09-Jan-2023

 ବଲାଙ୍ଗିର(ପ୍ରେରଣା ଖବର) , ଗୁଡ଼ଭେଲା ବ୍ଳକର ସମସ୍ତ  ଅଙ୍ଗନବାଡି କର୍ମୀମାନେ ନିଜ ହକ ଦାବୀରେ କାର୍ଯ୍ଯ ବନ୍ଦ କରିଥିଲେ। ଏହି ସମୟରେ କିଛି ସଂସ୍ଥାକୁ ଛତୁଆ ଓ ଅଣ୍ଡା ବଣ୍ଟନ ଦାୟିତ୍ବ ଦିଆଯାଇଥିବା ବେଳେ ବହୁ ହିତାଧିକାରୀ ମାଁ ମାନେ ଡିସେମ୍ବର ମାସର ଛତୁଆ ଓ ଅଣ୍ଡା ପାଇ ନଥିବା ଗଣମାଧ୍ୟମ ଆଗରେ ଅଭିଯୋଗ କରନ୍ତି। ଏନେଇ ଗୁଡ଼ଭେଲାବ୍ଳକ ସିଡିପିଓ ପ୍ରତିମା ଚୌପଦାରଙ୍କ ମୋବାଇଲ ନମ୍ବର ୭୦୦୮୧୧୦୨୭୪ ଓ ୮୧୪୪୪୯୫୮୮୫ ରେ ଯୋଗାଯୋଗ କରିବାକୁ ଚେଷ୍ଟା କରାଯାଇଥିଲା ରିଙ୍ଗ ହେଉଥିଲେ ମଧ୍ଯ ଫୋନ ଉଠାଇ ନଥିବାରୁ ତାଙ୍କର ମତାମତ ନିଆଯାଇ ପାରି ନଥିଲା । ଜଣେ କର୍ମଚାରୀ ନିଜ ନାମ ଗୋପନ ରଖିବା ସର୍ତ୍ତରେ ପ୍ରକାଶ କରନ୍ତି ଯେ, ଡିସେମ୍ବର ମାସରେ ଅଣ୍ଡା ଦିଆଯାଇ ନଥିଲା କିନ୍ତୁ ଛତୁଆ କିଛି ସଂସ୍ଥାକୁ ବଣ୍ଟନ କରାଯାଇଥିବା ବେଳେ ବହୁ ହିତାଧିକାରୀଙ୍କୁ ମିଳିନଥିବା ଅଭିଯୋଗ ଗୁଡିକ ଅଫିସକୁ ଆସୁଥିବା କହନ୍ତି। ଏଥିପ୍ରତି ବିଭାଗୀୟ ଅଧିକାରୀ ଦୃଷ୍ଟି ଦେଇ ତୁରନ୍ତ ପଦକ୍ଷେପ ନେବାକୁ ସାଧାରଣରେ ଦାବୀ ହେଉଛି।