-+91-9937148622 |
prerana_bgr@rediffmail.com |
Sunday 8th March 2026 |
R.N.I. Regd No. ODIODI/2010/46693
Breaking News
02-Jan-2023
ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
ଆଜି ସୋନପୁର ସ୍ମାର୍ଟ ପାର୍କ ଠାରେ ଇଂରାଜୀ ନବ ବର୍ଷ ପାଳନ କରାଯାଇଥିଲା l ସୁବର୍ଣ୍ଣପୁର ଏସପି ଅମରେଶ ପଣ୍ଡା , ପୌରାଧ୍ୟକ୍ଷା ତାମସୀ ତାମସ୍ମୀତା ନାଏକ ଅତିଥି ଭାବରେ ଯୋଗ ଦେଇ ମର୍ନିଙ୍ଗ ୱାକର୍ସ ଙ୍କ ସମାବେଶ ଓ ଏକତା କୁ ବଜାୟ ରଖିବା କୁ ପରାମର୍ଶ କରିଥିଲେ ତଥା ଏ ଅବସରରେ ସମସ୍ତେ ଗାଡିଚଳାଇଲାବେଳେ ସର୍ବଦା ହେଲମେଟ ଲଗାଇ ନିଜ ଅମୁଲ୍ୟ ଜୀବନକଚୁ ରକ୍ଷା କରିବାକୁ ଏବଂ ରକ୍ତଦାନ କ୍ଷେତ୍ର ରେ ସମସ୍ତ ନୂତନ ଯୁବ ପିଢୀ ଆଗେଇ ଆସି ଆମ ଜ଼ିଲ୍ଲା ର ନାଁ କୁ ସ୍ୱତନ୍ତ୍ର ସ୍ଥାନ ରେ ନାମିତ କରିବାକୁ ଆଜିର ଏହି ନୁଆଁ ବର୍ଷ ର ପ୍ରଥମ ଦିନ ରେ ସମସ୍ତେ ସଂକଳ୍ପ ନେବାକୁ ନିବେଦନ କରିଥିଲେ l ଦିଲ୍ଲୀପ ପାତ୍ର ସମସ୍ତ ଙ୍କୁ ସ୍ୱାଗତ କରିବା ସହ ନିଜକୁ ଫିଟ୍ ଏଣ୍ଡ ଫାଇନ ରଖିବା ଏହି ଦିବସ ପାଳନର ମୁଖ୍ୟ ଉଦ୍ଦେଶ୍ୟ ବୋଲି ମତ ରଖିଥିଲେ l ଅନ୍ୟତମ ଅତିଥି ଭାବରେ ପୌର ପରିଷଦ ଅଧ୍ୟକ୍ଷା ଶ୍ରୀମତୀ ନାଏକ ତାଙ୍କ ବକ୍ତବ୍ୟ ରେ ଏହି ପାର୍କ ର ଯତ୍ନ ଓ ସୁରକ୍ଷା ଆମ ସମସ୍ତ ଙ୍କ ଦାୟିତ୍ୱ ଓ କର୍ତ୍ତବ୍ୟ ବୋଲି କହି ଏହିପରି ଆୟୋଜନ ଦ୍ୱାରା ସୁସ୍ଥ ଭାରତ ସମୃଦ୍ଧ ଭାରତ ର ବାର୍ତ୍ତା ପହଂଚୁ ବୋଲି କହିଥିଲେ l ସହରର ଅଗ୍ରଣୀ ଅନୁଷ୍ଠାନ ସ୍ୱଚ୍ଛଭାରତ ସଙ୍ଗଠନ ର କର୍ମକର୍ତ୍ତା ଏହି ସମାବେଶ ରେ ସ୍ୱଚ୍ଛତା, ରକ୍ତଦାନ, ପରିବେଶ ସୁରକ୍ଷା, ସଡ଼କ ସୁରକ୍ଷା ଓ ନିଶା ନିବାରଣ ଉପରେ ପ୍ଲା କାର୍ଡ ପ୍ରଦର୍ଶନ କରାଇ ସମାଜ କୁ ସଚେତନତା ବାର୍ତ୍ତା ଦେଇଥିଲେ। ଅବକାରୀ ଅଧିକ୍ଷୀକା ସୁମତି ତ୍ରିପାଠୀ ମଧ୍ୟ ସମସ୍ତ ଙ୍କୁ ନବବର୍ଷ ର ଶୁଭେଚ୍ଛା ଜଣାଇ ନିଶାସକ୍ତ ଅବସ୍ଥାରେ ଗାଡ଼ି ନ ଚଲାଇବାକୁ ପରାମର୍ଶ ଦେଇଥିଲେ। ପରେ ଉପସ୍ଥିତ ଅତିଥି ମାନଙ୍କ ସହ ଅନୁଷ୍ଠାନ ର କର୍ମକର୍ତ୍ତା ଜିଲ୍ଲା ସଦର ଡାକ୍ତରଖାନା, ମାତୃଓ ଶିଶୁ ହସପିଟାଲ ଓ ସହରର ଶାନ୍ତି କୁଟିରରେ ଫଳ ବଣ୍ଟନ କରିଥିଲେ। ସାମ୍ବାଦିକ ମନୋରଞ୍ଜନ ତ୍ରିପାଠୀ କାର୍ଯ୍ୟକ୍ରମ ସଂଯୋଜନା କରିଥିବା ବେଳେ ଜ଼ିଲ୍ଲା ଖାଉଟି ଓ ଯୋଗାଣ ଅଧିକାରୀ ସୁରେଶ ପାଣିଗ୍ରାହୀ , ଅଭିମନ୍ୟୁ କୁଶଳ,ଜିତେନ୍ଦ୍ର ପଟ୍ଟନାୟକ, ଜନ୍ମେଜୟ ପାତ୍ର, ଶେଷ ଦେବ ମେହେର, ରାଜକିଶୋର ତ୍ରିପାଠୀ,ସୁଧାଂଶୁ ସାହୁ,ସନ୍ତୋଷ ନାଏକ,ଆନନ୍ଦ ପାତ୍ର , ରମେଶ ଚନ୍ଦ୍ର ଜେନା ,ସନ୍ତୋଷ ମେହେର ପ୍ରମୁଖ ଏ ସମସ୍ତ କାର୍ଯ୍ୟକ୍ରମ ଆୟୋଜନ ରେ ସହଯୋଗ କରିଥିଲେ l ଜିଲ୍ଲା ର ବିଶିଷ୍ଟ ସାହାନାଇ ବାଦକ ଫକୀର ପ୍ରଧାନ ଏ ଅବସରରେ ସାହାନାଇ ବାଦନ କରି ସମସ୍ତ ଙ୍କୁ ଅଭିଭୂତ କରିଥିଲେ।