08-Jan-2023

ବଲାଙ୍ଗିର- ତହଁକ କୁଟୁମ୍‌ର ବଛର୍‌କିଆ ଉଛବ ଆର୍ ପୁଷ୍‌ପୁନି ଭେଟଘାଟ ସ୍ଥାନୀୟ ଯାଦବ ଭବନ ଠାରେ ଅନୁଷ୍ଠିତ ହୋଇଯାଇଛି । ପ୍ରଥମ ଅଧିବେଶନରେ ତହଁକ କୁଟୁମ୍‌ର ମୁଖ୍ୟ ସମ୍ପାଦକ ଅର୍ଜୁନ କୁମାର ସାହୁଙ୍କ ଆହ୍ୱାନ କ୍ରମେ ମୁଖ୍ୟ ଅତିଥି ଭାବେ ନିରଞ୍ଜନ ପଣ୍ଡା, ମୁଖ୍ୟବକ୍ତା ଭାବେ ଅନିରୁଦ୍ଧ କୁରୁକୁରିଆ, ସମ୍ମାନିତ ଅତିଥି ଭାବେ ଆନନ୍ଦ ଚନ୍ଦ୍ର ସାହୁ, ରାମଦତ୍ତ ଭୋଇ ଓ ସନ୍ଦୀପ କୁମାର କୁଅଁର ଯୋଗ ଦେଇଥିଲେ । ସଭା ପ୍ରାରମ୍ଭରେ ସରୋଜ କୁମାର ଭୋଇ ଭଜନ ପରିବେଷଣ କରିଥିବା ବେଳେ ପ୍ରାରମ୍ଭିକ ସଂଗୀତ ପରିବେଷଣ କରିଥିଲେ ଶୋଭାଙ୍ଗୀ ସୁକନ୍ୟା ତ୍ରିପାଠୀ । ତହଁକ କୁଟୁମ୍ ର ସମ୍ପାଦକ ରାଜେଶ ଦଣ୍ଡସେନା ମଧ୍ୟ ମଞ୍ଚାସିନ ଥିବା ବେଳେ ଅଧ୍ୟକ୍ଷତା କରିଥିଲେ ଗୋପୀନାଥ ଦଣ୍ଡସେନା । କୋଶଲୀ ଭାଷା ସାହିତ୍ୟର ସମୃଦ୍ଧି ପାଇଁ ଅଣ୍ଟା ଭିଡିଥିବା ତହଁକ୍ କୁଟୁମ୍ କୋଶଲୀ ଭାଷା, ସାହିତ୍ୟ, ସଂସ୍କୃତି, ଐତିହ୍ୟ ଓ ପରମ୍ପରା ର ସାଧକମାନଙ୍କୁ ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ

ସମ୍ବର୍ଦ୍ଧିତ କରିଛି । ଏହି କ୍ରମରେ କୋଶଲୀ ସଂସ୍କୃତି ଗବେଷକ ତଥା ସଂଗ୍ରାହକ ନିମାଇଁ ଚରଣ ପାଣିଗ୍ରାହୀଙ୍କ ସହ ଚିତ୍ରକର ଅର୍ଣ୍ଣବ ସାହୁ, ୟୁଟ୍ୟୁବ୍‌ର ସୁଷମା ବେହେରା, କୋଶଲୀ ସଂଗଠକ ସୁର୍‌ଜିତ ସିଂ ମହାରଥା, ଦଣ୍ଡ ନାୟକା ରିଙ୍କି ବାଗ, ସାହିତ୍ୟ ସାଧକ ଅଖୋଜ କୁମାର ଷାଣ୍ଢ ଓ ସଙ୍ଗୀତଜ୍ଞ ଅଜୟ ଅମର ସିଂହଦେଙ୍କୁ ସମ୍ବର୍ଦ୍ଧିତ କରାଯାଇଥିଲା । ଅତିଥିମାନଙ୍କ ଦ୍ୱାରା ନୁଆଁ ସକାଳ ଓ ବିଜୟା କୋଶଲୀ ପତ୍ରିକା ଉନ୍ମୋଚିତ ହୋଇଥିଲା । ପ୍ରଥମ ଅଧିବେଶନରେ ଧନ୍ୟବାଦ ଅର୍ପଣ କରିଥିଲେ କବି ରମେଶ ବିଶ୍ୱାଳ । ବନ୍ଧୁମିଳନ ତଥା ମଧ୍ୟାହ୍ନ ଭୋଜନ ପରେ ଦ୍ୱିତୀୟ ଅଧିବେଶନରେ ଆରମ୍ଭ ହୋଇଥିଲା କବିତା ପାଠୋତ୍ସବ ମଂଚାସିନ ଥିଲେ କପିଳେଶ୍ୱର ଖମାରୀ, ଅଶୋକ ସାହୁ ଏବଂ ବଂଶୀଧର ନାଏକ । ସଂଯୋଜନା କରିଥିଲେ କବିତା ମିଶ୍ର, ସୁଜାତା ନାଏକ, ସପ୍ନେଶ୍ୱର ମିଶ୍ର ଓ ରୀନା ସାହୁ । ଶତାଧିକ କବି ଏଠାରେ ସ୍ୱରଚିତ କବିତା ପାଠ କରିଥିଲେ । ଏହି ଉତ୍ସ ଆୟୋଜନରେ ଶ୍ରୀୟାକାନ୍ତ ଦାସ, ଦୀଲ୍ଲୀପ ମିଶ୍ର, ତପସ୍ୱିନୀ ପଶାୟତ, ଅକୃର ବାଗ, ଦୁର୍ବାଦଳ କ୍ଷେତୀ, ସୌକିଲାଲ ସାହୁ, ଆହ୍ଲାଦିନୀ ପାଣିଗ୍ରାହୀ ଦାସ, ରାଜୀବ ପ୍ରସାଦ ଭୋଇ, ଶତୃଘ୍ନ ସେଲମା, ରକ୍ମଣ ବିଶ୍ୱାଳ, ଆଶୁତୋଷ ଠାକୁର, ପ୍ରଭାସିନୀ ଭୋଇ, ସଂକର୍ଷଣ ସାହୁ, ବିବୋନନ୍ଦ ଧରୁଆ, ଦୁଃଖୀଶ୍ୟାମ ଦିକ୍ଷିତ ପ୍ରମୁଖ ସହଯୋଗ କରିଥିଲେ ।