14-Jan-2023

ଲୋଇସିଂହା (ବିନୋଦ କୁମାର ଦୀପ) ଲୋଇସିଂହା ବ୍ଲକ ଅଧିନସ୍ଥ ବୁଢ଼ୀପଦର ସରକାରୀ ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ଆମ୍ବୁଜ କୁମାର ହୋତାଙ୍କ ଆୟୋଜନରେ ଗତ ଶୁକ୍ରବାର ଦିନ ବିଦ୍ୟାଳୟର ବାର୍ଷିକୋତ୍ସବ ମହା ସମାରୋହରେ ପାଳନ ହୋଇଯାଇଛି l ଉଦ୍ଘାଟନୀ ଉତ୍ସବରେ ମୁଖ୍ୟ ଅତିଥିଭାବେ ବୁଢ଼ୀପଦର ସରପଞ୍ଚ ଶ୍ରୀମତୀ ଲକ୍ଷ୍ମୀ ପଧାନ ଏବଂ ଉଦ୍ଜାପାନୀ  ଉତ୍ସବରେ ମୁଖ୍ୟଅତିଥି ଭାବେ ଲୋଇସିଂହା ବିଧାୟକ ଡ଼ ମୁକେଶ ମହାଲିଙ୍ଗ ଯୋଗଦେଇ ଛାତ୍ରଛାତ୍ରୀଙ୍କୁ ଉତ୍ସାହିତ କରିଥିଲେ l ସମ୍ମାନିତ ଅତିଥି ଭାବେ ଏ ଅଂଚଳର ସମାଜସେବୀ ତଥା ପୂର୍ବତନ ଜିଲ୍ଲାପରିଷଦ ସଦସ୍ୟ ସାଇଶଙ୍କର ସାହୁ, ଆଞ୍ଚଳିକ ମହାବିଦ୍ୟାଳୟ କୁସଙ୍ଗର ଅଧ୍ୟକ୍ଷ ପରମ ସିଂ, ବୁର୍ଡl ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ଜୋତିରଞ୍ଜନ ସା, ନେଗୀପାଲି ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ବ୍ରଜକିଶୋର ନାଗ, ସିଆରସିସି ହେମନ୍ତ ନାଗ ଉପସ୍ଥିତ ରହି ଛାତ୍ରଛାତ୍ରୀଙ୍କୁ ଉତ୍ସାହିତ କରିଥିଲେ l ବିଭିନ୍ନ ପ୍ରତିଯୋଗିତା ମାନଙ୍କରେ କୃତିତ୍ୱ ଅର୍ଜନ କରିଥିବା କୃତୀ ଛାତ୍ରଛାତ୍ରୀଙ୍କୁ ଅତିଥିଗଣ ପୁରସ୍କୃତ ପ୍ରଦାନ କଲେ l

ଏ ବର୍ଷର ଶ୍ରେଷ୍ଠ ଛାତ୍ରଛାତ୍ରୀ ଭାବେ କୁମାରୀ ମଞ୍ଜୁଳିକା ପଧାନ, କୁମାରୀ ବେଦମତୀ ଘିବେଲା, ଶ୍ରୀ ସଚିନ ଭାଟିଙ୍କୁ ବିଧାୟକ ମହୋଦୟ ସମ୍ବର୍ଦ୍ଧିତ କରିଥିଲେ l ନେଗୀପାଲି ସରକାରୀ ବିଦ୍ୟାଳୟର ଶିକ୍ଷକ କରୁଣାକର ବିଶ୍ୱାଳ, ଶିକ୍ଷୟିତ୍ରୀ ତଥା ମଞ୍ଚ କଳାକାର ଶ୍ରୀମତୀ ଅନୁପ୍ରିୟା ମିଶ୍ର ଏବଂ କୁସଙ୍ଗ ଉଚ୍ଚ ବିଦ୍ୟାଳୟର ଶିକ୍ଷକ ତଥା ଲୋଇସିଂହା ପ୍ରାଥମିକ ସଂଘର ସଭାପତି  କରୁଣାକର ପଟେଲ ମଞ୍ଚ ପରିଚାଳନା କରିଥିଲେ l ଏହାସହ ଅନ୍ୟାନ୍ୟ ଶିକ୍ଷକ ଶିକ୍ଷୟିତ୍ରୀ ଯଥା ଶ୍ରୀମତୀ ପଦ୍ମାଳୟା ମିଶ୍ର, ରଶ୍ମିତା ବାବୁ, ସଞ୍ଜୁଲତା ମଲ୍ଲିକ, ଚନ୍ଦ୍ରିକା ସାହୁ, ଅରୁନ୍ଧତୀ ରଣା, ସ୍ମିତା ମିଶ୍ର, ମଞ୍ଜୁଳା ଗୁରୁ, ଅହଲ୍ୟା ମଲ୍ଲିକ, ସୁନିତା ପଧାନ, ଶିକ୍ଷକ ଶ୍ରୀ ଦେବାନନ୍ଦ ବାଗ, ଶ୍ରୀମନ୍ତ ପଧାନ ସହ ବିଦ୍ୟାଳୟ କମିଟିର ସଭ୍ୟ ଓ ସଭ୍ୟାଙ୍କ ସହଯୋଗରେ ଉକ୍ତ କାର୍ଯ୍ୟକ୍ରମ ସଫଳ ହୋଇଥିଲା l