26-Nov-2022

କୁଚିଣ୍ଡା(ସଂଜୀବ ପାଣିଗ୍ରାହୀ)
 ହାଡ଼ିପାଲି ପଞ୍ଚାୟତର ସତ୍ୟବାଦୀ ଉଚ୍ଚ ପ୍ରାଥମିକ ବିଦ୍ୟାଳୟ ଠାରେ ଚାଇଲଡ ଲାଇନ ପକ୍ଷରୁ ଖୋଲାମଞ୍ଚ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି I ଏଥିରେ ଚାଇଲଡଲାଇନର ଉପଦେଷ୍ଟା ତଥା କୁଟୁରାଚୁଆଁ କଲେଜର ଅବସରପ୍ରାପ୍ତ ଅଧ୍ୟକ୍ଷ ସୁବାଷ ଚନ୍ଦ୍ର ନାୟକ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ I ୱାର୍ଡ ସଭ୍ୟା କ୍ଷୀରଦିନି କୁଆ, ଶକୁନ୍ତଳା ବାଘ, ଅଙ୍ଗନବାଡି କର୍ମୀ ସୁନାଫୁଲ କଉଡ଼ି, ନଳିନୀ ନାୟକ, ଆଶା କର୍ମୀ ଆରତୀ ନାୟକ, ଦମୟନ୍ତୀ ସିଂ, ସି ଆର ପି ଗୀତାଞ୍ଜଳି ବେରିହା, ଏମ ବି କେ ସୁଜାତା ନାୟକ, ପ୍ରଧାନ ଶିକ୍ଷକ ଅଜୟ କୁମାର ସାହୁ, ପ୍ରେମାନନ୍ଦ ନାୟକ ଉପସ୍ଥିତ ଥିଲେ I ଚାଇଲଡ ଲାଇନ ଟିମ ଲିଡର ତୃପ୍ତି ମୟୀ ଦାଶ ସଭା ପରିଚାଳନା କରିଥିଲେ I ସଭାରେ ସ୍ଥାନୀୟ ସମସ୍ୟା  ସମେତ ହାଡ଼ିପାଲି ଅଙ୍ଗନବାଡି କେନ୍ଦ୍ରର ପାଚେରୀ, ପଞ୍ଚାୟତ ଗୃହରେ ଥଣ୍ଡା ପାନୀୟ ଜଳର ସୁବିଧା,କୁଦୋପାଲି ଅଙ୍ଗନବାଡି ଗୃହରେ ପାଚେରୀ, ସତ୍ୟ ବାଦୀ ଉଚ୍ଚ ପ୍ରାଥମିକ ବିଦ୍ୟାଳୟରେ ଆଉ ଜଣେ ଶିକ୍ଷକ ପଦ ଯୁକ୍ତ କରାଯିବା ସମ୍ବନ୍ଧରେ ଗ୍ରାମବାସୀ ଦୃଷ୍ଟି ଆକର୍ଷଣ କରିଥିଲେ I ସଭାରେ ସ୍ୱୟଂ ସହାୟକ ଗୋଷ୍ଠୀର ସଦସ୍ୟ, ସହକାରୀ ଶିକ୍ଷକ ଜଗଦିଶ ମାଝୀ  ଉପସ୍ଥିତ ଥିଲେ I ଚାଇଲଡ ଲାଇନ କର୍ମୀ ଶ୍ଵେତାଙ୍ଗିନୀ ବାରିକ ଧନ୍ୟବାଦ ଦେଇଥିଲେ ।