25-Nov-2022

ବରଗଡ:-ବରଗଡ଼ ସ୍ଥିତ ବାପୁଜୀ ସ୍ୱତନ୍ତ୍ର ବିଦ୍ୟାଳୟ ଠାରେ ଏକ ମନୋଜ୍ଞୋ ପରିବେଶ ମଧ୍ୟରେ ଏକ ନିଆରା କାର୍ଯ୍ୟକ୍ରମ ପ୍ରତିଭା ସମ୍ମାନ ଓ କବୟିତ୍ରୀ ରାଧାରାଣୀ ପଟ୍ଟନାୟକ ଙ୍କ ସ୍ମରଣୀୟ କବିତା ସଂକଳନ ଯୁଗୋପଯୋଗୀ ସୁବର୍ଣ୍ଣଦୀପ ପତ୍ରିକା ପକ୍ଷରୁ ୨୮ତମ ବର୍ଷରେ ଲୋକାର୍ପିତ ହୋଇଯାଇଛି।ଏହି କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ବରଗଡ ଜିଲ୍ଲାରେ କାର୍ଯ୍ୟରତ ବିଶ୍ୱବାଣୀ ସମ୍ପାଦପତ୍ରର ଜିଲ୍ଲା ପ୍ରତିନିଧି ଶ୍ରୀମାନ ନିରଞ୍ଜନ ତ୍ରିପାଠୀ,ସମ୍ମାନୀତ ଅତିଥିଭାବେ ଶ୍ରୀମାନ କୈଳାସ ମହାରଣା(ସାହିତ୍ୟିକ),କବି ଡାକ୍ତର ପ୍ରଶାନ୍ତ କୁମାର ପଣ୍ଡା(ଗୋଡଭଗା),ବିଶେଷ ଅତିଥି ସାହିତ୍ୟିକ ମନୋରଞ୍ଜନ ମେହେର,ମୁଖ୍ୟବକ୍ତା ମନୋରଞ୍ଜନ ମିଶ୍ର,ବକ୍ତା ଯଶବିର ସିଂ ସୈନୀ(ଏଇଏମ୍ ସ୍କୁଲ ଅଧ୍ୟକ୍ଷ) ଯୋଗଦେଇଥିବା ବେଳେ,ସଭାପତିତ୍ବ କରିଥିଲେ ବାପୁଜୀ ସ୍କୁଲ ର ପ୍ରଧାନ ଶିକ୍ଷକ କିଶୋର କୁମାର ସାହୁ।ଏ ଅବସରରେ ସୁବର୍ଣ୍ଣଦୀପ ର ସଂପାଦକ ପ୍ରଦୀପ୍ତ ଭାନୁ ମହାନ୍ତି।କାର୍ଯ୍ୟକ୍ରମ ର ମଧ୍ୟଭାଗରେ କବୟିତ୍ରୀ ରାଧାରାଣୀ ପଟ୍ଟନାୟକ ଙ୍କୁ ସମ୍ମାନୀତ କରାଯିବା ସହିତ ସମାଜସେବା କ୍ଷେତ୍ରରେ ତଥା ଆଧ୍ୟାତ୍ମିକ ଚେତନାର ବାର୍ତ୍ତାବହ ଭାବେ ଶ୍ରୀମାନ ମନୋରଞ୍ଜନ ସାହୁ ଙ୍କୁ ଅତିଥି ବୃନ୍ଦସୁବର୍ଣ୍ଣଦିପ ସମ୍ମାନ ପ୍ରଦାନ କରାଯିବାସହ ଚଳିତ ବର୍ଷ ବରଗଡ ଧନୁଯାତ୍ରାରେ ବିଶେଷ ଆକର୍ଷଣ ଶିଶୁ ଶିଳ୍ପୀ ଶ୍ରୀରାଧା

ଭୂମିକାରେ ଅବର୍ତ୍ତୀର୍ଣ୍ଣ ହେବାକୁ ଯାଉଥିବା ବୈଷବୀ ବିର୍ତିଆ ଙ୍କୁ କାର୍ଯ୍ୟକ୍ରମ ରେ ଅଭିନୟ ଓ ନୃତ୍ୟ ପରିବେଷଣ ପାଇଁ ପ୍ରତିଭା ସମ୍ମାନରେ ସମ୍ମାନୀତ କରାଯାଇଥିଲା।ଅନ୍ୟତମ ପ୍ରଧାନ ଶିକ୍ଷକ,ମେଘନାଦ ସାହୁ,ଦୁଃଖିସେବକ ସାହୁ,ସୁବିଧା ପଶାୟତ,ସଂଗୀତ ଶିକ୍ଷକ ଅମରେଶ ଚନ୍ଦ୍ର ବାରିକ,ସୁଶାନ୍ତ ତ୍ରିପାଠୀ,ତ୍ରିଲୋଚନ ସାହୁ,ନେପାଳ ଦୁଆନ ପ୍ରମୁଖ କାର୍ଯ୍ୟକ୍ରମ ରେ ସମ୍ପୁର୍ଣ୍ଣ ସହଯୋଗ କରିଥିଲେ।ଶେଷରେ ପ୍ରଦୀପ କୁମାର ପଣ୍ଡା ଧନୁଯାତ୍ରାର ର ପୂର୍ବତନ ମହାମନ୍ତ୍ରୀ ଧନ୍ୟବାଦ ଅର୍ପଣ ପରେ ସଭାକାର୍ଯ୍ୟ ସାଙ୍ଗ ହୋଇଥିଲା।