07-Jan-2023

ବଲାଙ୍ଗିର (ପ୍ରେରଣା ଖବର) ରାସ୍ତା କଡରେ ନିଜ୍ ଗାଡି ରଖି ଚା ପିଉଥିବା ସମୟରେ ପଛପଟୁ ଏକ ଟ୍ରକ୍ ଆସି ଗାଡି କୁ ଧକ୍କା ଦେବା ଫଳରେ ଗାଡିର ଡ୍ରାଇଭର ଗୁରୁତର ଭାବେ ଆହତ ହେବା ସହ ଅଟକି ଥିବା ଗାଡି ମଧ୍ଯ ଭାଙ୍ଗିରୁଜି ଯାଇଛି l ଏପରି କିଛି ଅଭାବନୀୟ ଘଟଣା ଘଟିଛି ବଲାଙ୍ଗିର ସହର୍ ସନ୍ନିକଟ ବିଜl ଖମନ ନିକଟରେ l ସୂଚନାରୁ ପ୍ରକାଶ ଯେ, ଗତକାଲି ବିଳମ୍ବିତ ରାତିରେ ବିଶାଖାପାଟଣା ରୁ କୋଲକାତା ଅଭିମୁଖେ ଯାଉଥିବା ଏକ ମିନି ଟ୍ରକ୍ (ଛୋଟା ହାତୀ ଗାଡି) ବଲାଙ୍ଗିର ସହର ସନ୍ନିକଟ ବିଜl ଖମନ (ଟିଟିଲାଗଡ ରୋଡ଼) ଠାରେ ରାସ୍ତା କଡରେ ଅଟକାଇ ଚା ପିଉଥିଲା l ଏହି ସମୟରେ ପଛପଟୁ ଆସୁଥିବl ଏକ ମାଲ୍ ବୋଝେଇ ଟ୍ରକ୍ ରାସ୍ତାରେ ଅଟକିଥିବା ଏହି ଗାଡିକୁ ଧକ୍କା ଦେଇଥିଲା l ଟ୍ରକ୍ ଧକ୍କାରେ ଗାଡିଟି ଚୁରମାର ହୋଇଯିବା ସହ ଗାଡି ପାଖରେ ଚା ପିଉଥିବା ଡ୍ରାଇଭର୍ ଜଣଙ୍କ ଗୁରୁତର ଆହାତ ହୋଇଥିବା ଜଣାପଡିଛି l ତାଙ୍କ ମୁଣ୍ଡ ଓ ଗୋଡ଼ରେ ଗଭୀର ଆଘାତ ଲାଗିଛି l ଆହାତ ଡ୍ରାଇଭର୍  କୋଲକାତା ର ମହମ୍ମଦ ଅସରାଫ (୩୦))ବୋଲି ଜଣାପଡିଛି l ଅସରଫଙ୍କୁ ଗୁରୁତର ଅବସ୍ଥାରେ ବଲାଙ୍ଗିର ଭୀମ ଭୋଇ ମେଡ଼ିକାଲ କଲେଜ ଓ ହସ୍ପିଟାଲରେ ସର୍ଜରୀ ୱାର୍ଡ ରେ ଭର୍ତ୍ତି କରାଯାଇଛି l ବଲାଙ୍ଗିର ଟାଉନ୍ ଥାନା ପୋଲିସ ଘଟଣାସ୍ଥଳରେ ପହଞ୍ଚି ଦୁର୍ଘଟଣା ଘଟାଇ ଥିବା ଟ୍ରକ୍ କୁ ଜବତ କରିବା ସହ ଡ୍ରାଇଭର୍ କୁ ଅଟକ ରଖିଛି  l