍ରତିମୂର୍ତ୍ତି ଠାରେ ପ୍ରଦୀପ ପ୍ରଜ୍ଜ୍ୱଳନ କରାଯାଇ ସାମୂହିକ ରାମଧୂନ ଗାନ କରାଯାଇଥିଲା । ଏକ ଅଶାନ୍ତ ପୃଥିବୀରେ ଶାନ୍ତିର ବାର୍ତ୍ତାବହ ଥିଲେ ଗାନ୍ଧୀଜୀ ଏବଂ ଅହିଂସାତ୍ମକ ଆନ୍ଦୋଳନର ଉଦ୍ଭାବକ ଥିଲେ । ସମଗ୍ର ପୃଥିବୀରେ ପୂଜା ପାଉଥିବା ଅନେକ ମହାମନିଷୀ ଗାନ୍ଧୀଙ୍କ ଆଦର୍ଶରେ ଅନୁପ୍ରାଣିତ ଥିଲେ ବୋଲି ବରିଷ୍ଠ ସୂଚନା ଅଧିକାର କର୍ମି ହେମନ୍ତ ପଣ୍ଡା କହିଥିଲେ । ଡିଜିଟାଲ ଯୁଗରେ ଯୁବ ସମାଜ  ଅନାବଶ୍ୟକ ଭାବେ ଦୀର୍ଘ ସମୟ ଧରି ବ୍ୟବହାର କରୁଥିବା ଇଣ୍ଟରନେଟରୁ ଦୂରେଇ ରହି କିଛି ସମୟ ପାଇଁ ଇଣ୍ଟରନେଟ ଉପବାସ କରିବା ସାମ୍ପ୍ରତିକ ସମାଜରେ ଗାନ୍ଧୀଙ୍କ ପ୍ରତି ଶ୍ରେଷ୍ଠ ସମ୍ମାନ ହେବ ବୋଲି ବରିଷ୍ଠ ସମ୍ବାଦିକ ବୀରେନ୍ଦ୍ର ଝାଙ୍କର ପ୍ରକାଶ କରିଥିଲେ । ଗାନ୍ଧୀଙ୍କ ଜୀବନାଦର୍ଶ ସାମାଜିକ ସହାବସ୍ଥାନ ସହ ବିଶ୍ୱ ଭାତୃତ୍ୱଭାବ ବାର୍ତ୍ତା ବହନ କରେ ବୋଲି ଅନ୍ୟତମ ବରିଷ୍ଠ ସାମ୍ବାଦିକ ପୂର୍ଣ ଚନ୍ଦ୍ର ପଣ୍ଡା ପ୍ରକାଶ କରିଥିଲେ । ଶ୍ରଦ୍ଧାଞଳୀ ସଭା ପ୍ରାରମ୍ଭରେ ସ୍ମୃତି କମିଟୀର ବରିଷ୍ଠ ସଭ୍ୟ ମନୋରଞନ ପୁରୋହିତ ଗାନ୍ଧୀ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିଥିଲେ । କବି ଅର୍ଜ୍ଜୁନ ସାହୁ ଗାନ୍ଧୀଙ୍କ ପ୍ରିୟ ଭଜନ ଓ କବିତା ଗାନ କରିଥିଲେ । ପ୍ରାଶାନ୍ତ ମହାକୁର କାର୍ଯ୍ୟକ୍ରକୁ ପରିଚାଳନା କରିଥିଲେ । ରିଡର୍ସ େ‘ାରମର ଅନେକ ଛାତ୍ରଛାତ୍ରୀ ଏହି କାର୍ଯ୍ୟକ୍ରମରେ ଯୋଗଦାନ କରି ବକ୍ତବ୍ୟ ପ୍ରଦାନ କରିଥିଲେ । ଶେଷରେ ପ୍ରେସକ୍ଲବ ସଭାପତି ଅରୁଣ ମିଶ୍ର ଧନ୍ୟବାଦ ଅର୍ପଣ କରିଥିଲେ ।