23-Nov-2022

ଉଲୁଣ୍ଡା (ଗୌରଚନ୍ଦ୍ର ପରିଛା): ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ କୁତାମୁଣ୍ଡା ଓ ପାତ୍ରପଡା ଗ୍ରାମରୁ ଦୁଇଟି ମେଣ୍ଢା ଚୋରି ହୋଇଥିବା ନେଇ ଅଭିଯୋଗ ହେଉଛି । ସୂଚନା ଅନୁସାରେ ସିନ୍ଦ୍ରିଆବାହାଲ ଗ୍ରାମର ଅଚୁତ ବେହେରା ତାଙ୍କ ଶଶୁର ଘର କୁତାମୁଣ୍ଡା ଗ୍ରାମରେ ପରିବାର ସହିତ ରହିଆସୁଛନ୍ତି । ସେଠାରେ ମେଣ୍ଢା ଚାଷ କରି ପରିବାର ପ୍ରତିପୋଷଣ କରୁଛନ୍ତି । ସବୁ ଦିନ ଭଲି ଗତକାଲି ମଧ୍ୟ ମେଣ୍ଢାପଲକୁ ଗୁହାଲରେ ରଖିଥିଲେ । ରାତିରେ ପରିବାର ଲୋକେ ଖାଇପିଇ ଶୋଇଥିଲେ । ବିଲମ୍ବିତ ରାତିରେ ଦୁର୍ବୁତ ମାନେ ତାଙ୍କ ଘରକୁ ଆସି ଘରର ବାହାର ପଟୁ ତାଲା ଦେଇ ମେଣ୍ଢା ଚୋରି କରି ଫେରାର ମାରିଥିଲେ । ତେବେ ମେଣ୍ଢାପଳ ଚିକ୍ତାର କରିବାରୁ ପରିବାର ଲୋକେ ଉଠି ପଡଥିଲେ । ହେଲେ ବାହାର ପଟୁ ଦୁର୍ବୂତ ମାନେ ତାଲା ଦେଇଥିବାରୁ ବାହାରକୁ ଆସିପାରିନଥିଲେ । ପରେ ଅନ୍ୟ ପଟ ଦେଇ ବାହାରକୁ ଆସି ଦେଖିଲା ପରେ ଗୋଟିଏ ମେଣ୍ଢା ଚୋରି ହୋଇଥିବା ଜାଣି ପାରିଥିଲେ । ସେହିପରି ପାତ୍ରପଡାରୁ ବିଲମ୍ବିତ ରାତିରେ  ଆସିଷ ପାତ୍ରଙ୍କ ମଧ୍ୟ ଗୋଟିଏ ମେଣ୍ଢା ଦୁର୍ବୂତ ମାନେ ଚୋରି କରି ନେଇଯାଇଥିଲେ । ଦୁର୍ବୁତ ମାନେ ଏକ ବୋଲେରୋ ଗାଡିରେ ଆସିଥିବା ସୂଚନା ମିଲିଥିବା ବେଳେ ଏନେଇ ଉଭୟ ମାଲିକଙ୍କ ପକ୍ଷରୁ ଥାନାରେ କୌଣସି ଅଭିଯୋଗ ହୋଇନଥିବା ଜଣାପଡିଛି ।