06-Jan-2023

ନୟାଗଡ଼(ପ୍ରଦୀପ କୁମାର ପଣ୍ଡା)ଓଡ଼ିଶା ରେ ବିଶ୍ୱକପ ହକିର ଶୁଭାରମ୍ଭ ପରିପ୍ରେକ୍ଷୀରେ ଗଣିଆ ଶ୍ରୀ ଶ୍ରୀ ରଘୁନାଥ ଜୀଉ ଡ଼ିଗ୍ରୀ ମହାବିଦ୍ୟାଳୟ ତରଫରୁ ଏକ ସଚେତନତା ଶୋଭାଯାତ୍ରା କାର୍ଯ୍ୟକ୍ରମ ଅନୁଷ୍ଠିତ ହୋଇଛି | ମହାବିଦ୍ୟାଳୟ ର ୱାଈଆରସି ଏବଂ ଏନଏସଏସ ୟୁନିଟ ତରଫରୁ ଆୟୋଜିତ ଉକ୍ତ କାର୍ଯ୍ୟକ୍ରମ କୁ ମହାବିଦ୍ୟାଳୟ ର ଅଧ୍ୟକ୍ଷ ଶ୍ରୀ ଲଷ୍ମୀକାନ୍ତ ପଣ୍ଡା ଆନୁଷ୍ଠାନିକ ଭାବେ ଉଦଘାଟନ କରିଥିଲେ l ମହାବିଦ୍ୟାଳୟ

ପରିସରରେ ବିଶ୍ବକପ୍ ହକି ର ଏକ ସୁନ୍ଦର ବାଲୁକା କଳା  ତୃତୀୟ ବର୍ଷ ର ଛାତ୍ର ସନ୍ଦୀପ କୁମାର୍ ବେହେରା ତାଙ୍କ ସହଯୋଗୀ ମାନଙ୍କ ଦ୍ଵାରା ପ୍ରସ୍ତୁତ କରିଥିଲେ | ଉକ୍ତ ବାଲୁକା ଶିଳ୍ପ ଟି ଅତି ସୁନ୍ଦର ହୋଇଥିବା ବେଳେ ଉକ୍ତ ସ୍ଥାନଟି ଏକ ସେଲଫି ଜୋନ ପାଲଟି ଥିଲା |ଅଧ୍ୟକ୍ଷ ଶ୍ରୀଯୁକ୍ତ ପଣ୍ଡା ସନ୍ଦୀପ ଙ୍କୁ ଧନ୍ୟବାଦ ଅର୍ପଣ କରିବା ସହିତ ତାଙ୍କ ବାଲୁକା କଳା କୁ ପ୍ରଶଂସା କରିଛନ୍ତି |ମହାବିଦ୍ୟାଳୟ ପରିସର ଠାରୁ ଏହି

ଶୋଭାଯାତ୍ରା ବାହାରି ଗଣିଆ ବଜାର , ତେଲିସାହି ଓ ଲଷ୍ମୀ ବଜ଼ାର ଇତ୍ୟାଦି ପରିକ୍ରମା କରି ବ୍ୟାପକ ଜଣସଚେତନତା ସୃଷ୍ଟି କରିଛନ୍ତି l  ୨୦୦ରୁ ଉର୍ଦ୍ଧ ପିଲାଙ୍କ ସହ ୱାଇଆରସି କାଉନସେଲର ରାକେଶ ବରାଡ଼, ଏନଏସଏସ କାର୍ଯ୍ୟକ୍ରମ ଅଧିକାରୀ ଶର୍ମିଳା ଦାଶ ଓ ଭଗବାନ ପୃଷ୍ଟି ବରିଷ୍ଠ ଅଧ୍ୟାପକ ଅଖିଳ କୁମାର ହୋତା, ଅଶୋକ ମିଶ୍ର, ଶ୍ରୀକାନ୍ତ ଷଡ଼ଙ୍ଗୀ ଓ ଅନ୍ୟ ସମସ୍ତ କର୍ମଚାରୀ ଶୋଭାଯାତ୍ରା ରେ ଅଂଶ ଗ୍ରହଣ କରିଥିଲେ l