07-Dec-2022

ବଲାଙ୍ଗିର/କଣ୍ଟାବାଞ୍ଜି (ପୁର୍ଣ୍ଣ ଶଶୀ ଶେଖର ରାଓ) ଆଜି ବଲାଙ୍ଗିର ଜିଲ୍ଲା ତୁରେକେଲା ବ୍ଲକର ଚାଷିମାନେ ତୁରେକେଲା କଣ୍ଟାବାଞ୍ଜି ରାସ୍ତା ଅବରୋଧ କରିଥିଲେ। ଅଭିଯୋଗ ଅନୁସାରେ ଧାନ ମଣ୍ଡିରେ ବିକ୍ରି କରିବାକୁ ନେଲେ ମିଲର୍ସ ମାନେ ଗୋଟିଏ ବସ୍ତା  ଧାନକୁ ୭ କେଜି କାଟୁଥିବା ବେଳେ ଚାଷୀମାନଙ୍କ ମନରେ ଅସନ୍ତୋଷ ଦେଖାଦେଇଛି। ଏହି ବିଷୟରେ ଜାଣିବା ପରେ ମଙ୍ଗଳବାର ଦିନ କଣ୍ଟାବାଞ୍ଜି ବିଧାୟକ ସନ୍ତୋଷ ସିଂ ସାଲୁଜା ଚାଷିମାନଙ୍କ ସହ ରାସ୍ତା ଅବରୋଧ କରିଥିଲେ । ସରକାର କଟନୀ ଛଟନି ବିରୋଧରେ କଡ଼ା କାର୍ଯ୍ୟାନୁଷ୍ଠାନ ବ୍ୟବସ୍ଥା କରିଥିବା ବେଳେ ମିଲର୍ସଙ୍କ ମାନେ ତିଲେଁ ହେଲେ ଖାତିରି କରୁନଥିବା ଅଭିଯୋଗ ହେଉଛି। ବିଧାୟକ ଯେତେବେଳେ କଟନୀ ଛଟନି ଅଭିଯୋଗ କରିଛନ୍ତି ତେବେ ମିଲର୍ସ ମାନଙ୍କ ବିରୁଦ୍ଧରେ ପ୍ରଶାସନ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବା କଥା ବୋଲି ଲୋକଲୋଚନରେ ମତ ପ୍ରକାଶ କରିଛନ୍ତି।ସକାଳୁ ଦିନ ଦ୍ବିପହର ପର୍ଯ୍ୟନ୍ତ ତୁରେକେଲା କଣ୍ଟାବାଞ୍ଜି ରାଜରାସ୍ତାରେ ଚାଷିମାନଙ୍କୁ ନେଇ ତୁରେକେଲା ସମବାୟ ସମିତି ଫ୍ଯାକ୍ସ ନିକଟରେ ବସିଥିଲେ, ପରେ କଣ୍ଟାବାଞ୍ଜି ତହସିଲଦାର ସମୀର ରଞ୍ଜନ ବେହେରା ରାସ୍ତା ଅବରୋଧ ସ୍ଥାନକୁ ପହଞ୍ଚି ଚାଷୀମାନଙ୍କ ସହିତ ଆଲୋଚନା କରିବା ସହ  କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ପ୍ରତିଶ୍ରୁତି ଦେବା ପରେ  ରାସ୍ତା ଅବରୋଧ କାରୀ ମାନେ ରାସ୍ତା ଛାଡ଼ି ଦେଇଥିଲେ ।