08-Jan-2023

ଲୋଇସିଂହା, (ବିନୋଦ କୁମାର ଦୀପ) ଲୋଇସିଂହା ବ୍ଲକ ଅଧିନସ୍ଥ ହରେକୃଷ୍ଣ ମହତାବ ଉଚ୍ଚ ବିଦ୍ୟାଳୟର ୧୯୭୪ ବେଚ ର ପୁରାତନ ଛାତ୍ରଛାତ୍ରୀଙ୍କୁ ନେଇ ଲୋଇସିଂହା ଆଦିବାସୀ ଭବନ ଠାରେ ଏକ ବନ୍ଧୁମିଳନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ଏ ବେଚ ରେ ସେ ସମୟରେ ୭୦ ଜଣ ଛାତ୍ରଛାତ୍ରୀ ଥିଲେ ସେ ମଧ୍ୟରୁ ୧୫ ଜଣ ଛାତ୍ର ଓ ୪ ଜଣ ଶିକ୍ଷକ ଏ ଦୁନିଆଁ ଛାଡି ଚାଲି ଯାଇଛନ୍ତି l ପ୍ରଥମେ ସେମାନଙ୍କ ଆତ୍ମାର ଶାନ୍ତି ନିମନ୍ତେ ୨ ମିନିଟ ନିରବ ପ୍ରାର୍ଥନା କରାଯାଇଥିଲା l ଆଉ ଯେଉଁ ୭ ଜଣ ଶିକ୍ଷକ ଜୀବିତ ଅଛନ୍ତି, ସେମାନଙ୍କୁ ପୁଷ୍ପଗୁଛ ଓ ଅଙ୍ଗବସ୍ତ୍ର ଦେଇ ସମ୍ମାନିତ କରାଯାଇଥିଲା l ଏହାପରେ

ସମସ୍ତେ ନିଜ ନିଜର ପରିଚୟ ଦେଇଥିଲେ, ଧର୍ମାସିଙ୍ଗ ମିଶ୍ର, ବିରଞ୍ଚି ନାରାୟଣ ମନହୀରା, ଗୌର ସାହୁ, ବିଭୁତିଭୂଷଣ ସାହାଣୀ, ବ୍ରଜକିଶୋର ପାତ୍ର ଉପସ୍ଥିତ ଥିଲେ l ଶ୍ରୀ ଗୁରୁଚରଣ ଧୀର ସମସ୍ତଙ୍କ ପରିଚୟ ପ୍ରଦାନ କରିଥିଲେ l ଏହି ବନ୍ଧୁମିଳନ କାର୍ଯ୍ୟକ୍ରମରେ  ୪୫ ଜଣ ଉପସ୍ଥିତ ଥିଲେ l ଏହି ଅବସରରେ ଏକ ଭୋଜିର ଆୟୋଜନ କରାଯାଇଥିଲା l ଶ୍ରୀ ଗୌରୀଶଙ୍କର ଅଗ୍ରୱାଲ, ରାଧେଶ୍ୟାମ ପଧାନ, ଗୁଆଳୁ ବେହେରା, ମହାଦେବ ବାଗ, ଶିବପ୍ରସାଦ ସାହୁ ପ୍ରମୁଖ ସହଯୋଗ କରିଥିଲେ l ଶେଷରେ ଶ୍ରୀମତୀ ସୁରୂଵାଲା ରଥ ଧନ୍ୟବାଦ ଅର୍ପଣ କରିଥିଲେ l