26-Nov-2022

ଇମ୍ପେରିଆଲ କଲେଜରେ ନେହେରୁ ଯୁବକେନ୍ଦ୍ର ପକ୍ଷରୁ ସମ୍ବିଧାନ ଦିବସ ପାଳିତ ହୋଇଯାଇଛି।କଲେଜର ରାଜନୀତି ବିଜ୍ଞାନ ଅଧ୍ୟାପିକା କୁମାରୀ ଯାଜ୍ଞସେନୀ ଜେନା ଓ ଛାତ୍ରୀ ମିନାକ୍ଷୀ ଭୋଇ ଏବଂ ଶ୍ରୀଷ୍ଟି ଅଗ୍ରୱାଲଙ୍କ ସଂଯୋଜନାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ  ଭାରତୀୟ ଜୀବନବୀମା ନିଗମର ବରିଷ୍ଠ ଅଧିକାରୀ ଶ୍ରୀଯୁକ୍ତ ବିଶ୍ୱଜିତ୍ ମିଶ୍ର ଓ ସମ୍ବଲପୁର ଜିଲ୍ଲା ଖାଉଟି ଉପଭୋକ୍ତା ସମିତିର ଅଧ୍ୟକ୍ଷ ଡକ୍ଟର ରମାକାନ୍ତ ଶତପଥୀ ମୁଖ୍ୟ ଅତିଥି ଓ ବକ୍ତା ଭାବରେ ଯୋଗଦେଇଥିଲେ।ନେହେରୁ ଯୁବାକେନ୍ଦ୍ର ପକ୍ଷରୁ  ଜିଲ୍ଲା ଅଧିକାରୀ ଶ୍ରୀଯୁକ୍ତ ରୋଷନ ଟନଡନ୍ ଓ ଉପଦେଷ୍ଟା ଶ୍ରୀଯୁକ୍ତ ତ୍ରିଲୋଚନ ଶତପଥୀ ଛାତ୍ରଛାତ୍ରୀ ମାନଙ୍କୁ ଉଦବୋଧନ ଦେଇଥିଲେ।

କାର୍ଯ୍ୟକ୍ରମ ପ୍ରାରମ୍ଭରେ ନୂଆଦିଲ୍ଲୀର ବିଲ୍ଡ ଇଣ୍ଡିଆ ଗ୍ରୁପ ତରଫରୁ ଶ୍ରୀଯୁକ୍ତ ଜୟପ୍ରକାଶ ଶତପଥୀ ଛାତ୍ରଛାତ୍ରୀ ମାନଙ୍କୁ ଶପଥ ପାଠ କରାଇଥିଲେ ଓ ଏହା ପରେ ନେହେରୁ ଯୁବାକେନ୍ଦ୍ର ପକ୍ଷରୁ ଆୟୋଜିତ କାର୍ଯ୍ୟକ୍ରମରେ ଉଭୟ ମୁଖ୍ୟ ଅତିଥି ଓ ବକ୍ତା ଭାବରେ ଭାରତୀୟ ସମ୍ବିଧାନ ବିଷୟରେ ବିଶଦ ଆଲୋଚନା କରିଥିଲେ।କଲେଜର ଅଧ୍ୟକ୍ଷ ଦୂର୍ଗେଶ ଶତପଥୀଙ୍କ ପରିଚାଳନାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ପୂର୍ବରୁ ଅନୁଷ୍ଠିତ ହୋଇଥିବା ସମ୍ବିଧାନ କୁଇଜ୍ ପ୍ରତିଯୋଗୀତାର କୃତି ପ୍ରତିଯୋଗୀ ଗାୟତ୍ରୀ ସାହୁ, ଶିଖା ମେହେର,ସଞ୍ଜୁଲତା ପଟେଲ,ପପୁନ୍ ସାହୁଙ୍କୁ ପୁରସ୍କାର ପ୍ରଦାନ କରାଯାଇଥିଲା ଏବଂ ପରିଶେଷରେ ମିନାକ୍ଷୀ ଭୋଇ ଧନ୍ୟବାଦ୍ ଅର୍ପଣ କରିଥିଲେ।