22-Jan-2023

ବରଗଡ଼(ନିରଞ୍ଜନ ତ୍ରିପାଠୀ) : ହକି ବିଶ୍ୱକପ ପାଇଁ ଓଡିଶା ଆସିଥିବା ହକି କିମ୍ବଦନ୍ତି ଧ୍ୟାନଚାନ୍ଦଙ୍କ ପୁତ୍ର ଅଶୋକ କୁମାର ଆସନ୍ତା ୨୫ ତାରିଖ ଦିନ ବରଗଡ଼ ଆସିବେ ବୋଲି ଇମ୍ପରିୟଲ କଲେଜର ଚେୟାରମେନ ଦିପକ ଗୋୟଲ ସୂଚନା ଦେଇଛନ୍ତି । ୨୫ ତାରିଖ ଦିନ ସଂଧ୍ୟାରେ ଇମ୍ପରିୟଲ କଲେଜ ପରିସରରେ ତାଙ୍କୁ ଏକ ସମ୍ବର୍ଦ୍ଧନା ଦେବାର କାର୍ଯ୍ୟକ୍ରମ ରହିଛି । ଏହାଛଡା ୨୬ ତାରିଖରେ ଗଣତନ୍ତ୍ର ଦିବସରେ ସେ କଲେଜରେ ପତାକା ଉତ୍ତୋଳନ କରିବେ । ଏଠାରେ ଉଲ୍ଳେଖଯୋଗ୍ୟ ଯେ ୧୯୭୦ ରୁ ଭାରତ ପକ୍ଷରୁ ଖେଳି ଦଳର ଅଧିନାୟକ ଦାୟିତ୍ୱ ତୁଲାଇଥିବା ସହ ସେ ତିନୋଟି ବିଶ୍ୱକପରେ ଭାରତର ପ୍ରତିନିଧିତ୍ୱ କରିଥିଲେ । ୧୯୭୫ ରେ କ୍ୱାଲାଲାମ୍ପୁର ଠାରେ ବିଶ୍ୱକପ ହକିରେ ସେ ପାକିସ୍ଥାନ ବିପକ୍ଷରେ ଗୋଲ ସ୍କୋର କରି ଦଳକୁ ଚାମ୍ପିୟନ କରାଇବାରେ ପ୍ରମୁଖ ଭୂମିକା ଗ୍ରହଣ କରିଥିଲେ । ତାଙ୍କର ଦୁଇ ଦିନର ରହଣୀ ଭିତରେ ସେ କଲେଜର ଛାତ୍ରଛାତ୍ରୀମାନଙ୍କ ସହ ହକି ଖେଳ ବିଷୟରେ ମତ ବିନିମୟ କରିବାର କାର୍ଯ୍ୟକ୍ରମ ରହିଛି ।