08-Jan-2023

ତୁରେକେଲା (ପ୍ରେରଣା ଖବର ବ୍ୟୁରୋ) ବଲାଙ୍ଗିର ଜିଲ୍ଲା ଆଦିବାସୀ କଲ୍ୟାଣ ବିଭାଗର ତୁରେକେଲା ସେବାଶ୍ରମସ୍କୁଲ୍ ର ଅବସ୍ଥା ବିପର୍ଯ୍ୟସ୍ତ ହୋଇପଡିଥିବା ଅଭିଯୋଗର ଚର୍ଚ୍ଚା ହେଉଛି । ଏପରିକି ଏହି ସ୍କୁଲ୍ ପରିସରରେ ସେଠାରେ ପୂର୍ବରୁ ଦୀର୍ଘ ପ୍ରାୟ ୧୫ ବର୍ଷ ଧରି ଅବସ୍ଥାପିତା ପ୍ରଧାନସେବିକା ଅବସର ଗ୍ରହଣ ପରେମଧ୍ୟ ସପରିବାର ପୂର୍ବପରି ସ୍କୁଲ୍ ପରିସରରେ ରହୁଛନ୍ତି ଓ ଗ୍ରାମର ଜଣେ ଜଣାଶୁଣା ମଦ୍ୟପ କୁକୁଡାକାଟୁ କଂସେଇ କମିଟିର ସଭାପତି ଥିବାବେଳେ , ତା' ଦାୟିତ୍ୱରେ ରାତିରେ ହଷ୍ଟେଲର ବଢିଲାଛାତ୍ରୀମାନଙ୍କୁ ଛାଡି ଦୁଇମାସହେଲା ଆଖପାଖର ସ୍କୁଲ୍ ରେ ଥିବା ପ୍ରଧାନସେବକମାନେ ଆସିବାକୁ ଆଗ୍ରହୀ ଥିଲେ ହେଁ , ଜଣେ ପୂର୍ବରୁ ଠିକାନିଯୁକ୍ତିରୁ ନିୟମିତ ହୋଇଥିବା ସହକାରୀ ଶିକ୍ଷକ ଗୋପାଳ ଧରୁଆଙ୍କୁ ଭାରପ୍ରାପ୍ତ ପ୍ରଧାନସେବକ ଭାବେ ରଖାଯାଇଛି । ସେ ସ୍କୁଲ୍ ରେ ନରହି ସେଠାରୁ ପ୍ରାୟ ୨୦ କିମି ଦୂରସ୍ଥ ଅନ୍ୟବ୍ଲକର ତାଙ୍କ ଘର ସାହାଜପାଣିକୁ ପଳାଉଥିବାରୁ ସ୍ଥାନୀୟ ଲୋକେ ଅସନ୍ତୋଷ ପ୍ରକାଶ କରିଛନ୍ତି ।  ଏହି ସେବାଶ୍ରମସ୍କୁଲ୍ ରେ ଜଣେ ନିୟମିତ ପ୍ରଧାନସେବକ ନିଯୁକ୍ତି କେବେ ହେବ ବୋଲି ସ୍ଥାନୀୟ ଶୋକେ ଜିଲ୍ଲା କଲ୍ୟାଣ ଅଧିକାରୀ  ଅଲେଖ ବିଶ୍ବାଳ, ଜିଲ୍ଲାପାଳ ଓ ବିଭାଗୀୟ ଉଚ୍ଚ କର୍ତ୍ତୃପକ୍ଷ ତଥା ସରକାରଙ୍କୁ ପଚାରିଛନ୍ତି ।