05-Jan-2023

ସମ୍ବଲପୁର (ସଂଜୀବ ପାଣିଗ୍ରାହୀ)
 ସମ୍ବଲପୁର ମହାନଗର ନିଗମ ଅନ୍ତର୍ଗତ ୱାର୍ଡ ନମ୍ବର ୩ ମଡ଼ିଆ ଡୁଙ୍ଗୁରିପଡା ଠାରେ ଗୁରୁବାର ବିଜୁ ଜନତା ଦଳ ସମ୍ବଲପୁର ମହାନଗର ତରଫରୁ ଶୀତକୁ ନଜରରେ ରଖି ବୃଦ୍ଧ ଲୋକଙ୍କୁ କମ୍ବଳ ଓ ବିସ୍କୁଟ ବଣ୍ଟନ କାର୍ଯ୍ୟକ୍ରମ କରାଯାଇଥିଲା I ଏହି ଅବସରରେ ଅନୁଷ୍ଠିତ ସାଧାରଣ ସଭା ପଡାର ବିଭିନ୍ନ ସମସ୍ୟା ସମ୍ପର୍କରେ ପଡାବାସୀ ମୁଖ୍ୟ ଅତିଥି ସମଲେଇ ମନ୍ଦିର ଟ୍ରଷ୍ଟ ବୋର୍ଡ ସଭାପତି, ବିଜେଡି  ରାଜ୍ୟ ମୁଖପାତ୍ର ତଥା ଓଡିଶା ସରକାରଙ୍କ ନବ ନିଯୁକ୍ତ କାଳିଆ କୃଷି ଓ କୃଷକ ସଶକ୍ତିକରଣ ବିଭାଗର ଉପଦେଷ୍ଟା  ସଞ୍ଜୟ ବାବୁଙ୍କୁ ଜଣାଇଥିଲେ I ମହାନଗର ନିଗମ ବିଜେଡି ସଭାପତି ପ୍ରଫୁଲ୍ଲ କୁମାର ଦାଶ, ବିଜେଡ଼ି ନେତା  ଆର.ଏ. ଶିବ କୁମାର, ସତ୍ୟେନ୍ଦ୍ର କୁମାର ଦାସ, ବିଜୁ ସ୍ମୃତି କମିଟିର ସମ୍ପାଦକ ଦୁଲାଲ ଚନ୍ଦ୍ର ରାୟ, ବିକାଶ ଜଗତ, ହୃଷିକେଶ ସ୍ୱାଇଁ, ତାରାଚନ୍ଦ ବାଗ, ଶେଷଦେଵ ଗୁରୁ, ରଞ୍ଜିତ ମିଶ୍ର, କୁନି ପରିଡା, ଉମାଶଙ୍କର ଅଗ୍ରୱାଲ, ଦୀପକ ବେଦୀ, ବାଦଲ ବନିକ, ମହିଳା ନେତ୍ରୀ ମମତା ପଣ୍ଡା, ଶାନ୍ତିଲତା କର, ଜୋସନା ପ୍ରଧାନ, ସୁମିତ୍ରା ଆଇନ, ରୀନା ଅଗ୍ରୱାଲ, ସୁନିତା ଖେତ୍ରୀ, ସନ୍ତୋଷ ଖଡ଼ିଆ, ପ୍ରଭାକର ପାଢ଼ୀ,ଗୋପୀ ଖଡ଼ିଆ ପ୍ରମୁଖ ଉପସ୍ଥିତ ଥିଲେ I