04-Dec-2022

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ) -  ବର୍ତ୍ତମାନ ର ଆଧୁନିକ ଯୁଗ ରେ ଲୋକେ ବଡ଼ ବଡ଼ ହୋଟେଲ ରେ ନାଚ ଗୀତ ଭୋଜି ଭାତ ର ଆସର ଜମାଇ ବାଜା ବାଣ ଫୁଟାଇ ବହୁ ଆଡମ୍ବର ସହିତ ଜନ୍ମ ପାଳନ କରି ବାୟୁ ପ୍ରଦୂଷଣ, ଶବ୍ଦ ପ୍ରଦୂଷଣ ସାଙ୍ଗ କୁ ସମଗ୍ର ପରିବେଶ ଦୂଷିତ ହେବାର ଅନେକ ନଜିର ରହିଛି l କିନ୍ତୁ ଏସବୁ ର ସମ୍ପୂର୍ଣ ବ୍ୟତିକ୍ରମ ଓ ଏକ ନିଆରା ଜନ୍ମ ଦିନ ଉତ୍ସବ ମନାଇ ଥିବା ଦେଖିବାକୁ ମିଳିଛି ସୁବର୍ଣ୍ଣପୁର ର ଜଣେ ଦକ୍ଷ ପ୍ରଶାସନିକ

ଅଧିକାରୀ ଙ୍କ ଠାରେ l ସୁବର୍ଣ୍ଣପୁର ତେଲ ନଦୀ ମହାନଦୀ ର ସଙ୍ଗମ ସ୍ଥଳ ରେ ଅବସ୍ଥିତ ରୋଗୀ ସେବା ଶ୍ରମ  (ନାରାୟଣ ସେବା ଶ୍ରମ ) ରେ ଆଜି ସୁବର୍ଣ୍ଣପୁର ଉପ ଜ଼ିଲ୍ଲାପାଳ ଡଃ ଈପସିତା ପ୍ରିୟଦର୍ଶନୀ ମିଶ୍ର ଶୀତ ବସ୍ତ୍ର ଓ ମିଷ୍ଟାନ ବଣ୍ଟନ କରି ରୋଗୀ ଙ୍କ ଦୁଃଖ ସୁଖ ରେ ସାମିଲ ହୋଇ ନିଜ ପୁଅ ଅର୍ଣ୍ଣଭ ର

ଜନ୍ମଦିନ ଉତ୍ସବ ମନାଇ ସମାଜ କୁ ଏକ ଭିନ୍ନ ବାର୍ତ୍ତା ପହଞ୍ଚାଇଛନ୍ତି l ଷ୍ଟେନୋ ଗ୍ରାଫର ସଂଜୀବ ମଲ୍ଲିକ ଏସବୁ କାର୍ଯ୍ୟକ୍ରମ ରେ ସାମିଲ ହୋଇ ସହଯୋଗ କରିଥିବା ଜଣା ଯାଇଛି l ଡଃ ମିଶ୍ର ଙ୍କ ଏଭଳି ମହତ କାର୍ଯ୍ୟ କୁ ସ୍ୱଚ୍ଛ ଭାରତ, ଓଡିଶା ସାମ୍ବାଦିକ ସଂଘ, ରକ୍ତ ଦାତା ସଂଘ, ବରିଷ୍ଠ ନାଗରିକ ସଂଘ, ସମେତ ସ୍ଥାନୀୟ ବୁଦ୍ଧିଜୀବୀ ମହଲ ରେ ଭୁୟସୀ ପ୍ରଶଂସା କରାଯାଇଛି l