02-Jan-2023

କଳାହାଣ୍ଡି ,କୋକସରା(ତ୍ରିନାଥ ବେଶ୍ରl )
 ଆଦିବାସୀ ପରମ୍ପରା ଓ ପରିବେଶ ର ସମ୍ପର୍କର     ନିବିଡତା ପରବ ବଖାଣି ଥାଏ। ଶଙ୍ଖ,ଘଣ୍ଟ, ବାଜାରେ ମହକୁଛି ସାରା ପରିବେଶ ବାଡ଼ି ଧରି ନାଚୁଛନ୍ତି ଲୋକ ମାନେ, ଏଭଳୀ ଦୃଶ୍ୟ ଦେଖିବାକୁ ମିଳିଛି କଳାହାଣ୍ଡି ଜିଲ୍ଲା କୋକସରା ବ୍ଲକ ଓଲମା ଗାଁରେ  ଚାଲିଛି ଟୋକୀମରା ପର୍ବ । ଆଦିବାସୀଙ୍କ ପର୍ବ ମଧ୍ୟରୁ ଏହା ଏକ ଭିନ୍ନ ପର୍ବ , ମାଟି ମା କୁ ସନ୍ତୁଷ୍ଟ କରିବା ପାଇଁ ପ୍ରତି ୧୨ ବର୍ଷ ପୌଷ ମାସରେ କଳାହାଣ୍ଡି ଜିଲ୍ଲାର ଅନେକ ଗାଁରେ ପାଳନ ହୋଇଥାଏ ଟୋକୀମରା ପର୍ବ । ଆଖ ପାଖର ଆଦିବାସୀ ଙ୍କୁ ନିମନ୍ତ୍ରଣ କରି ପାଳନ କରାଯାଇଥାଏ ଏହି ଆଦିବାସୀ ଙ୍କ ଟୋକୀମରା ପର୍ବ । ଦେବାଦେବୀ ଙ୍କ ପାଖରେ ସମର୍ପଣ କରିବା ବୋଦାକୁ ଗାଁର ଜାନି ଏବଂ ପୂଝାରୀ ସମଗ୍ର ଗାଁକୁ ପରିକ୍ରମା କରାଇଥାନ୍ତି। ଏହା ପରେ ବୋଦା କୁ ପରବ୍ ଝାର ବା ପଡ଼ିଆ ଠାରେ ନିଆଯାଇଥାଏ।ସେଠାରେ ମାଟି ମା କୁ ଅର୍ପଣ କରାଯିବା ପରେ ବିଭିନ୍ନ ଗାଁରୁ ଆସିଥିବା ଆଦିବାସୀ ମାନେ ନିଜର ପାରମ୍ପରିକ ଅସ୍ତ୍ରଶସ୍ତ୍ର ଧରି ବାଜାର ତାଳେ ତାଳେ ନାଚି ପରବ ଝାରେ ଯାଇଥାନ୍ତି। ବିଶ୍ବାସ ରହିଛି ବୋଦାର ମାଂସ କୁ ନେଇ ଗାଁର ଇଷ୍ଟଦେବୀ ଜମିରେ ପୋତିଲେ ସମସ୍ତ ଙ୍କ ଦୁଃଖ କଷ୍ଟ ନିବାରଣ ହୋଇଥାଏ  ଓ ୧୨ ଵର୍ଷ  ଭଳ ଫସଲ ଅମଳ ହୋଇଥାଏ।

ପୁର୍ବରୁ ବୋଦା ଜାଗାରେ କୁଆଁରି କନ୍ୟାକୁ ବଳି ଦିଆଯାଉଥିବା କୁହାଯାଏ । ଏବେ ବୋଦାକୁ କୌଣସି ଏକ ଝିଅର ନାମ ଦେଇ ବଳି ଦିଆଯାଉଥିବାକୁହନ୍ତି। ଟୋକୀମରା ପର୍ବ ପର ଦିନ ପାଳିତ ହୁଏ ଧାଙ୍ଗଡି ଝୁଲା ଅର୍ଥାତ୍ ଖୁସୀର ଦିନ , ଗାଁର ବୈଜଷ୍ଟ ବ୍ୟକ୍ତି କିମ୍ବା ଧଙ୍ଗଡା ଧାଙ୍ଗଡି ଅର୍ଥାତ୍ ଝିଅ ବା ପୁଅକୁ  ଖଟରେ ବସାଇ ନିଆଯାଏ । ଏମିତି ଖୁସିରେ ଅତୀଥି ମାନଙ୍କୁ ଖଟରେ ବସାଇ ବାଜାର ତାଳେ ତାଳେ ନଚାଇ ଥାନ୍ତି ଗାଁର ଆଦିବାସୀ ମାନେ । ବିଶ୍ବାସ ରହିଛି  ଏହି ଦିନ କୌଣସି ଆଦିବାସୀ ପୁଅ ଯଦି ଆଦିବାସୀ ଝିଅର ହାତ ଧରିଥାନ୍ତି ତେବେ ସେମାନଙ୍କୁ  ସମାଜ ପତି ପତ୍ନୀ ର ମର୍ଯ୍ୟଦା ଦେଇଥାଏ ।କଳାହାଣ୍ଡି ଜିଲ୍ଲାର କୋକସରା , କଲମପୁର,ଜୟପାଟଣା, ଥୁଆମୂଲରାମପୁର, ଗୋଲାମୁଣ୍ଡା ବ୍ଲକର ବିଭିନ୍ନ ଗାଁରେ ପାଳନ ହୋଇଥାଏ ଏହି ଟୋକୀମରା
 ପର୍ବ ।