25-Nov-2022

ବିନିକା(ହିମାଂଶୁ ଶେଖର ପୁଟେଲ) ବିନିକା ବ୍ଳକ ଅନ୍ତର୍ଗତ ବାବୁପାଲି ଗ୍ରାମ ପଞ୍ଚାୟତ ଯୁବ ଗୋଷ୍ଟି ଓ ସମ୍ବଲପୁର ତ୍ରିଲୋଚନ ନେତ୍ରାଳୟର ମିଳିତ ଆନୁକୁଲ୍ୟରେ ସ୍ଥାନୀୟ ପଞ୍ଚାୟତ କାର୍ଯ୍ୟାଳୟ ଠାରେ ମାଗଣା ଚକ୍ଷୁ ଚିକିତ୍ସା ଶିବିର ଶୁକ୍ରବାର ଅନୁଷ୍ଟିତ ହୋଇଥିଲା ।ଏହାକୁ ବିନିକା ବିଡ଼ିଓ ବ୍ୟାସଦେବ ବେହେରା ଉଦ୍ଘାଟନ କରିଥିବା ବେଳେ ସମ୍ମାନିତ ଅତିଥି ଭାବେ ସରପଞ୍ଚ ସୌଦାମିନୀ ସାହୁ ଯୋଗଦେଇଥିଲେ ।ଶିବିରରେ ମୋଟ ୧୧୫ଜଣଙ୍କ ଆଖି ପରୀକ୍ଷା କରାଯାଇଥିଲା ସେଥିରୁ ୪୬ଜଣଙ୍କ ଅସ୍ତ୍ରୋପଚାର ପାଇଁ ନେତ୍ରାଳୟକୁ ପଠାଯାଇଥିଲା । ଡାକ୍ତର ଅଦ୍ୟାସାଙ୍କ ନେତୃତ୍ୱରେ ସୁପ୍ରିୟା,ସୁପ୍ରଭା,ଶୃତି,ଆନନ୍ଦ,ଯଶୋବନ୍ତ,ମାନସ,ସୁମନ୍ତ ପ୍ରମୁଖ ଉପସ୍ଥିତ ରହି ଲୋକଙ୍କ ଆଖି ପରୀକ୍ଷା କରିଥିଲେ ।ଏଥିରେ ପଞ୍ଚାୟତ ସ୍ତରୀୟ ମହାସଂଘର କର୍ମକର୍ତ୍ତା ସହଯୋଗ କରିଥିଲେ ।