02-Dec-2020

(ପ୍ରେରଣା ଖବର) - ରାଜସ୍ଥାନର ପାଲି ଜିଲ୍ଲାରେ ମଙ୍ଗଳବାର ଘଟିଛି ଏକ ଭୟଙ୍କର ଦୁର୍ଘଟଣା। ଏହି ଦୁର୍ଘଟଣାରେ ଜଣେ ମହିଳାଙ୍କ ସହିତ ୨ ଜଣଙ୍କର ମୃତ୍ୟୁ ହୋଇଛି।  ସେଭଳି ଗୁରୁତର ଆହତ ହୋଇଥିବା୧୨ ଜଣଙ୍କୁ ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଚି। ଦୁର୍ଘଟଣା ଫୋରଲେନ୍ ରାସ୍ତାରେ ଘଟିଛି। lସହି ରାସ୍ତାରେ ପକାଯାଇଥିବା ଗ୍ୟାସ୍ ପାଇପ୍ ଲାଇନ୍‌ର ୮୦ ଫୁଟ୍ ଲମ୍ବା ପାଇପ୍ ହାଇଡ୍ରୋଲିକ୍ ମେସିନର ଅପରେଟରଙ୍କ ଅବହେଳା ଯୋଗୁଁ ବସ୍ ଭିତର ଦେଇ ଆରପାର ହୋଇଯାଇଥିଲା। କୁହାଯାଉଛି ଯେ, ଏହାଦ୍ବାରା ଜଣେ ଯାତ୍ରୀଙ୍କର ବେକ କଟିଯାଇଛି ଓ ଜଣେ ଯାତ୍ରୀଙ୍କର ମୁଣ୍ଡ ସମ୍ପୂର୍ଣ୍ଣ ଭାବରେ କଟିଯାଇଛି। ଦୁର୍ଘଟଣା ପରେ ପୋଲିସର କହିବା ଅନୁସାରେ, ଦୁର୍ଘଟଣା ସାଣ୍ଡେରାଓଠାରୁ ତିନି କିଲୋମିଟର ପୂର୍ବରୁ ପାଲି ପଟକୁ ହୋଇଛି। ସେଠାରେ ଫୋରଲେନ୍ ହାଇଓ୍ବେ ପାଖରେ ଦୀର୍ଘ ସମୟ ଧରି ଅଣ୍ଡର ଗ୍ରାଉଣ୍ଡ ଗ୍ୟାସ୍ ପାଇପ୍ ଲାଇନ୍ ପକାଇବାର କାମ ଚାଲିଥିଲା। ମଙ୍ଗଳବାର ସନ୍ଧ୍ୟା​‌ରେ ପ୍ରାୟ ୪ଟା ବେଳେ ମାରଓ୍ବାଡ ଜଙ୍କସନ୍ ପୁନା ଯାଉଥିବା ଘରୋଇ ଯାତ୍ରୀବହି ସମ୍ ହାଇଓ୍ବେରେ ଯାଉଥିଲା। ଏହି ସମୟରେ ପାଇପ୍ ଲାଇନ୍ ପକାଇବା ପାଇଁ ହାଇଢ୍ରୋଲିକ୍ ମେସିନ ଅପରେଯର ପ୍ରାୟ ୮୦ ଫୁଟ୍ ଲମ୍ବା ଏକ ପାଇପକୁ କୁଆଡେ ନଦେଖି ବେପରୁଆ ଭାବରେ ମେସିନ୍ ଚଳାଇ ଫୋରଲେନ୍‌କୁ ଚାଲିଆସିଥିଲେ!! ସେଠାରେ ଧାଁ ଦଉଡ ପରିସ୍ଥିତି ଲାଗି ରହିଛି!! ଏହି ସମୟରେ ପାଇବ୍ ସେହି ବାଟ ଦେଇ ଯାଉଥବା ବସ୍ ଝରକା ଭିତରେ ପଶି ଯାଇଥିଲା। ପରେ ବସକୁ ଚିରି ଆରପଟକୁ ଚାଲିଯାିତିଲା। ଏହାପରେ ବସ୍ ଭିତରେ ଯାତ୍ରୀଙ୍କର ଚିତ୍କାର ଶୁଣିବାକୁ ମିଳିଥିଲା। ଘଟଣାସ୍ଥଳରେ ମୈନା ଦେବୀ ଦେଓ୍ବାସି ଓ ଭଓ୍ବରଲାଲ ପ୍ରଜାପତଙ୍କର  ମୃତ୍ୟୁ ହୋଇଯାଇଥିଲା। ଦୁହେଁ ଇସାଲି ଗାଁର ବାସିନ୍ଦା। ଏହି ଦୁର୍ଘଟଣା ପରେ ୧୨ରୁ ଅଧିକ ଯାତ୍ରୀ ଗୁରୁତର ଆହତ ହୋଇଛନ୍ତି!!