02-Jan-2023

ଉଲୁଣ୍ଡା (ଗୌରଚନ୍ଦ୍ର ପରିଛା): ସୁବର୍ଣ୍ଣପୁର ଜିଲ୍ଲା  ଉଲୁଣ୍ଡା ବ୍ଲକ ରାଜନଗର ଠାରେ ଗୋଣ୍ଡ ସମାଜର ବଡଦେଓ ବାର୍ଷିକ ମହୋତ୍ସବ ଉଦଯାପିତ ହୋଇଯାଇଛି । ସ୍ଥାନୀୟ କମଟି ଆନୁକୂଲ୍ୟରେ ତିନି ଦିନ ଧରି ଆୟୋଜିତ ହୋଇଥିବା ଏହି ମହୋତ୍ସବକୁ ଜିଲ୍ଲା ସଭାପତି  ବିରାଜ ଭୋଇ ମୁଖ୍ୟ ଅତିଥି ଭାବରେ ଯୋଗଦେଇ ମହୋତ୍ସବକୁ ଉଦଘାଟନ କରିଥିଲେ । ସମ୍ମାନୀତ ଅତିଥି ଭାବରେ   ତରଭାରୁ ବିରୁ ମୁଣ୍ଡା, ସମ୍ବଲପୁର ଜିଲ୍ଲା ତେତେଲକୁର୍ଡାରୁ ରାସବିହାରୀ ଭୁଇ, କୈବତ୍ୟ ପୁଟା, ଗରଥଲ ଭୁଇ, ସମ୍ପଦ ଧିରୁଆ, ଗୋପାଲ ସଲତଲ, ରମାକାନ୍ତ ଭୁଇ, ମେଘୂ ବାରିକ ଏବଂ ମନୁ ଭୁଇ ଯୋଗଦେଇଥିଲେ । ପ୍ରାରମ୍ଭରେ କଲସଯାତ୍ରା କରାଯାଇ ପୁଜାସ୍ଥଳରେ ସ୍ଥାପନ କରାଯାଇଥିଲା ।  ବୈଦିକ ରୀତିରେ  ପାରମ୍ପରିକ ଇଷ୍ଟ ଦେବ ବଡଦେଓଙ୍କ ପୂଜାର୍ଚନା କଲାପରେ  ଜୟ କୃଷ୍ଣ ମାôଝ ଏବଂ ତହସିଲ ମାôଝଙ୍କ ଶରିରରେ ବରୁଆ ସବାର ହୋଇଥିଲେ । ବରୁଆ ମାନେ ଢୋଲ, ନିଶାନର ତାଲେ ତାଲେ  ଗ୍ରାମ ପରିକ୍ରମା କରିବା ପରେ ପ୍ରତ୍ୟେକ ଦୁଆର ମୁହଁରେ ଭକ୍ତ ମାନେ ପୂଜାର୍ଚନା କରିଥିଲେ । ମାନସିକ ଧାରୀ ମାନେ ଅଧିଆ ପଡିଥିଲେ ।  ଏହି ପୂଜା କରିବା ଦ୍ୱାରା ଗ୍ରାମ ତଥା ଅଂଚଳରେ କୌଣସି ବାଧାବିଘ୍ନ ଆସିବ ନାହିଁ  ଏବଂ ଶୁଖ ସାନ୍ତି ଫେରିଆସେ ବୋଲି ତାଙ୍କ ବିଶ୍ୱାସ ରହିଛି । ଏହି ଅବଶରରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଅନ୍ୟମାନଙ୍କ ମଧ୍ୟରେ ବ୍ଲକ ସଭାପତି ନନ୍ଦନ ବାରିକ ସଂଯୋଜନାରେ ହୋଇଥିବା ଏହି ମହୋତ୍ସବକୁ ବିଭିନ୍ନ ଜିଲ୍ଲାରୁ ଆଦିବାସୀ ସଂପ୍ରଦାୟର ବହୁ ସ୍ରଦ୍ଧାଲୁ ଯୋଗ ଦେଇଥିଲେ ।