30-Jan-2023

କର୍ଲାମୁଣ୍ଡା:(ପ୍ରଦିପ କୁମାର ସାହୁ)କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକ ରେଗଡା ପଞ୍ଚାୟତ ଠାରେ ପ୍ରଧାନମନ୍ତ୍ରୀ ଆବାସ ଯୋଜନା ରେ ଯୋଗ୍ୟ ହିତାଧିକାରୀ ତାଲିକା ଅନୁମୋଦନ ସମ୍ପର୍କିତ ସ୍ୱତନ୍ତ୍ର ଗ୍ରାମ ସଭା ସୋମବାର ଅନୁଷ୍ଠିତ ହୋଇଥିଲା।ଏଥିରେ ସ୍ଥାନୀୟ ସରପଞ୍ଚ ଦୀପ୍ତି ରାଣୀ ସାହୁ ଙ୍କ ସଭାପତି ତ୍ୱ ରେ କର୍ଲାମୁଣ୍ଡା ବିଡିଓ ସୂଚରିତା ମୁଗ୍ରୀ,ସମିତି ସଭ୍ୟା ଗେଲ କମ୍ପ, ପଞ୍ଚାୟତ କାର୍ଯ୍ୟ ନିର୍ବାହୀ ଅଧିକାରୀ ବସନ୍ତ କୁମାର ମିଶ୍ର ପ୍ରମୁଖ ଯୋଗ ଦେଇଥିଲେ।ସଭା ଆରମ୍ଭ ରେ ସ୍ବର୍ଗତ ସ୍ୱାସ୍ଥ୍ୟ ମନ୍ତ୍ରୀ ନବ ଦାଶ୍ ଙ୍କ ଉଦ୍ଧେଶ୍ୟରେ ଏକ ମିନିଟ ନୀରବ ପ୍ରାଥନା କରାଯାଇଥିଲା।ଏହି ଗ୍ରାମ ସଭାରେ ରେଗଡା ପଞ୍ଚାୟତ ରେ ପୂର୍ବ ତାଲିକା ଅନୁସାରେ ୧୬୧ ଜଣ ହିତାଧିକାରୀଙ୍କ ଠାରୁ ୧୦୪ ଜଣ ଘର ପାଇବାକୁ ବ୍ଲକ ପ୍ରଶାସନ ତରଫରୁ ତାଲିକା ପ୍ରସ୍ତୁତ ହୋଇଥିଲା।ଏଣୁ ଗ୍ରାମ ସଭାରେ ୧୦୪ ଜଣ ଙ୍କୁ ଘର ଯୋଗେଇଦେବାକୁ ପ୍ରସ୍ତାବ ଗୃହୀତ ହେବା ସହ ବାଦ ପଡିଥିବା ୫୭ ଜଣ ହିତାଧିକାରୀ ଙ୍କୁ ପରବର୍ତ୍ତୀ ସମୟରେ ଘର ଯୋଗେଇଦେବାକୁ ଉପସ୍ଥିତ ଗ୍ରାମ ବାସୀ ମାନେ ବିଡିଓ ଙ୍କ ଦୃଷ୍ଟି ଆକର୍ଷଣ କରିଥିଲେ।ଅନ୍ୟ ମାନଙ୍କ ମଧ୍ୟରେ ଗ୍ରାମ ରୋଜଗାର ସେବକ ଛାୟା କାନ୍ତ ସାହୁ ଙ୍କ ସମେତ ସମସ୍ତ ୱାର୍ଡ ସଭ୍ୟା ସଭ୍ୟ ଗ୍ରାମବାସୀ ମାନେ ସହଯୋଗ କରିଥିଲେ