09-Dec-2022

ବଲାଙ୍ଗୀର ଜିଲ୍ଲା ସିନ୍ଧେକେଲା ଥାନାରେ ମଙ୍ଗଳବାର ନୁତନ ଥାନାଧିକାରି ଭାବେ ବି ରୁଦ୍ରିଆ ଯୋଗ ଦେଇଛନ୍ତି। ଗତ କିଛି ବର୍ଷ ମଧ୍ଯରେ ବେଶ ଚର୍ଚ୍ଚାରେ ରହି ଆସିଛି ସିନ୍ଧେକେଲା ଥାନା । ତେବେ ସେ ନିରିହ ନିଷ୍ପାପ ଶିଶୁ ବଳି ହେଉ କିମ୍ବା ଗୁଣି ଗାରେଡି ସନ୍ଦେହରେ କୋଉଠି ବୃଦ୍ଧ ଙ୍କୁ ଗାଁରେ ବୁଲାଇ ବୁଲାଇ ମାଡ ମାରିବା ସହ ପରିଶ୍ରା ଓ ବିଷ୍ଟା ଖୁଆଇବା ତ କୋଉଠି ଗୋଟିଏ ପରିବାର କୁ ଗୁଣି ଗାରେଡି ସନ୍ଦେହ ରେ ଗାଁରୁ ବାସନ୍ଦ କରିଦେବା ଭଲି ହୃଦୟ ବିଦାରକ ଘଟଣା ମନରୁ ନ ଲିଭୁଣୁ ମମିତା ମେହେର ହତ୍ୟାକାଣ୍ଡ , ପୋଲିସ ଥାନାରେ ଛେଳି ଚୋରି ଘଟଣା ଓ ଏବେ ଆଇଆଇସି ଆଲୋକ ବେହେରା ଲାଞ୍ଚ ନେଉଥିବା ବେଳେ ଭିଜିଲାନ୍ସ ହାତରେ ଧରାପଡିବା ଏପରି ଅନେକ ଘଟଣା ଭିନ୍ନ ଭିନ୍ନ ସମୟରେ ଗଣମାଧ୍ୟମ ର ଧ୍ୟାନ ଆକର୍ଷଣ କରିଛି ଓ ସିନ୍ଧେକେଲା ଥାନା ଚର୍ଚ୍ଚାରେ ରହି ଆସିଛି । ତେବେ ଆଇଆଇସି ଆଲୋକ ବେହେରା ରବିବାର ଭିଜିଲାନ୍ସ ହାତରେ ଧରାପଡିବା ପରେ ତାଙ୍କ ସ୍ଥାନରେ ମଙ୍ଗଳବାର ସିନ୍ଧେକେଲା ଥାନାରେ ନୁତନ ଭାବେ ଯୋଗ ଦେଇଛନ୍ତି ଆଇଆଇସି ବି ରୁଦ୍ରିଆ । ତେବେ ଏହି ବହୁଚର୍ଚ୍ଚିତ ଥାନାରେ ଯୋଗ ଦେବା ଆଗରୁ ସେ ପୁଇଁତଳା ଥାନା ଓ ତୁଷରା ଥାନାରେ ମଧ୍ଯ କାର୍ଯ୍ୟ କରିଛନ୍ତି । ତେବେ ତାଙ୍କ ପ୍ରତିକ୍ରିୟା ନେବାରୁ ସେ କହିଛନ୍ତି କିଛି ବର୍ଷ ତଳେ ସିନ୍ଧେକେଲା ପୋଲିସ ଓ ଜନସାଧାରଣଙ୍କ ମଧ୍ଯରେ ଯୋଉଭଲି ସମ୍ପର୍କ ଥିଲା ତାକୁ ପୁନର୍ବାର ସ୍ଥାପିତ କରିବା ଦିଗରେ କାମ କରିବି ବୋଳି ଶ୍ରୀ ରୁଦ୍ରିଆ କହିଛନ୍ତି । କିନ୍ତୁ ବର୍ତ୍ତମାନ ସ୍ଥିତିରେ ସିନ୍ଧେକେଲା ଅଞ୍ଚଳରେ ଅନେକ ବେଆଇନ କାରବାର ଖୁଲମଖୁଲା ଓ ଜୋରସୋରରେ ଚାଳିଛି। ତେବେ ଏହା ଉପରେ ରୋକ ଲଗାଇବା ନୁଆ ଥାନାଧିକାରିଙ୍କ ପାଇଁ ଚ୍ୟାଲେଞ୍ଜ ସୃଷ୍ଟି କରିବ ବୋଳି ଆଲୋଚନା ହେଉଛି ।