08-Jan-2023

ବିନିକା(ହିମାଂଶୁ ଶେଖର ପୁଟେଲ)ବିନିକା ବ୍ଳକ ଅନ୍ତର୍ଗତ ବିଶାଲପାଲି-ଗୋଡଭଗା ମୁଖ୍ୟରାସ୍ତାର ଅରିଗାଁ ଠାରେ ଥିବା ପିଇଜି ଚାଉଳ ଗୋଦାମରେ କୌଣସି କାରଣରୁ ଅଗ୍ନିକାଣ୍ଡ ଘଟି ୧୦ହଜାର ୮୯୩ କୁଇଣ୍ଟାଲ ଚାଉଳ ନଷ୍ଟ ହେବା(ଯାହାର ଆନୁମାନିକ ମୂଲ୍ୟ ୩କୋଟି ଟଙ୍କାରୁ ଉର୍ଦ୍ଧ୍ୱ ହେବ) ଘଟଣାଟି ଗତ ଡିସେମ୍ବର ୧୪ତାରିଖରେ ଘଟିଥିବାର ୨୩ଦିନ ପରେ ଯୋଗାଣ ବିଭାଗର ଚେତା ପଶିଛି । ଏନେଇ ବିନିକା ଥାନାରେ ମାମଲା ରୁଜ୍ଜୁ ହେବାପରେ ତଦନ୍ତ ଆରମ୍ଭ ହୋଇଥିବା ଜଣାପଡିଛି ।ତେବେ ଘଟିଥିବା ଅଗ୍ନିକାଣ୍ଡ ଘଟଣା ଯୋଜନାବଦ୍ଧ ବୋଲି ସାଧାରଣରେ ଚର୍ଚ୍ଚା ହେଉଥିବା ବେଳେ ଗତ ଏକ ସପ୍ତାହ ହେଲା ଗୋଦାମ ଘରେ ତାଲା ଝୁଲୁଛି ।ଘଟଣା ପରେ ଗୋଦାମ ମାଲିକ ପ୍ରତାପ ଭାରତୀ କୁଆଡେ ଫେରାର ମାରିଥିବା ଜଣାପଡିଛି ।ଘଟଣାରୁ ପ୍ରକାଶ ଯେ ଭଦ୍ରକ ଜିଲ୍ଲାର ବିମଲିନି ଭାରତୀ ନାମକ ଜଣେ ମହିଳା ଉଦ୍ୟୋଗୀ ବିନିକା ବ୍ଳକ ଅରିଗାଁ ରାସ୍ତା ପାର୍ଶ୍ବରେ ୫୦ହଜାର କୁଇଣ୍ଟାଲ କ୍ଷମତା ବିଶିଷ୍ଟ ଏକ ଚାଉଳ ଗୋଦାମ ନିର୍ମାଣ କରି ରାଜ୍ୟ ଯୋଗାଣ ନିଗମ ସୁବର୍ଣ୍ଣପୁର ଜିଲ୍ଲାର ମିଲରସ ମାନଙ୍କ ନିକଟରୁ ସଂଗୃହିତ କଷ୍ଟମ ମିଲିଂ ଚାଉଳ ଗଚ୍ଛିତ ରଖୁଥିଲେ । ଦୈବାତ ହଡ଼ପ ପାଇଁ ଚକ୍ରାନ୍ତ କି ଯୋଜନାବଦ୍ଧ ଭାବେ ହୋଇପରେ ଉକ୍ତ ମିଲ ରେ ଅଚାନକ କୌଣସି କାରଣରୁ ଅଗ୍ନିକାଣ୍ଡ ଘଟିଲା ।ଗଚ୍ଛିତ ଥିବା ହଜାର ହଜାର କୁଇଣ୍ଟାଲରୁ ଉର୍ଦ୍ଧ୍ଵ ଚାଉଳ ପୋଡ଼ି ଗଲା ।ଖବର ପାଇ ବିନିକା ଅଗ୍ନିଶମ ବିଭାଗ ଘଟଣାସ୍ଥଳରେ ପହଂଚି ନିଆଁକୁ ଆୟତ୍ତ କଲେ ହେଲେ ହଜାର ପ୍ୟାକେଟ ଚାଉଳ ଜଳିପୋଡି ପାଉଁଶ ହୋଇଯାଇଥିଲା ।ଦେଖୁ ଦେଖୁ ଏହି ଘଟଣା ଘଟିବାର ୨୦ରୁ ଉର୍ଦ୍ଧ୍ୱ ଦିନ ବିତିଗଲା ଯୋଗାଣ ବିଭାଗ ଜାଣି ନଜାଣିଲା ପରି ରହିବାରୁ ସନ୍ଦେହ ଘନିଭୂତ ହେବାରେ ଲାଗିଲା ଘଟଣାକୁ ବୋଧେ ଚପେଇବାକୁ ଉଦ୍ୟମ କରାଯାଉଥିବା ନେଇ ସାଧାରଣରେ ମଧ୍ୟ ଚର୍ଚ୍ଚା ଜୋର ଧରିଲା ଶେଷରେ ଯୋଗାଣ ବିଭାଗର ଚେତା ପଶିଲା ଘଟଣାସ୍ଥଳରେ ଯୋଗାଣ ବିଭାଗ ଅଧିକାରୀ ପହଂଚି ତଦନ୍ତ କରିବା ପରେ ଗୋଦାମ ମାଲିକ ପ୍ରତାପ ଭାରତୀ ଫେରାର ଥିବା ଜାଣିବାକୁ ପାଇଥିଲେ ।ପରେ ସୁବର୍ଣ୍ଣପୁର ଜିଲ୍ଲା ଯୋଗାଣ ଅଧିକାରୀଙ୍କ ନିର୍ଦ୍ଦେଶ କ୍ରମେ ଏସିଏସଓ ତ୍ରିନାଥ ଭୋଇ ବିନିକା ଥାନା କୁ ଆସି ଲିଖିତ ଅଭିଯୋଗ କରିବା ପରେ ଥାନା କେଶ ନଂ ୩/୨୦୨୩ ଏକ ମାମଲା ରୁଜ୍ଜୁ କରାଯାଇ ତଦନ୍ତ ପ୍ରକ୍ରିୟା ଆରମ୍ଭ ହୋଇଥିବା ବିନିକା ଥାନା ଅଧିକାରୀ ପବିତ୍ର ସାହୁ ସୂଚନା ଦେଇଛନ୍ତି।ସେହିପରି ଅନ୍ୟ ପକ୍ଷରେ ଏହି ଗୋଦାମରୁ ହିତାଧିକାରୀଙ୍କ ଉଦ୍ଦେଶ୍ୟରେ ବଣ୍ଟନ ପାଇଁ ଅଣାଯାଉଥିବା ଚାଉଳ କେତେକ ରିଟେଲ ର ଙ୍କ ଗେଟ ପାସ କରାଯାଇଛି ତାଙ୍କ ପାଖରେ ବହୁତ କମ ଚାଉଳ ପଡୁଥିବାର ଅଭିଯୋଗ ହେଉଛି ତେଣୁ ଏହାର ମଧ୍ୟ ତଦନ୍ତ କରାଗଲେ ଉକ୍ତ ପ୍ରାଇଭେଟ୍ ଏଣ୍ଟର ପ୍ରାଇଜେସ ବିମଲିନି ଭାରତୀ ଗୋଦାମର ପ୍ରକୃତ କାରସାଦିର ସତ୍ୟ ରହସ୍ୟ ଘଟଣା ଉନ୍ମୋଚନ ହୁଅନ୍ତା ବୋଲି ସାଧାରଣରେ ଆଲୋଚନା ହେଉଛି । ତେବେ ଏଠାରେ ପ୍ରଶ୍ନ ଉଠୁଛି ଯେ ବିମଲିନି ଭାରତୀ ପ୍ରାଇଭେଟ୍ ଏଣ୍ଟର ପ୍ରାଇଜେସ ଗୋଦାମରୁ ହଡ଼ପ ହଜାର ହଜାର କୁଇଣ୍ଟାଲ ଚାଉଳକୁ କିଏ ଭରଣା କରିବ,ଯୋଗାଣ ବିଭାଗର ବିଳମ୍ବ ଏତଲାକୁ ନେଇ ସନ୍ଦେହ,ମିଲ ମାଲିକଙ୍କ ନାମରେ ଦୃଢ କାର୍ଯ୍ୟାନୁଷ୍ଠାନ ହେବ ନା ଏହି ଶୀର୍ଷ କାତର ପ୍ରସଙ୍ଗ ଉପରେ ଚପେଇ ଦିଆଯିବ ତାହା ସମୟ ହିଁ କହିବ ।