04-Dec-2020

ମୟୂରଭଞ୍ଜ-(ପ୍ରେରଣା ଖବର)- ମୟୁରଭଞ୍ଜ ଜିଲ୍ଲାରେ ଭୂକମ୍ପର ଝଟକା। ଆଜି ରାତି ୨ ଟା ୧୩ ମିନିଟ ରେ ୧୦ ସେକେଣ୍ଡ ପାଇଁ ଭୂକମ୍ପ ଅନୁଭୂତ ହୋଇଥିବା ଭୁତତ୍ଵ ବିଭାଗ ସୂଚନା ଦେଇଛି। ତେବେ ମୟୁରଭଞ୍ଜ ଜିଲ୍ଲାରେ ଭୂକମ୍ପ ହୋଇଥିବା ଜିଲ୍ଲା ଜରୁରୀକାଳୀନ ଅଧିକାରୀ ମଧ୍ୟ ସୂଚନା ଦେଉଛନ୍ତି। ବିଳମ୍ବିତ ରାତିରେ ଏହି ଭୂକମ୍ପ ହୋଇଥିବା ବେଳେ ଜିଲ୍ଲାରେ କୌଣସି ପ୍ରକାର କ୍ଷୟକ୍ଷତି ର ସୂଚନା ନାହିଁ। ଭୂକମ୍ପ ର ତୀବ୍ରତା ରିଆକ୍ଟର ସ୍କେଲ ରେ ୩.୯ ରହିଥିବା ବିଭାଗ ପକ୍ଷରୁ ସୂଚନା ଦିଆଯାଇଛି। ତେବେ ମୟୁରଭଞ୍ଜ ଜିଲ୍ଲାର ଖୁଣ୍ଟା, ବୈଶିଙ୍ଗା, ବେତନଟୀ, ମାଣିତ୍ରୀ , ବାଦାମପାହାଡ଼ ଆଦି ଅଞ୍ଚଳରେ ଭୂକମ୍ପ ର ଝଟକା ଅନୁଭୂତ ହୋଇଛି। ତେବେ ବିଳମ୍ବିତ ରାତିରେ ଭୂକମ୍ପ ହୋଇଥିବା ବେଳେ ଲୋକେ ଜାଣିପାରିନାହାନ୍ତି!!*