14-Dec-2022

ସମ୍ବଲପୁର( ସଂଜୀବ ପାଣିଗ୍ରାହୀ)
  ଲୋକ ମହୋତ୍ସବ- ୨୦୨୩,ସମ୍ବଲପୁରକୁ  ଭବ୍ୟ ଢଂଗରେ ଆୟୋଜନ କରିବା ପାଇଁ ଜିଲ୍ଲା ପ୍ରଶାସନ ଏବଂ ଆୟୋଜନ କମିଟିର  ଗୁରୁତ୍ବପୂର୍ଣ୍ଣ ବୈଠକ ଜିଲ୍ଲାପାଳଙ୍କ ବୈଠକ କକ୍ଷରେ ଅନୁଷ୍ଠିତ ହୋଇଯାଇଛି। ଜିଲ୍ଲାପାଳ ଅନନ୍ୟା ଦାସଙ୍କ ସଭାପତିତ୍ୱରେ ଅନୁଷ୍ଠିତ ପ୍ରସ୍ତୁତି ବୈଠକରେ ସମସ୍ତ କମିଟି ର ଲେକ ମହୋତ୍ସବ ସଂଯୋଜକ ଏବଂ ସବୁ ବିଭାଗର ଆବାହକ ମାନଂକ ସହ ଲୋକ ମହୋତ୍ସବ ର  ନୋଡାଲ ଅଧିକାରୀ ମାନେ ସାମିଲ ହୋଇଥିଲେ। ଆସନ୍ତା ଜାନୁଆରୀ ୧୩ ତାରିଖରେ ବ୍ଲକ ସ୍ତରୀୟ ଲୋକ କଲାକାର ମାନଂକୁ ନେଇ କାର୍ଯ୍ୟକ୍ରମ ହେବ। ଏବାପର ଦିନ ୧୪ ଜାନୁଆରୀ ରେ ଲୋକ ମହୋତ୍ସବ୨୦୨୩ ର ମୁଖ୍ଯ ଆୟୋଜନ କରାଯିବାନେଇ ଆଲୋଚନା ହୋଇଥିଲା। ୧୯୯୭ ମସିହାରେ ସମ୍ବଲପୁର ରେ ରାଜ୍ଯ ର ପ୍ରଥମ ଲୋକ ମହୋତ୍ସବ ଆରମ୍ଭ ହୋଇଥିଲା। ସେହି ଦିନ ଠାରୁ ଆଜି ପର୍ୟ୍ଯନ୍ତ ହୋଇଥିବା ଲୋକ ମହୋତ୍ସବ ଗୁଡିକର ଫଟୋ ଭିଡିଓ ସଂଗ୍ରହ କରି ତାକୁ ପ୍ରଦର୍ଶିତ କରିବା ସହ ଲୋକଙ୍କୁ ବିଗତ ଦିନର ଆୟୋଜନ ବିଷୟରେ ଜାଣିବା ପାଇଁ ସୁଯୋଗ ଦେବାକୁ ମତ ପୋଷଣ ହୋଇଥିଲା। ଚଲିତ ବର୍ଷ  ବୀର୍ସା ମଇଦାନରେ ଲୋକ ମହୋତ୍ସବ ସହ ପଲ୍ଲିଶ୍ରୀ ମେଳା ମଧ୍ଯ ଆୟୋଜନ କରାଯାଉଛି। ତା ସହ ହକି ବିଶ୍ବକପ ପାଇଁ ମଧ୍ଯ ସ୍ବତନ୍ତ୍ର କାର୍ଯ୍ୟକ୍ରମ ଆୟୋଜନ କରାଯିବ। ଲୋକ ମହୋତ୍ସବ ରେ ଆନ୍ତର୍ଜାତୀୟ ଲୋକ ଦଲ ସହ ଜାତୀୟ ଏବଂ ରାଜ୍ଯ ସ୍ତରୀୟ ଲୋକ ନ୍ରୁତ୍ୟ ଦଲ ସାମିଲ ହେବେ। ଲୋକ ମହୋତ୍ସବକୁ ଆୟୋଜନ କରିବା ପାଇଁ ସବୁ କମିଟିର ସହଯୋଗ  ଏବଂ ସମନ୍ବୟ ରକ୍ଷା କରିବା ପାଇଁ ଆହ୍ବାନ କରିଥିଲେ।ବୈଠକ ରେ ଲୋକ ମହୋତ୍ସବ ୨୦୨୩ର ମୁଖ୍ଯ ନୋଡାଲ ଅଧିକାରୀ ପ୍ରଦୀପ ସାହୁ ଏବଂ ସହ ନୋଡାଲ ଅଧିକାରୀ ପ୍ରଭାସ ଡନସନା ସବୁ କମିଟିର ଆବାହକ ଏବଂ ନୋଡାଲ ଅଧିକାରୀ ମାନେ ସାମିଲ ହୋଇଥିଲେ। ପ୍ରଶାସନ ଏବଂ ଜିଲ୍ଲା ସଂସ୍କୃତି ବିଭାଗର ପ୍ରତ୍ଯାଖ୍ଯ ସହଯୋଗରେ ଚଲିତ ବର୍ଷର ଲୋକ ମହୋତ୍ସବ ଅଧିକ ଭବ୍ୟ ଆକାରରେ କରିବା ପାଇଁ ସମସ୍ତ ବ୍ଯବସ୍ଥା କରିବା ପାଇଁ ଆଗ୍ରହ ପ୍ରକାଶ କରିଥିଲେ।  ଶେଷରେ ଜିଲ୍ଲା ସଂସ୍କୃତି ଅଧିକାରୀ ଦିପକ କୁଲ୍ଲୁ ଧନ୍ଯବାଦ ଅର୍ପଣ କରିଥିଲେ।