03-Dec-2020

ଲୋଇସିଂହା, (ବିନୋଦ କୁମାର ଦୀପ ): ସରକାର ଲୋକଙ୍କ ସୁବିଧା ସୁଯୋଗ ପାଇଁ ଯେତେ ପରିମାଣରେ ଚେଷ୍ଟା କରୁଛନ୍ତି  କିଛି ଅସାଧୁ ବ୍ୟକ୍ତି ଦୁର୍ନୀତି କରିବାରେ ପଛାଉନାହାନ୍ତି l ଏପରି ଏକ ଚିତ୍ର ଦେଖିବାକୁ ମିଳିଛି ଲୋଇସିଂହା ବ୍ଲକ କୁସଙ୍ଗ ପଞ୍ଚାୟତ ପିପିଲି ଗ୍ରାମରେ l ପିପିଲି ଗ୍ରାମବାସୀଙ୍କ ଅଭିଯୋଗ ଅନୁଯାୟୀ ଗ୍ରାମ ଦେଇ ଯାଇଥିବା କୁସଙ୍ଗାଇ ଜୋରରେ IAP/ACA- 2011-12 ପ୍ରକଳ୍ପ   ଯୋଜନାରେ ନିର୍ମିତ  ଏକ ଚେକଡ୍ୟାମର ମହାଦୁର୍ନୀତି ଘଟିଛି l କାମ କିଛି ହୋଇନାହିଁ ହେଲେ ଟଙ୍କା ଉଠାଇ ହେରଫେର କରାଯାଇଛି, ଯାହାର ଅଟକଳ ରାଶି ୮ ଲକ୍ଷ ୨0 ହଜାର ଟଙ୍କା l ଲୋଇସିଂହା  ଚିଠି ନ. 4061 ତା 06.12.18 ଓ ତାର ସମ୍ପୂର୍ଣ ବିଲଟି 14.08.2020 ରେ ଉଠାଣ ହୋଇଛି l ସରକାର ଏଥିପ୍ରତି ଦୃଷ୍ଟିଦେଇ ଉଚିତ ପଦକ୍ଷେପ ନେବାକୁ  ଲୋଇସିଂହା ମଣ୍ଡଳ ବିଜେପି କର୍ମକର୍ତା ଓ ପିପିଲି  ଗ୍ରାମବାସୀ ବିଡ଼ିଓଙ୍କ ଜରିଆରେ ଜିଲ୍ଲାପାଳଙ୍କୁ ଏକ ଦାବିପତ୍ର ପ୍ରଦାନ କରିଛନ୍ତି l